كوكايين

الحلقة مئة و إثنان و ثلاثون

🔸️حلقة 132
🔸️فهد_يحكي:
هزيت الفاست متاعي و خرجت من البيت...غزرت لبيتها و تبسمت بالعادة كل صباح نطمن عليها و لا تهد عليا قبل ما نخرج...برشا حاجات تبدلت على قبل...كيما نحس في روحي متوحشها غير العادة...اصلا باش نحط حد للي قاعد يصير في أقرب وقت...منحبش نخليها تتغشش مني اكثر من هكا...خذيت نفس طويل...دقيت الباب...و دخلت عندها...قربت مني بالوقت...عديت يدي على شعرها و عنقتها نحكي
انا:ملا صغرونتي على قريب باش تسافر
لجين:باش نتوحشكم برشا
أنا:حتى أنا...و مدامك خذيت قرارك...نحبك كل عطلة هوني و اتو كي نلقى وقت نجي نعدي ايامات بحذاك
لجين:انت لباس مش هكا ؟
انا:لباس عزيزتي...متخافش عليا
لجين:نحب نسألك...أما من غير ما تتغشش مني باهي
انا:اشكي
لجين:شبيك تصرفت مع روجين أكاكا وقت كنا عند ياسو و علاش متحبش تهز عليها زادة ؟ ياخي بالرسمي علاقتكم وفات و معادش تحبها
أنا:بالله تتوقع مني معادش نحبها ؟
لجين:منعرفش أنت قولي
أنا:عندي خدمة توا لازمني نكملها...مبعد نمشي نحكي مع سي ابراهيم...و نحلوها الحكاية...عالأقل تحضر عرس خوك قبل ما تسافر
لجين:ع..عرس ؟
أنا:أكيد متحبنيش نبقى هكا ؟
لجين:ل..لا أما
أنا:فما حاجة منعرفش بيها ؟
هزتلي براسها لا...جبدت روحي منها شوية...كبست على سوريتي تحكي
لجين:لحظة فهد
انا:شفما عزيزتي ؟
لجين:حتى شي...كنت باش نقلك من غير ما تمشي نقصد روجين متحبش تحكي معاك و لا حتى تعرس بيك
انا:صاار ؟ علاش تحكم في روحها هي
لجين:فهد نحكي بجدي...ياخي باش تعرس بيها بالسيف
انا:كان موافقتش يولي بالسيف
لجين:بالله ؟
انا:والله...اصلا هكا و لا هكا باش ترجعلي
لجين:فهههد
انا:على أساس كنت متغشة مني خاطرني طفيتها...توا وليت في صفها
لجين:انا جيست خممت عليك
انا:باهي صغرون هاني قتلك باش نحل الحكاية اليوم
غزرتلي ندرا كيف و كبست عليا اكثر...لي خلاني نتأكد من الشك متاعي...ضيقت عينيا نحكي
انا:لجين...كان فما حاجة قولي توا ؟ ياخي الفرخة لأخرى عملت حاجة ورا ظهري ؟ و رد بالك تكذب عليا
لجين:ل..لا ما عملت شي
انا:باهي تو نمشيلها و نفهم اللي قاعد يصير
بستها من جبينها و جبدت روحي لتالي...اول ما وصلت للباب...حبستني تحكي
لجين:ماكش باش تلقاها
ضيقت عينيا مستغرب...و عاودت رجعت لتالي...وقفت قدامها بالظبط...و غزرتلها نحكي
انا:شقصدك ؟
لجين:ف..فهد صراحة
انا:احكي شفما ؟
لجين:روجين
انا:شبيها روجين ؟ و وينها توا ؟
لجين:سافرت
عديت عينيا على وجها من غير حتى كلمة...قلبي خض بالقاوي لدرجة منجمتش نستوعب لي سمعتو...و لا حتى نصدقو زادة...عديت يدي على وجهي نحكي
انا:لجين واعية لروحك فاش قاعدة تحكي ؟
هزتلي براسها ايه...قربتلي شوية...كبست على يدي بالوقت و غزرتلي تحكي
لجين:من غير ما تتغشش اماانك
انا:وين مشات ؟ و امتى مشات ؟
لجين:منعرفش
انا:لجين...مانيش باش نعاود أسئلتي...خاطر مبعد باش تتحاسب معاها...ملا خليها تخلص وحدها خير
لجين:ميسالش...انا وعدتها و منجمش نحكي
انا:لجييين انتي مجبورة باش تخبرني شنية لي صاااار و تواااا زادة
لجين:أمااا
انا:لجيييين
لجين:باااهي من غير ما تصيح...قررت باش تسافر معايا لكندا اما كي انت محبيتش تهز عليها و طفيتها زادة
انا:كممل
لجين:سبقتني و سافرت اليوم و عالأغلب طيارتها بعد شوية و لا تواا
قحرتلها...جبدت روحي منها و خرجت من غير ما نسمع كلمة اخرى و لا حتى نسمعها و هي تناديلي...نزلت الدروج في لحظة...لدرجة منعرفش كيفاش وصلت اللوطة...طلبتها تليفونها مسكر و نفس الشي مع بوها زادة...خدمت الكرهبة و طلبت هارون بالوقت...هز عليا يحكي
