كوكايين

الحلقة مئة و سبعة

🔸️حلقة 107
🔸️فهد_يحكي:
شديت الفران بالقاوي...و دورت راسي نغزرلها...لتوا منعرفش فاش كانت تعمل في البيرو متاعو...و لا شنية لي قاعد يصير بالظبط...اما لي متأكد منو...انو بعد اللي سمعاتو و بعد كلامها تالي...ليلة هاذي ماهيش باش تتعدا على خير...خاصة مع صحة راسها...عديت يدي على وجهي نحكي
أنا:أنزل
روجين:قتلك منحبش نعدي ليلة هوني...ياخي بالسيف ماهو
أنا:إي بالسيف...خاطرك مجبورة باش تفسرلي شنية كنت تعمل في البيرو متاعو الوقت هذاكا و تفسر الكلام لي قلتو قبيل زادة
روجين:ما نفسر حتى شي...قتلك و باش نعاودلك اللي سمعتو ميهمنيش
أنا:انزززل
روجين:متصيحش عليا
حلت الباب و نزلت من غير ما تغزرلي...نطرتها وراها و سبقتني...خلطت عليها من غير حتى كلمة أخرى..كبست عالكارت حليت الباب...و دخلت وراها...طيشت الفاست عالفوتاي...نحكي
أنا:تفضل نسمع فيك
روجين:تسمع شنوة ؟
أنا:متتبهللش عليا توا...و فهمني شنية كنت تعمل في البيرو متاعو
روجين:حاولت نحل الخزنة متاعو
أنا:تحل الخزنة متاعو ؟ في بالك كي تطلع كلمة السر غالطة يوصلو ميساج لتليفونو ؟
روجين:أما ماهيش غااالطة...و مش أنا كهو لي كنت في البيرو متاع عمك
ضيقت عينيا مستغرب...نستوعب في كلامها فرد وقت عديت يدي على شعري نحكي
أنا:نجم نعرف كيفاش لقيت كلمة السر متاعو ؟
روجين:وقت كنت غديكا...دخلت مرتك بالصدفة...باش تنسخ المعلومات من ال pc متاعو...و قالت لي توقعت انو يطلع أذكى من أنو يخلي كلمة السر تتعلق بالمرا لي يحبها
أنا:شكون المرا هاذي ؟
روجين:في رااايك أنت ؟
أنا:فااطمة ؟
منعرفش علاش هذا أول إسم خطر في بالي بعد اللي صار آخر فترة...هزتلي براسها إيه...و غزرتلي ندرا كيف تحكي
روجين:لتوا محتفظ بصورة مقطعة ليها...خاتم و كوليي و حاجات أخرى منجمتش نتأكد منها
أنا:معناها ينجم يكون قتل الكل على خااااطرها هي ؟
روجين:منعرفش...أما مفماش تفسير آخر...و يظهرلي بلقيس تعرف هذا الكل زادة...كيفاش و إمتى عرفت الله أعلم...أما لي غفلت عليه أنت أنو مرتك خبات عليك كلشي يتعلق بهارون...بلكشي كان رقدت معاها راك وفرت على روحك شوية
أنا:مااااهيش مرتي...و من غير ما تبدا تخلط في الكلام تو
روجين:شد هذا
قربت مني شوية...حطت مفتاح صغير في يدي...غزرتلو مستغرب...قحرتلي تحكي
روجين:لقيتو في الخزنة متاعو...خلي صحبتك لأخرى تتأكد إذا هو مطابق للمفتاح لاحنا نفركسو عليه...و خلينا نرجعوه قبل ما يفيق بيه ضاع
أنا:روجين كيفاش تعمل حاجة هكا من غير ما تشاورني ؟
روجين:منعرفش...تصرفت من غير ما نخمم و كهو...و الباقي عليك أنت...كانت تحب على معلومات أخرى تلقاها عند بلقيس
أنا:الصبر يا ربي
روجين:علاااش غااالط كلامي...في الأخير الحل كان قدااامك
أنا:يااااخي ناااوية تهبلني في هالليلة الكلبة ؟ في باااالك باش نعمل حاجة كيما هاذي ؟
روجين:محسوووب باش نستغرب كان تعملها...مدامك عرست بيها...حاجة اخرى مانيش باش نستغرب منها
