كوكايين

الحلقة الثامنة و الأربعون

🔸️حلقة 48
🔸️فتون_تحكي:
حليت عينيا شوية شوية...عديت يدي على وجهي...و هزيت راسي شوية...نغزرلو مستغربة...دقايق عديتهم من غير ما نبعد عينيا عليه...متوقعتش باش نلقاه جنبي كي نفيق...نزلت عينيا لجواد...تبسمت بالوقت...طلع نسخة منو...حتى في الرقدة...عاودت حطيت راسي نغزرلو للحظة تمنيت انو لي قاعد يصير معانا حقيقة مديت يدي مترددة...حطيتها على يدو...لي فوق جواد من غير ما نزل عينيا من وجهو...لتوا منعرفش شنية لي قاعد يصير معايا بالظبط...كانو حتى شي ما تبدل على قبل...و مهما هربت منو...قلبي متعلق بيه لتوا...لتوا نحب قربو...و لتوا نغير عليه منها...رغم نعرف انو معاد فما حتى فرصة...يمكن لو حاولت قبل...كان مرة وحدة حاولت نقربلو بالطريقة هاذي...بلكشي كان لاحظ حضوري...و نجم يحبني...أنا تحملت برشا لتوا...تحملت البرود متاعو...و طلاقي...و خطوبتو...و نعرف الجاي أسوء من هكا...و لي يخليني كل لحظة نتذكر روحي أنو مهما كان قريب مني و من ولدي...باش يجي نهار و يبعد بنفس درجة القرب لي هو فيه...جواد لي مد يدو لبوه...خلاه يحل عينيه بالوقت...دوب غزرلي و عاود سكرهم...جيت باش نجبد يدي...كبس عليا بالوقت دقات قلبي قوات من الفازة...و من الإحتمالات لي ممكن يحطها في مخو...تبسم يحكي
ياسين:صباح الخير
انا:ص..صباح النور
ياسين:إمتى فقت ؟
انا:توا...كنت باش نقوم
ياسين:مزال بكري شوية
انا:نحاول نحضر فطور قبل ما يفيق جواد...أنت كمل نومتك
جبدت يدي منو...و هزيت روحي تقعدت...نهدي في دقات قلبي...لي قوات...خذيت نفس و وقفت...تلفت عندو...غزرلي ندرا كيف يحكي
ياسين:ألبس حاجة قبل ما تنزل...دنيا باردة
هزيتلو براسي باهي...و قربت من الفوتاي...حليت الكابة متاعي...جبدت دبشي...و مشيت لبيت البانو...حضرت روحي...ريقلت أموري...و نزلت اللوطة...يظهرلي حتى الجماعة مزالو راقدين لتوا...حطيت الخضرة عالرخامة نقص فيها...منعرفش كيفاش تعدا الوقت...دورت راسي على صوت جواد...عديت عينيا عليهم...لبسلو الفاست متاعو و هبطو معاه...تبسمت بالوقت نحكي
انا:شبيك جبتو لهوني ؟
ياسين:محبش يسكت...ياخي ديما يفيق يبكي هكا ؟
انا:مستانس يفيق أبكر من هكا...لازمني نرضعو و نبدلو زادة
ياسين:باهي...هيا ملا
أنا:لتوا محضرتش الطاولة
ياسين:أنا نحضرها
انا:باهي
قربت منو شوية...هزيت جواد من حملتو...و بستو من فمو نحكي
انا:منجمش يصبر صغروني...يحب على حليبو
قلب شفايفو باش يبكي...تبسمت خاطرني نعرفو ماهوش باش يسكت لين يرضع...هزيت راسي باش نحكي معاه...أما سكت...كي ريتو يغزرلي...حتى للحظة دخلت بعضي من غزرتو...وخرت خطوة لتالي نحكي
انا:مانيش باش نطول
هزلي براسو باهي...من غير حتى كلمة...كبست على جواد...و هزيت روحي طلعت...لقيت روجين نازلة اللوطة...قربت منها...نحكي
انا:الحقني للبيت...من غير ما تقابل ياسين توا
روجين:شصار ؟
انا:إيجا تو تعرف
دخلت ورايا...قعدت على طرف السرير...و حطيتو في حملتي...أول ما بدا يرضع سكت...قعدت بجنبي تحكي
روجين:شفما فتون ؟
انا:منعرفش...أما حسيت لي ياسين شلق بعلاقتكم
روجين:شنووة ؟
انا:كهو لي صار
روجين:متأكدة ؟
