كوكايين

الحلقة مئة و واحد و ثلاثون

🔸️حلقة 131
🔸️فتون_تحكي:
مديت يدي شوية...و نزلت بصوابعي على خدو...للحيتو نتحسس في الجرح و في قربو فرد وقت...لتوا مش مصدقة انو هذا الكل وفى و رجعلي مرة اخرى...تبسمت و انا نغزرلو يحل في عينيه...نزلت عليه بالوقت...دوب بستو نحكي
انا:صباح الخير
تبسم و كبس على يدي بالوقت...حل عينيه شوية يحكي
ياسين:صباح النور
انا:هيا قوم توا...فديت وحدي
ياسين:صااار وين الجماعة ؟
انا:خليت جواد يرجع مع خالتي و صوفيا للفيلا و روجين مشات مع عم ابراهيم و فهد الله أعلم وينو و لجين مزالت راقدة...الدكتور بيرم هوني و الدكتور غسان قال عندو عملية و بعد يرجعلك
أنا:باهي يا روحي
فتون:أنا باش نمشي نجيبلك فطورك توا...لازمك تاكل شوية
أنا:خليك تو يجيبوه هوما
نزلت بصوابعي لشفايفو و عديت عينيا على وجهو نحكي
انا:كيفاش تحس في روحك توا ؟
ياسين:توا توا ؟
أنا:مممم توا ؟
ياسين:توا نحب نخرج من هوني و نرجعو لدارنا
أنا:على أساس باش تبقى شهرين هوني
ياسين:والله كان باش دللني هكا نعدي الشهرين في داري خير
أنا:بالله تو درت في رايك
ياسين:و إنتي تحب هكا زادة
نزلت عليه شوية...حسيت بأنفاسو لي ضربت في وجهي دوب قرب لشفايفي تحل الباب بالوقت...جبدت روحي و غزرتلو ندرا كيف...خذيت نفس نغزر الفرملية لي خلات الماكلة و خرجت...تبسمت نحكي
فتون:هيا توا لازمك تاكل شوية
هزلي براسي باهي...دوب تقعد شوية...حطيت المخدة ورا ظهرو و قعدت مقابلاتو...نفخ بالقاوي يحكي
ياسين:باش ناكول من هذا مرة أخرى
انا:والله هذا الموجود...زيد كي مش عاجبك شبيك توكل في المرضى متاعك منو
ياسين:أتو كي نرتاح نشوف معاهم
أنا:أما عالأغلب ديما الماكلة تكون هكا
ياسين:هات تليفوني نطلب من برا...منجمش ناكل حاجة طعمها ماسط هكا
انا:ممنوع تطلب من برا
ياسين:بالله شكون يمنعني ؟
انا:انت هوني مريض مش مدير...أكا علاش باش تحترم القوانين و تكمل صحنك توا
حطيت المغرفة في فمو قبل ما يقول حرف آخر...وين كمل صحنو بالسيف...عديت صوابعي على شفايفو نحكي
أنا:صحة و بالشفا يا روحي
ياسين:عيشك
حطيت الصينية على جنب...و رجعت قعدت بجنبو كبست  على يدو نحكي
أنا:ياسين...نحبك ترتاح فيسع و ترجعلي...و ترجع لخدمتك زادة خاطر الكل هوني بحاجتك أنت
ياسين:و انا بحاجتك انتي...ايجا عندي تراه
قربت منو أكثر...دورت يديا زوز على رقبتو و كبست عليه عدا يدو على ظهري يحكي
ياسين: أكثر شي كنت خايف منو اني منجمش نشم ريحتك مرة أخرى و لا حتى نحضنك بالطريقة هاذي يا عمري
نزلت عليه شوية بستو من رقبتو و كبست عليه اكثر حسيت بالباب لي تحل...جبدت روحي شوية و دورت راسي نغزرلها...قربت منو شوية تحكي
سارة:مقصدتش نقاطعكم..أما أنا بحاجة توقيعك بخصوص حالة المريضة لي عندي