انا:روووووجين يزززي كهو...يااااخي ريتني وااافقت على كلاااامو و قتلو بااااش نرقد معاهاااا ؟
روجين:لااا أمااا كي تحسبها في مخك و تلقى الموضوع في مصلحتك...ماكش باش تتردد في أنك ترقد معاااها و لا باش تجيب صغييير
أنا:روووجين يزززي كهو...تعررف بالقدا لأنا مستحيل نعمل هكاااا...و مستحييييل نمسها خلي نجيب صغير منهااا
روجين:أمووورك...بعد توا ما نستغرب منك حتى شي يااا فهههد...أصلا في مصلحتك ماااكش باش تخمم فيااا
مديت يدي بالوقت باش نضربها..أما تراجعت كي غزرت لعينيها و كي حسيت بخوفها زادة...أصلا معادش فاهم روحي...الشهور هذوما تماديت معاها برشا...لدرجة منعرفش إمتى و كيفاش وليت نمد يدي عليها...رغم عمري ما مسيتها قبل...حتى وقت كانت صغيرة و بعمايلها...قربت مني بالوقت دزتني لتالي تحكي
روجين:هكااااا باااش تبرر موقفك...كل مرة تطلع غالط تضربني ؟
أنا:روجين أسمعني
روجين:زااايد توا
قربت من الطاولة...هزت الكارت متاعي باش تخرج خلطت عليها بالوقت...حطيت يدي عالباب نحكي
أنا:ماااكش باش تخرج...و من غير ما تحااول تقاومني
روجين:أبعععد علياااا فهد
أنا:معااادش تقولها...معااادش تقولي أبعد علياااا مرة أخرى...و تواااا أرجع لتالي...من غير ما تركبهالي أكثر من هكااا
دزتني بيدها و طيشت الكارت عالارض...حلت القارد روب جبدت دبشها و دخلت لبيت البانو...عديت يديا زوز على وجهي...و طلبت واحد من الرجال لي اللوطة سلمتو المفتاح...و خليت ميساج لشيرين باش تعمل اللازم في أقرب فرصة...ساعة مكنتش نعرف لي الفرخة تعرف تكمبس...حليت الباب و دخلت نغزرلها...تشيح في شعرها...قحرتلي تحكي
روجين:تنجم تخرج لين نكمل و أدخل
حليت سوريتي من غير ما نجاوبها...نحيتها و قربت منها نحكي
أنا:تحب تعاود دوش معايا ؟
روجين:اااففف منك
قربت باش تهز دبشها...مديت يدي بالوقت كبست على السوتيان متاعها نحكي
انا:بالعادة مترقدش بيه...شنية لي صار ؟
قربت مني شوية...جبداتو من يدي بالوقت...و قحرتلي تحكي
روجين:معااادش تدخل فيااا...نرقد بيه و لا لا أموري
أنا:باهي عزيزتي...هدي روحك
كبست عليهم في يدها و خرجت...تبسمت على جنب و خذيت دوش خفيف...عالأقل نجم نهدي روحي بعد اللي صار...أول ما خرجت...طفات ضو الفيوز زادة...عديت يدي على شعري و ضحكت...أصلا نعرفها كي تبدا في الحالة هاذي...لبست دبشي كيما جا و ترميت بجنبها بعدت عليا بالوقت...خذيت نفس و قربت منها شوية مديت يدي حطيتها على كرشها و جبدتها عندي...عنقتها من تالي نحكي
أنا:ايجا هوني تراه
روجين:سيبني فهههد...برا أرقد غديكا
انا:بالله هكا ترضى إني نرقد معذب
روجين:ميهمنيش فيك
نزلت عليها شوية...بستها من خدها و قربت لوذنها نحكي
أنا:منقصدش لي صار بكري
روجين:سيبني و كهو..منحبش نحكي معاك بعد توا..أنت مستحيل تتبدل...شطر مشاكلك وليت تحلهم بالعنف...و رغم أنك غااالط...حاولت تضربني مرة أخرى
فهد:أما مضربتكش يا روحي...و مكنتش باش نعملها...و مستحيل نعمل حاجة من اللي سمعتها بكري
روجين:متبررليش
أنا:معناها تحب تفهمني لإنتي مغرتش ؟
روجين:لا مغرتش
