كوكايين

الحلقة مئة و أربعون

🔸️حلقة 140
🔸️أمين_يحكي:
عديت عينيا على وجها مرة اخرى...لتوا منجمتش نهدي دقات قلبي...مش مصدق انو لي كان حلمة سنين لتالي ولى حقيقة و لي هي ولات مرتي و على إسمي...اصلا بعد اللي خليتها تعيشو في غيابي...نحسها برشا عليا...و لي انا منستهلش هاذي الفرحة الكل...فقت من سرحتي على صوتها تحكي
هالة:حاضرة
انا:خلينا نمشيو ملا
بستها من جبينها و كبست على يدها...دوب ودعناهم و خرجنا...حسيتها مش قد بعضها...لي خلاها تبقى ساكتة ثنية كاملة...كبست على يدها نحكي
انا:لباس يا روحي ؟
هالة:أمين صراحة انا خايفة برشا
انا:من شنوة ؟
هالة:حتى شي
انا:هااالة
هالة:باهي شقولك تهزني لدارنا توا
انا:شنووة ؟
هالة:كي نحس روحي مستعدة نجي بحذاك
غزرتلها مستغرب...كان بديت نفهم اللي يدور في راسها ضحكت نحكي
انا:صااار انتي خايفة مني ؟
هالة:لااا علاش حتى نخاف منك
أنا:حتى أنا قلت
غزرتلي ندرا كيف و نزلت عينيها من وجهي...تبسمت و نزلت على الفيتاس أكثر...منعرفش على روحي كيفاش وصلت...غزرتلها نحكي
انا:تحب تنزل عزيزتي و لا نهزك لداركم خير
هالة:لا هاني باش ننزل...شنية يقولو علينا مبعد
انا:تفضل ملا
ضحكت و هزيت روحي نزلت...حليتلها الباب و كبست على يدها نحكي
انا:رد بالك
هالة:منجمتش نهبط
نزلت عليها شوية...عدلتلها الروبة و غزرتلها...نحكي
أنا:سافا هكا ؟
هزتلي براسها ايه...و قربت مني أكثر...تبسمت و دخلت لدار...غزرتلي مستغربة تحكي
هالة:يااا محلاها...أمين انت امتى حضرت هذا الكل
انا:والله كنت خايف تشد الصحيح تمشي لداركم و تخليني وحدي ليلة هاذي...نطفي الشموع بالوحدة
هالة:من غير ما تفركهم عليا يا روحي
انا:هيا إيجا
هالة:لحظة برك
انا:تدلل
هالة:جعت برشا...خاطرني منجمتش ناكول غديكا
تبسمت على منظرها و قربلتها أكثر...عديت صوابعي على خدها نحكي
انا:و شنية تحب تاكول ؟
هالة:بيتزا
انا:باهي...إيجا اقعد ساعة
هالة:نحب نحي الروبة
انا:خليك هكا...لتوا مشبعتش منك و مش مصدق انك وليت مرتي
هزتلي براسها باهي...طلبت البيتزا و خلطت عليها نغزرلها دور في صالة...أصلا من بكري داخلة بعضها الفرخة...قربت منها شوية و حضنتها من تالي نحكي
انا:كيفاش تحس في روحك توا
هالة:مرتاحة
خذيت نفس من ريحتها و نزلت عليها شوية...بستها من رقبتها نحكي
انا:صغرونتي المزيانة...منحبكش تخاف مني و لا من اللي باش يصير زادة...حط في مخك اني مستحيل نحط يدي عليك من غير رضايتك و لا حتى نحاول نضرك...اكا علاش نحبك مرتاحة و انتي في دارك باهي
كبست على يديا زوز و دارت عندي...غزرتلي ندرا كيف تحكي
هالة:حتى انا مش مصدقة اني وليت مرتك و على إسمك و أنو الحلمة لي حكينا عليها بكري قاعدة تتحقق توا
عديت صوابعي على خدها و نزلت على شفايفها...اصلا حسيت روحي توحشتها...و فكرة انها ولات مرتي خلى إحساسي معاها يقوا أكثر...عنقتني بالوقت تحكي
هالة:محلاك أمين
عديت يدي على شعرها و تنهدت براحة...لدرجة منعرفش كيفاش تعدا الوقت...فقت من سرحتي على صوت الباب بستها من خدها و جبدت روحي منها شديت عليه البيتزا و رجعت عندها...شدتها عليا و قعدت عالفوتاي...ضحكت نحكي
انا:كول بالقدا عزيزتي...مش بعد تقولي تعبت و معادش فيا
غزرتلي ندرا كيف و شرقت بالوقت...شربتها و ترميت بجنبها نضحك
انا:نفدلك معاك يا فرخة
هالة:شبعت
انا:هيا كملها
هالة:لا معادش نحب...نجم ناخو دوش توا ؟
انا:مممم تنجم...ايجا
هالة:باش تجي معايا ؟
انا:نظن انتي باش تحتاجني يا روحي
هزتلي براسها باهي و وقفت باش تمشي...قربت منها بالزربة هزيتها في حملتي...دورت يديها على رقبتي تحكي
هالة:فاش تعمل ياخي ؟
انا:ندلل في مرتي
باستني من خدي و ضحكت...دزيت الباب بساقي و حطيتها في نص البيت...غزرتلي ندرا كيف...خطفت بوسة من شفايفها و قربتها ليا...عنقتها و مديت يديا نحل في الروبة من تالي..كبست على صدري أكثر..بستها من راسها نحكي
انا:متخافش
جبدت روحي منها...كبست على الروبة و غزرتلي تحكي
هالة:وينو دبشي ؟
انا:كلشي تحتاجو تلقاه في بيت البانو
هالة:باهي
حلت الباب و دخلت...ضحكت و حليت سوريتي...ترميت في وسط السرير...دقايق تعدات قبل ما تخرج عندي مرة اخرى...هزيتها و حطيتها...وجها ولى احمر أكثر من قبل تبسمت و مديتلها يدي نحكي
انا:ايجا هوني
حطت يدها في يدي...كبست عليها و جبدتها عندي على غفلة...قعدت في حملتي...عديت عينيا على وجها نحكي
انا:صحة لحبي
هالة:ع..عيشك
انا:ساعة مكنتش نعرف لانتي باش تحشم مني لهدرجة
هالة:أمين
انا:روح أمين
هالة:انا نحب نعيش معاك كلشي...اما قبل هكا اوعدني انو مهما كانت الظروف لي باش تعرقلنا...ماكش باش تبعد عليا مرة اخرى
انا:مستحيل...مفما حتى شي يفرقني عليك بعد توا منحبكش تخاف مني و لا تخمم بالطريقة هاذي...خاطرني منستخايلش حياتي من غيرك...طيما نح نشوف صغاري منك انتي و كهو
حطت يدها على خدي و قربتلي أكثر...دوب باستني كبست عليها و غطست في شفايفها قبل ما تبعد عليا مرة اخرى...نزلت بصوابعي لبروتال الروبة و بستها من كتفها نحكي
انا:هالة
هزتلي براسها ايه قبل ما نكمل كلامي...كبست عليها و رجعتها لتالي...غرقت فيها من غير ما نخمم في حتى شي آخر...هالة بالنسبة ليا حلم العمر و قاعد يتحقق توا استسلامها ليا خلاني نسحب الخوف لي داخلها و نضيع في العالم متاعها و نثبت ملكيتي عليها...أصلا ما حاجتي بحتى شي من دنيا كان هي و كهو.
#هالة_أمين❤