كوكايين

الحلقة مئة و عشرة

🔸️حلقة 110
🔸️أمين_يحكي:
كبست على يدي...نمشي و نجي...منعرفش شنية باش يصير اكثر من هكا...اما اللي متأكد منو اني مستحيل نمشي من هوني قبل ما نحكي معاه و نحل الموضوع هذا فرد مرة...عالاقل نخليها ترتاح من الظغط لي هي فيه...رغم انها تحاول تكون لباس و ما تبين حتى شي...اما انا نعرفها...و نعرف طبيعتها...فرد وقت نحب نخلي الشكوك لي داخلها تنقص ناحيتي...و فكرة اني باش نتخلى عليها مرة اخرى تنساها جملة...هزيت راسي نغزرلو...حل الباب و خرج مع المريض...اصلا بعد ما تقاعد حل كابيني صغيرة بيه و اختار يخدم وحدو...جات عيني في عينو...قحرلي و تلفت لطفلة يحكي
خالد:كان فما شكون يستنى دخلو توا
هي:دور الميسيو توا
كبست على يدي و خلطت عليه رغم انو دخل من غير ما يقول حتى كلمة...سكرت الباب نحكي
انا:نظن لازمنا نحكيو
خالد:مفما حتى شي نحكي فيه معاك
انا:عالاقل على خاطر بنتك
خالد:بنتي ماتت من نهار لي اختارتك أنت
عديت يدي على وجهي...نهدي في روحي...خاطرني مستحيل نخرج قبل ما نحكي معاه و نفهم منو شنية يحب بالظبط...خذيت نفس نحكي
انا:معناها مكفاش انك قتلتها سنين لتالي...باش تعاود تعمل فيها نفس الشي
خالد:تنجم تخرج سي أمين...فما مرضى يستناو في دورهم
انا:من إمتى تهتم بالمرضى أنت ؟
هز راسو غزرلي ندرا كيف...كبست على يدي...كأني قاعد نكبس على اعصابي...غزرتلو مرة اخرى نحكي
انا:تسمي روحك طبيب و تداوي في المرضى...نسيت لي عملتو فياااا سنين لتااالي...رغم كنت تعررف انو مشكلتي كااانت من الحااادث...و كاااان لازم تدخل طبي...اما حتى السبيطاااار لي كنت فيه انت منعتني باااش ندخلو...و حطيت اكثر من سبب باش ترررفض اني نداوي حتى صاحبك لي كنت نداوي عندو و لا يرفض في المواعيد متاعي من غير سبب
خالد:انت علاش هوني توا ؟ باش تبرر لروحك لي عملتو و لا باش تحاسبني ؟
انا:لا هاذي و لا لاخرى زااادة...انا ما نبرر لحتى حد لي عملتو...خاصة ليك انت...و كان جيت و راني واقف قدااامك توااا...على خاااطر الطفلة لي حرمتني منها سنين...رغم اني نجم نكووون كيفك و نحرمها منك...نجم نخليها تكرهك و متخممش حتى تسااامحك...اماا مانيش كيفك...و مستحيل نكووون اناااني كيفك انت...مااانيش باش نلعب بمشاعرها و نخليها عايشة في دواامة و تأنيب الضمييير يا سي خااالد
خالد:قتلك و باش نعاودلك مدامها اختارتك...ماهيش باش تهمني جملة
انا:تكذذذب...تكذب على روحك كيما قاعد تكذب عليا توااا...خاطرني اكثر حد نعرف شنية تعنيلك هااالة...و منظنش عندك مشكل مع طلاقي...خاطرك كنت باش تعرسلها لراجل مطلق قبل...انت طول عمرك كنت تكرهني...على خاطرني شاركتك في حب بنتك الوحيدة...كنت تكره تعلقها بيا و ارتباطها معايا...و بسبب كره لي معندوش سبب جملة...يا ريتك مسكرتهاش في وجهي بالطريقة هذيكا قبل...و لا عالاقل خليتني نحكي معاها و نفهمها...راني منعت سنين العذاب لي عاشتهم و عشتهم انا معاها...اما الحديث هذا زايد توا و ماهوش باش ينفع...انا هوني باش نقلك لانا باش نعرس بيها...و باش نعمللها لي حلمت بيه الكل وقت كانت معايا و في غيابي...كان انت ماكش باش تحضر...متحرمهاش من امها زادة...خاطر فرحتها تكمل بوجودكم...و نحب نطمنك انو من هوني لآخر نهار في عمري باش تبقى امانة عندي...و مستحيل نضرها مرة أخرى.