ياسين:شبيها ؟
سارة:لازمني نحدد موعد العملية...كيما لازمك تكون حاضر فيها
ياسين:خلي الدوسي متاعها عند الدكتور موسى...مبعد نراجعو معاه و نعطيك موعد
سارة:أما لازمني أنا لي نراجع معاك الدوسي متاعها
ياسين:تنجم ترجع مبعد..نحب نقعد مع مرتي توا منجمش نخمم في الخدمة
سارة:باهي كيما تحب
غزرتلو ندرا كيف و هزت روحها خرجت...دورت راسي شوية و قحرتلو نحكي
أنا:وين تحبها ترجع مبعد ؟
ياسين:باش تعاركني توا زادة ؟
أنا:متحبش نوصيلكم على قهوة ؟
ياسين:فتوون عزيزتي...الحكاية تخص مريضة عندي هوني
أنا:تحلها مع الدكتور موسى...مش لازم تقعد معاها أنت
ياسين:باهي عزيزتي
مد يدو شوية...حطها على كتفو و غمض عينيه...قربت منو بالوقت نحكي
انا:ياسين شبيك...شفما ؟
ياسين:لباس متخافش
انا:موجوع ياخي ؟
ياسين:شوية
انا:باهي خليني نكلم موسى...نقصد الدكتور موسى و لا اي واحد منهم
ياسين:خليك...جيست سخانتي طالعة شوية
مديت يدي بالوقت...حطيتها على جبينو و نزلت بيها لخدو نحكي
انا:لا ماهيش طالعة
ياسين:متنجمش تعرف هكا
انا:ملا شنية نعمل ؟
ياسين:منعرفش...حط شفايفك هوني تراه
مدلي خدو بالوقت...قربتلو شوية...دوب بستو..نتحسس في سخانتو و نحكي فرد وقت
أنا:أنت لباس مفماش سخانة
جيت باش نبعد...كبس على ظهري بالوقت...عديت عينيا على وجهو نحكي
أنا:فاش تعمل ياخي ؟
ياسين:راجلك تاعب يا روحي و يحب يرتاح
أنا:شكون شدك ملا ؟
ياسين:منحبش نشوفك متغشة هكا و لا حتى تغير من حاجة فارغة يا روحي
انا:مدامها تتعلق بيك ماهيش حاجة فارغة
ياسين:أما أنا قلبي معلق بيك إنتي...و حتى شي آخر ماهو باش يهمني
انا:حتى كان هكا...منحبش نشوفها بجنبك و لا نحبك تحكي معاها زادة...الله غالب
ياسين:باهي اللي تحب عليه باش يصير...أما شقولك تقوم تسكر الباب هذاكا من داخل
أنا:علاش ؟
ياسين:خاطرني نحب نقعد مع مرتي شوية...ميجيش يقوموني تو باش نخدم زادة
هزيتلو براسي باهي...دوب باسني و رخف يدو عليا جبدت روحي منو...سكرت الباب و رجعتلو...جبد روحو على جنب يحكي
ياسين:إيجا هوني تراه
قربت منو شوية...قعدت بجنبو و حطيت راسي على صدرو بالوقت...غرس يدو في شعري يحكي
ياسين:معادش نحبك تتغشش بخصوص الحكاية مرة أخرى
انا:باهي يا روحي
غمضت عينيا بالوقت نشم في ريحتو...كانو عندي برشا عليه...اصلا ليلة امس عداها تاعب لي خلاني نبقى فايقة معاه...اما الأمان لي قاعدة نحس فيه مع ملمس يدو خلاني نهدى بصفة غريبة...مديت يدي شوية عديتها على خدو...نزلت بيها لرقبتو...و غمضت عينيا بالوقت...توا بالظبط ما نحب نخمم في حتى شي صار...لا في الحادثة و لا في سارة زادة...خاطرني بحاجة اني نرتاح بوجودو و في قربو كهو.
#ياسين_فتون❤