أنا:أمس سألني عليكم...و معرفتش بشنية نجاوبو يظهرلي لازم يحكي معاه فهد أحسن
روجين:افففف...والله نحشم منو يا فتون...مستحيل نجم نواجهو كان يسألني
انا:هدي روحك...أما أنزل مع فهد أحسن
روجين:باهي...و إنتي حضر روحك زادة
انا:وين ماشيين ؟
روجين:متحبش تعمل دورة في المزرعة ؟
انا:تحكي بالرسمي ؟
روجين:ملا علاش جيت إنتي يا روحي
انا:باهي...خلي نحضر جواد ساعة
روجين:هاني باش ناخو دبشي و دبش فهد...نتلقاو لوطة
هزيتلها براسي باهي...حلت القارد روب...هزت الدبش و خرجت...تنهدت بالقاوي...محبيتش نظغط عليها أكثر أما لازم نفهم منها لي قاعد يصير...و لازم نعرف وين باش توصل علاقتهم...منحبهاش تعيش نفس الوجيعة مرة اخرى..يزيها لي تعدات بيه لتوا...جبد روحو مني..عرفتو شبع...وقفتو...نحكي
انا:شبعت يا روحي...ساعة أنا و ماما باش نعملو جولة مع بعضنا
قربتو ليا بستو...هزيت راسي على صوتو...يحكي
ياسين:وين ماشيين مع بعضكم ؟
انا:نعملو دورة في المزرعة...تحب تجي معانا انت زادة ؟
ياسين:أكيد
انا:باهي...هاني باش نبدلو الكوش و دبشو
ياسين:لتوا مفاقوش ؟
انا:اه...قبيل كنت نحكي مع روجين...تلقاها تعاون في فهد
ياسين:باهي برشا ملا
حطيت جواد في وسط السرير...قرب منو قعد بجنبو هزيت دبشو في يدي و رجعتلهم...تبسمت و انا نغزرلو لاهي معاه...حتى هاذي أول مرة ميتعبنيش كي نبدلو غزرلي يحكي
ياسين:شبيه راكح الفرخ ؟
انا:مش مستانس هكا...يمكن خاطرك تلعب معاه
ياسين:مممم باهي...هيا جيب الفاست متاعك و ايجا
انا:باهي
نزل عليه أكثر...يبوس فيه...هزو في حملتو...و غزرلي يحكي
ياسين:كبوطي وينو ؟
انا:خليتو اللوطة
ياسين:باهي
هزيت روحي خلطت عليه...لقيتهم خرجو مع بعضهم روجين دوب صبحت عليه و قربت مني...نزلت معاها نحكي
انا:من غير ما تخليه يشلق بيك
روجين:والله حاشمة منو يا فتون
أنا:يززي عزيزتي
فهد:يظهرلي وجودكم باش يفيدنا برشا
ياسين:تدلل...مرة أخرى الفطور باش يكون على يدك
فهد:ياسين الصياد...باش يخاطر بروحو و ياكل من عندي
ياسين:علاش لا
روجين:جووو...ياخي هذا الكل حضرتوه مع بعضكم
ياسين:أقعد صغرونة
روجين:باهي
قعدت بجنبو..بحكم جواد في حملتو...قعد الجو مكهرب بينو و بين فهد...اما أحسن من العادة ببرشا...غزرتلنا تحكي
روجين:فهد إحنا باش نعملو دورة في المزرعة
فهد:باهي...أنا زادة باش نخرج معاكم
روجين:تحكي بجدك ؟
ياسين:علاش من إمتى يخليك تتصرف وحدك ؟
سكتت من غير ما تزيد حتى كلمة...كبس على جواد و غزرلي يحكي
ياسين:هيا قوم
هزيت روحي وقفت...خلطو علينا بالوقت...خرجنا مع بعضنا...غزر لروجين...يحكي
ياسين:الحصان متاعي شحالو ؟
روجين:تعرفني نخاف منو و منقربلوش
ياسين:هاني باش نتفقدو
روجين:مدام فهد تاعب...مانيش باش نخرج مع ليزا اليوم
ياسين:باهي برشا
قرب منها...حط جواد في حملتها...و غزر لفهد...يحكي
ياسين:جواد أمانة عندكم...اعملو بيه دورة مع بعضكم
فهد:و كان ميسكتش ؟
ياسين:مدامك ربيت الفرخة هاذي...ماهوش باش يغلبك تهنى
بقيت نغزرلو مستغربة...و نزلت راسي نغزر ليدو لي تحطت في يدي...كبس عليا يحكي
ياسين:هيا ايجا
جبدني معاه...من غير ما نحاول نفهم لي قاعد يصير هزيت راسي نحكي