خذيت نفس و عطيتو بظهري...خاطرني نعرف لي ماهوش باش يوافق من ناحية و من ناحية أخرى ملقاش كلام باش يدافع بيه على روحو...خاطرو يعرف لي هو غاالط و برشا زااادة...غالط من اول مرة خمم انو علاقتنا باش توفى بالبعد...مننكرش اني غلطت و برشا زادة...اما يشهد ربي منسيتهاش لحظة...و محبيتش غيرها جملة...حتى ليديا كانت اكبر غلطة في حياااتي...عديت يدي على وجهي و حليت الباب ركبت...منعرفش على روحي كيفاش وصلت للكلينيك...ركيت في البركينغ...خليتلها ميساج و تكيت لتالي...محسيتش بالوقت كيفاش تعدا...حتى حسيت باش يهزني نوم...فقت على الباب لي تحلت و ركبت...دورت راسي شوية نغزرلها...قربت مني اكثر باستني من خدي تحكي
هالة:منجمتش نخرج قبل هكا...مكانش لازم نخليك تستنى الوقت هذا الكل
مديت يدي بالوقت...عديت صوابعي على خدها و تبسمت نحكي
انا:متقلقش روحك عزيزتي...انا جيت بكري...و حبيت نعطيك خبر
هالة:مخدمتش اليوم ؟
انا:معينيش
هالة:أمين لباس ماهو ؟
انا:مممم...خلينا نمشيو توا
كبست على يدها بستها منها...و خدمت الكرهبة...شريت العشا في ثنيتي و قصدت ربي لدار...على خاطر نعرف لي حتى هي تاعبة و مش خرج باش طيب شي توا...منعرفش على روحي كيفاش وصلت...هزيت روحي نزلت و خلطت عليها...حطيت كبوطي عالفوتاي نحكي
انا:ناخو دوش و نرجعلك
هالة:باهي هاني باش نحضر الطاولة
هزيتلها براسي باهي...بستها من جبينها و طلعت لبيتي نحس في راسي باش يطرشق...خايف من فكرة انها متقبلش خاطر بوها رافض يسامحها...حتى خايف أنها تختارو هو...و تبعد عليا مرة اخرى...لبست دبشي كيما جا...و ترميت في وسط السرير...ملقيتش جهد باش ننزل اللوطة...حتى منعرفش كيفاش هزني نوم كأني بديت نغيب...نسمع في صوت خطواتها بعيد برشا قعدت بجنبها...و عدات يدها على خدي تحكي
هالة:أمين يااا روحي...شبيك ؟
انا:خليك معااياا
هالة:سخاانتك مرتفعة برشااا...شنية لي صار ؟
انا:ل..لباس شوية تعب و كهو
هالة:لااا...كان تبقى هكا تتعب أكثر...شقولك نمشيو للكلينيك
كبست على يدها و قربتها ليا بالجهد لي عندي و عديت عينيا على وجها نحكي
أنا:داويني إنتي
هالة:بااهي خليك هووني...تو نرجعلك
انا:باهي
نزلت عليا اكثر...باستني بالزربة و خرجت من البيت فقت شوية على الكمادات لي تحطو على جبيني...فرد وقت تعدي في صوابعها على خدي...و تحكي
هالة:أمين...أحكي معايا أمااانك...أنت تسمع فيا مش هكا ؟
أنا:ن..نسمع فيك...جيست نحس في راسي رزين شوية
هالة:حاول مترقدش...قبل ما تهبط سخاانتك...باهي يا روحي
انا:هاالة عزيزتي...لباس عليا والله
هالة:لااا...ماااكش لباااس...كان لازمني نعرف هذا قبيل
أنا:صغرونتي...جيست شوية برد و كهو...حتى إني بديت نتحسن
هالة:باااهي شقولك أنت تتقعد شوية لين نحضرلك حاجة تاكلها...ميجيش ترقد هكا
أنا:معينيش...برا كول حاجة و ارجعلي
هالة:لااا
هزيت روحي بالسيف تقعدت شوية...عديت عينيا على وجها...و لدموعها لي باش تنزل...كبست على يدها و جبدتها لحضني...نحكي
أنا:يزززي كهوو...منقصدش باش نفجعك يا عمري
هالة:ا..أنت تاعب برشا