هارون:اهلا فهد
انا:فما طيارة لكندا...نحب نعرف اذا طارت و لالا و كان مزالت هوني...نحبك تأخرلي الرحلة ضروري
هارون:شفما ؟
انا:روجين باش تسافر و انا لازمني نخلط عليها قبل ما تمشي...اعتبرها آخر خدمة تقدمهالي...تصررف توااا
هارون:باااهي هدي روحك...هاني باش نشوف الحكااية و نقلك...رد باالك تتهور و لا تعمل حاجة من غير ما تخمم
انا:باااهي...بااااهي
علقت عليه و نزلت عالفيتاس أكثر...آخر حاجة توقعتها منها الفرخة...مجاش لبالي جملة انها تتصرف بالطريقة هاذي و تخمم تسافر...اصلا لقيت روحي مش فاهم تصرفاتها و حبيتها تاخو راحتها و تخمم بالقدا باش نجم نحكي معاها...و نخليها تسامحني فرد وقت...جرد فكرة من انها بعدت عليا...خلات بدني يسخن لدرجة معادش نجم ناخو نفس...مديت يدي حليت البلار نحكي
انا:بااااهي ياااا روجين...بااااهي...تو نشوفو آخرتهااا معاااك
ضربت يدي عالفولون...نحس في روحي باش نطرشق من الفازة...متوقعتش باش تهرب مني بالطريقة هاذي...لدرجة منجمتش نطلب هارون...خفت من فكرة انها تكون سافرت و بعدت بالرسمي...حتى خفت من الأفكار لي هدت على مخي...خاصة من فكرة انها تكون كرهتني لدرجة متحبش حتى تعطيني فرصة اخرى...شديت الفران بالقاوي و هزيت روحي نزلت...ضعت وسط العباد...طلعت راسي شوية...نقرا في آخر الرحلات...بدني تكبس كي ملقيتش رحلة كندا بيناتهم...عديت يدي على وجهي نهدي في روحي خذيت نفس طويل و كملت دخلت نفركس عليها بعينيا و باش نحكي مع السرفيس لي يخدم غديكا حبست على صوت تليفوني...جبدتو بالوقت...و نزلت راسي نغزر لرقم متاعو...كبست عليه في يدي...هزيت عليه و دورت راسي للبلار...بدني تكبس و العصب ركبني أكثر من قبل لدرجة معادش نجم نستوعب لا لي نسمع فيه و لا لي قاعد يصير زاادة...علقت عليه و نزلت التليفون منعرفش على روحي كيفاش قربت منها...لدرجة منعرفش كيفاش مديت الخطوة لعندها...شعلت أكثر و انا نغزرلهم مع بعض...نحات الكيت و شدت عليه القهوة هزت راسها شوية...جات عيني في عينها...وقفت بالوقت...تحكي
روجين:فهههد ؟
انا:هاك مزلت تتذكر اسمي
روجين:شتعمل هوني ياخي ؟
مديت يدي بالوقت...فكيتلها الكاسة...و طيشتها بقهوتها في البوبال...قحرتلي تحكي
روجين:فااااش تعمل...ياخي هبلت و لا شنية الحكاية ؟
غسان:هدي روحك...الأمور متتحلش بالطريقة هاذي
انا:بالله ايجا حلها في بلاصتي انت ملا
روجين:يزززي كهو...و امشي من هوني
انا:باش نمشي أكيد...اما مش وحدي
كبست على يدها...جبدتها عندي في لحظة...حطت يدها على صدري بالوقت...وين عديت عينيا على تفاصيل وجها بالزربة...خذيت نفس نحكي
انا:متحاااولش تخمم جملة انك تبعد من هوني...خاطرك باش تحل باب جهنم على روحك
روجين:انااا باش نمشي من هوني و انت بالذااات ماكش باش تمنعني
غسان:سي فهد ميجيش لي تعمل فيه
قربت منو شوية...وقفت بيناتنا و كبست عليا أكثر قحرتلو نحكي
انا:بدلت مهنتك من دكتور لمحااامي خااص بيها...متحبش ترفع دعوة ضدي سي غسااان ؟
غسان:أنا هوني بصفتي صديق العيلة مش أكثر و نحبك تحط في بالك...انو مش انا لي نغزر لحاجة مش متاعي لا قبل و لا توا
روجين:فهههد يززي اماااانك...ياااخي باش تتعاركو توا كي العادة
جبدت روحي منها...و نزلت راسي شوية...قحرتلها نحكي
انا:تجي وحدك و لا نعرف كيفاش نهزك...و من غير ما تقاوم خاااطر في الحالتين لي نحب عليه انا باش يصير
روجين:طيارتي باش تمشي بعد شوية...أكا علاش منحبكش تعطلني أكثر...منحبش نجي معاك و لا حتى نكون معاك من أصلو
انا:طيارتك تمشي كي نحب أنا
روجين:انت لي أخرت الرحلة
قحرتلي و مدت يدها شوية...رجعت شعرها لتالي تحكي