انا:ياسين وين ماشيين ياخي ؟
ياسين:نعرفك على شكون
انا:هووني ؟
ياسين:مممم
أنا:فاتح ؟
ياسين:لا مش هو...أما من وين تعرفو ؟
انا:مرة جيت هوني
ياسين:شبيني منعرفش بالحكاية ؟
انا:كنت مسافر وقتها
ياسين:باهي إيجا
هزيتلو براسي باهي...و كبست على يدو...لي خلاه يغزرلي بالوقت...حتى منعرفش كيفاش قدمت على خطوة هكا...من غير ما نخمم في حتى شي...شاور لفاتح من بعيد...و تبسم يحكي
ياسين:حاضرة باش تتعرف عليه
انا:حاضرة
ضيقت عينيا و انا نغزر لفاتح...لي جاي مع الحصان هزيت راسي نحكي
انا:كنت تحكي على حصانك ؟
تبسم على جنب و جبدني معاه..أول ما قرب منا..كبست على يدو...و وقفت ورا ظهرو نحكي
انا:ي..ياسين خليه يبعد من هوني أماانك
كبشت بيدي لاخرى على كبوطو...دور راسو شوية يحكي
ياسين:إيجا متخاافش
انا:ن..نحب نرجع...علااش جينا لهوني إحنا
تلفت عندي بالوقت...و هزلي راسي شوية...ضحك يحكي
ياسين:هدي روحك...ميخوفش لهدرجة
انا:بالله...حتى روجين لي مستانسة بيهم...و تخافو أمااانك ياسين...أنا حتى القطاطس نخاف منهم
ياسين:متخاافش...هاني معاك
طليت عليه شوية...حل فمو بالوقت...دخلت في ياسين أكثر...لدرجة منجمتش نهز راسي مرة اخرى...عدا يدو على ظهري...يحكي
ياسين:فتوون...اغزرلي هوني
هزيتلو براسي لا...تنهد بالقاوي...نزل بصوابعو لخدي...و هزلي راسي يحكي
ياسين:ماهوش باش يضرك...روجين تخافو خاطرها متنجمش تتحكم فيه
انا:منحبش نتعرف عليه
ياسين:متأكد باش تحبو
جبدت روحي شوية...دخلت بعضي من الحالة لي كنت فيها...منعرفش على روحي كيفاش حضنتو...رخفت يديا على صدرو...و تلفت نغزر للحصان...خذيت نفس نحكي
انا:هاني تعرف عليه...خلينا نمشيو
قربلي اكثر...حط يدو على يدي كبس عليها...جيت باش نحكي...قربلي اكثر...و هزلي يدي حطها على وجه الحصان...يعدي فيها...يحكي
ياسين:ريت...قتلك ماهوش باش يضرك
انا:مكنتش نعرف لأنت عندك حصان زادة
ياسين:توا ولا حصانك إنتي
ضيقت عينيا مستغربة و دورت راسي غزرتلو...نحكي
انا:شقصدك ؟
ياسين:هدية
انا:منجمش نقبل هدية هكا
ياسين:اعتبرها هدية جواد ملا...بعد توا كي تجي لهوني تلقى حصانك يستنى فيك...كيفهم
انا:و أنت ؟
ياسين:ناخو واحد جديد
انا:كيفاش هكا...أكيد أنت متعلق بحصانك
ياسين:هيا فتون من غير ما تناقشني
أنا:باهي
ياسين:شقولك تعمل بيه جولة
انا:مستحيل...أصلا ولا مرة ركبت عليه قبل
ياسين:أكيد مانيش باش نخليك تركب عليه وحدك
انا:أما
ياسين:مفما حتى شي يخوف
بقيت نغزرلو من غير حتى كلمة...من شيرة مانيش فاهمة تصرفاتو معايا...اصلا و لا مرة عطاني حاجة من قبل...و متوقعتش باش يهديني حصانو..و قد إستغرابي منو...منعرفش علاش فرحت بيني و بين روحي...حتى متوقعتش إني باش نبقى معاه وحدي...و رغم خوفي من الحصان لي قدامي...لقيت روحي واحلة بين إني نوافق...و لا ننسحب قبل ما نضيع معاه اكثر...وين لقيت روحي واحلة...بين اني نرضخ لمشاعري..و نتناسى فكرة ارتباطو...و لا نرجع لتالي من غير ما نعاود نحل الباب لي سكرتو من شهور...خاطرني نعرف اني باش نحصد منو كان وجيعة و كهو...مدامني متأكدة انو مستحيل يجي نهار و يحبني فيه كيما حبيتو انا بالظبط
#فتون_ياسين 💕💕💕