أنا:صحيح...أما كي تبدا إنتي معايا نكون مرتاح
هالة:أما كي متاكولش تتعب برشا والله
أنا:خلينا ننزلو لوطة ملا
هالة:لااا خليك هوني...تو نرجع
أنا:و تخليني وحدي
هالة:منطولش
جبدت روحها مني...حطت الغطا عليا...و خرجت بالزربة تبسمت بالوقت...نستنى فيها لين رجعت بالصينية..دوب نجمت نعدي لقمتين على بعضهم و جبرتها حتى هي خذيت كاسة ما و تسطحت لتالي..بدلت دبشها و رجعت لعندي تحكي
هالة:نحب نرقد معااك
عديت عينيا على بيجامتها...تبسمت و هزيت الغطا شوية...طلعت بجنبي و قربتلي اكثر...تعدي في يديها زوز على وجهي و تحكي فرد وقت
هالة:هااك ارتحت شوية...مش كيما بكري...و سخانتك نزلت زادة الحمد الله
نزلت راسي شوية نغزرلها...قربها و حركة يديها خلاوني ننسى مرضي جملة...مديت يدي بالوقت...عديت صوابعي على خدها و قربتها ليا اكثر...خذيت بوسة خفيفة من شفايفها و عاودت غزرت لعينيها نحكي
انا:مكنتش نعرف لانتي باش تخاف عليا لهدرجة
قربتلي أكثر...حطت راسها على صدري و دورت يديها زوز على ظهري تحكي
هالة:شنية كنت تتوقع...أنا منجمش نتحمل فكرة انو باش يصير عليك شي آخر جملة...منحبش نشوفك في الحالة لي كنت فيها ليلتها عندنا في الكلينيك...معاادش تعمل حوادث أمين و معااادش تمرض أماانك
أنا:باهي يا روحي...مدامك إنتي معايا باش ناخو باالي على روحي بعد توا
هالة:توعدني...و حتى الموتورات معادش تسوقها زادة
أنا:وعد يا روحي
حطت يدها على جبيني مرة أخرى...و هزت راسها شوية غزرتلي ندرا كيف تحكي
هالة:شقولك نعملك ضمادات أخرى لين تنزل سخاانتك جملة...و لا تحب نزيدك حربوشة متاع وجع راس ماهيش باش تضرك
نزلت بصوابعي لشفايفها سكتها...و تبسمت بالوقت نحكي
انا:لااا...منحبكش تقوم و تخليني مرة أخرى
هالة:امااا يمكن تتعب مرة أخرى
أنا:نتعب كان تخمم تتخلى عليا في نهار من نهارات يا عمري
هالة:مستحيل...مدامك أنت معايا مستحيل نخمم نبعد عليك
أنا:حتى كان بوك طلب منك العكس ؟
غزرتلي ندرا كيف...وين دقات قلبي قوات من إحتمالات الإجابات لي توقعتها منها...كبست على صدري أكثر تحكي
هالة:حتى كان طلب مني العكس
أنا:يعني ؟
هالة:بابا سرق مني سنين طويلة...مش مني أنا كهو و منك زادة...أكا علاش مانيش باش نعطيه الفرصة هاذي مرة أخرى
أنا:عرس بيا ملا...و مع الوقت باش يرضى أكيد
هزت روحها شوية...و كبست على خدي فرد وقت تحكي
هالة:باااهي...مواافقة
انا:تحكي بجدك ؟
هالة:مممم معااادش نحب نخمم في اللي باش يصير فينا أكثر من هكا...خلينا نعملو لي كان لازم يصير من سنين لتالي
مديت يدي بالوقت...كبست على ظهرها...و عنقتها بكل قوتي...للحظة حسيت روحي ملكت كلشي...خاطر هذا كان حلمي لي حبيت نعيشو معاها هي و كهو...حتى عمري ما خممت في بوها و لا في الإنتقام منو...مهما كان البعد خاايب عطااني فرصة باش نوصل لهوني...و ناقف على ساقيا من اول و جديد...أصلا بعدها هي معاد حاجتي بحتى شي من الدنيا...يكفي انها باش تكون معايا في كل مراحل حياااتي...و باااش نعيش لي تحرمت منو سنين طويلة معاها هي و كهو.