روجين:كان لازمني نتوقع...اصلا شكووون خبرك لانا باش نسافر من أصلو ؟
انا:ميهمكش من وين عرفت...امشي قدامي توا
روجين:الحق عليا مزلت نعاند فيك
كبست على زندها و جبدتها عندي بالوقت...نزلت راسي شوية نحكي
انا:تمشي معايا توا...من غير حتى كلمة...خاطرني مانيش مسؤول عاللي باش يصير مبعد...و انتي أدرى عاد...اكا علاش متخلينيش نغلط معاك
هزت راسها غزرتلي ندرا كيف...كبست على يدها و سبقتها قدامي...حاولت تفك روحها...تحكي
روجين:سيبني...خليت الفاليز متاعي
انا:تو يتكفل بيها المحامي متاعك
روجين:باااش تندم عاللي تعمل فيه...شمدخلك فيا انت نسااافر و لا نقعد
انا:والله يا عزيزتي...حسابك مزال مبداش لتوا
روجين:كان فما حد يتحاااسب هوني هو انت
انا:تفضل هاو باش نحاااسبو بعضنا اليوم
روجين:سييبني
انا:كلمة أخرى...نفرقوها هوني و رب الوجود يا روجين ما يفكك حد مني
روجين:اصلا انت هذا فاااش شاااطر...محسوب باش نخاف منك...اصلا كان تحط يدك عليا مرة اخرى نشكي بيك للحاكم
حبست في بلاصتي و نزلت راسي شوية نغزرلها ضيقت عينيا نحكي
انا:لشكون تشتكي ؟
روجين:للحاكم
انا:متحبش نهزك من توا ؟
روجين:تعمل مزية
انا:أمشي قداامي ●●●● أمشي
روجين:متكفرش العباد تغزرلنا
أنا:رووووجين
قحرتلي و جبدت يدها مني...تمشي بالزربة...خلطت عليها و حليت الباب...مدت يدها باش تسكرها..جبدتها عندي نحكي
أنا:اررركب
غزرتلي ندرا كيف و ركبت...خلطت عليها و طرت بالكرهبة جبدت تليفونها...قحرتلها نحكي
أنا:فاش تعمل ؟
روجين:نعلم في بابا لي انا مسافرتش و مقابلة وجهك توا
فكيت التليفون من يدها...طيشتو لتالي...نحكي
انا:متخااافش سي غسااان تو يعلمو في بلاصتك لي حتى هو باش نشوفو حكايتو معاك
روجين:السيد بقى معايا...خاطر بابا عندو خدمة مستعجلة و كان باش يمشي على روحو بعد ما نسافر
انا:حتى بوك جاااتو الخدمة كان توااا
روجين:وين باش تهزني توا ؟ جرايرك فوت رحلتي يااا سييد
انا:مزلت نسمع بسيرة السفر متاع ●●●●● نسفرلك بروووحك و نرتاحو زوز
روجين:شتحب مني انت توااااا ؟ على أساس كلشي وفى و لا هكاااا لا نحبك لا نصبر عليك
انا:شنية لي وفى ●●●● شنية لي وفففى ؟ اصلا انتي امتى سمعتني باااش تقول وفى ؟
روجين:من غير ما نسمع...تصرفااتك واضحة
انا:وليت انا الغاااالط توا ؟ من وقت حااادث ياسين و انتي هازة خشمك علياااا...وليت انا الغااالط ؟
روجين:غااالط...مدااامك مشيت لداارهاااا غااالط...مدامك خبيت عليااا غاالط يااا فهد و آخر شي طفيني خاااطرني حاولت نطمن عليك...منطلعش انا لي قتلتها مرتك و ما فيباليش ؟
انا:روووجين يااااخي ناوية تجهلني...بالله تو اناااا هكا نخمم ؟ امتى اعتبرت بلقييس مرتي ؟ بااااش تجي انتي تقولي مرررتك ؟
روجين:بااااش تنكر لانت مشيت تقااابلها قبل ما تموت ؟
انا:لااااحقين عليه الموضوع هذااا...اما قبل كلشي باااش تفهمني في اللي عملتو و رد باااالك تحاااول تكذب عليا و لا حتى تسكت...خاطر المرة هاذي ماهيش باش تتعدالك
روجين:اللي عملتو ميهمكش...انا هكا قررت...معااادش نحب نبقى معااك
انا:بالله ؟ ولينا هكا توا ؟
روجين:إي هكااا و كان مانيش باش نسافر اليوم...نسافر مبعد و المرة هاذي نوعدك ماااكش باش تسمع بيا جملة
انا:باااهي...تو نحلو كلشي مزال واحل بيناتنا و كان إنتي بقيت على قرارك...نوعدك نوصلك للمطار بيديا زوز...ساعة مزلت مسؤولة مني و متنجمش تتصرف من ورا ظهري
غزرتلي ندرا كيف و دورت وجها للبلار...كبست عالفيتاس أكثر و شديت الثنية...أصلا ليلة باش نحطو النقاط على الحروف...و مهما كانت النتيجة...مصيرها باش تكون ليا أنا و كهو.
#روجين_فهد❤