أنا:مممم وااضح برشااا يا روحي...إنتي من مجرد كلام سمعتو دخلتني في الحلة...خلي كان طبقتها
تلفتت عندي بالوقت...غزرتلي ندرا كيف...و حطت صوابعها على لحيتي تحكي
روجين:أنا معااادش نجم نخمم و لا نستوعب اللي قاعد يصير معانا..و مدام هارون طلب منك تجيب منها صغير مهما قاومت و رفضت...تلقى روحك مجبور باش تنفذ كلامو
أنا:لا مانيش مجبور...قتلك و باش نعاودلك للمرة الألف أنا نحب على صغير منك إنتي...مش من غيرك و نحبك تتهنى أنا عمري ما إعتبرت بلقيس مرتي...خلي نخمم إني نحط يدي عليها...فوق هكا كان بيني و بينو إتفاق أنو كي ياخو المستندات انا نعرف شكون قتل بابا و ناخو الدليل فرد وقت...يعني عرسي منها و لا من غير فايدة مدامني باش ناخو الدليل هذا وحدي
روجين:بلقيس تخطط لحاجة و إلا مكانتش باش تطلب من بوها يعطل هارون باش تستنسخ المعلومات
أنا:بلقيس تحاول تشد عليه معلومات غير المستندات لي عندها...و لي متأكد انو فيهم شي يخص الماضي و إلا موصلتش تعرف شي من أسرارو
روجين:باهي نائل وين لقى المستندات هذوما ؟
أنا:بعد موت بابا...بداو مسيرتهم مع بعض...يعني أكثر حد يعرف هارون توا...هو نائل..و مش بعيد حكى كلشي لبنتو
روجين:ماكش باش تسمع كلامو المرة هاذي..و مستحيل تخمم تحط يدك عليها فهد
أنا:ياخي معادش تاثق فيا ؟
روجين:أنا منجمتش ننسى الليلة هذيكا...و كل مرة تتعلق الحكاية بيها...نعيش نفس الإحساس مرة أخرى نخاف من أنك تجيني في أي لحظة و تقولي لأنا باش نكمل معاها...و لا هي حبلة مني و منجمش نفرط فيها أكا علاش نحب نحط الاحتمالات الكل في راسي باش منتصدمش أكثر من هكا خاطرني مستحيل نجم نتحمل نفس اللي صار معايا ليلة هذيكا
خذيت نفس طويل و عديت يدي على ظهرها...كبست عليها في حضني نحكي
أنا:معاادش تخمم بالطريقة هاذي..و تذكر ديما أنو الوعد لي عطيتهولك سنين لتالي مستحيل نتراجع عليه...و لا نخمم إني نخونك حتى بيني و بين روحي
روجين:مهما كان السبب ؟
أنا:كنت و باش نبقى متاعك إنتي و كهو...لآخر لحظة في عمري
عديت صوابعي على خدها..مسحت دمعتها قربتلي أكثر و دورت يديها...دخلت في حضني أكثر...خذيت نفس من ريحة شعرها...مهما كانت المشكلة كبيرة مصيرها باش تتحل...قبل ما تكون حبيبتي هي بنتي و تربات على يدي...طول عمرها كتاب مفتوح بين يديا نجمت نحفظ منو حتى التفاصيل الصغيرة لي بين السطور نزلت عليها شوية...عاودت بستها نحكي
أنا:في باالك تستحق مكافأة عاللي عملتو الليلة
روجين:كان مجيتش أنت راني لتوا واحلة غديكا
أنا:سااعة منظرك كان لازمو تصويرة تذكارية
روجين:بالله تفرك فيهم عليا توا
أنا:علاااش أنا نجم
كبست عليها أكثر...و نزلت عليها شوية نبوس فيها غزرتلي ندرا كيف تحكي
روجين:فههد
انا:روح فههد
روجين:بالرسمي منجمش نرقد بيه أنا
أنا:نحيوه ملا
هزتلي براسها إيه...تبسمت على جنب...و مديت يدي تحت مريولها...حليتو نحكي
انا:متحبش تنحي الباقي
روجين:ميزيتش تواا
أنا:شنعمل توحشت مريتي...ساعة متوحشتنيش إنتي
روجين:لاا
انا:متأكدة يا روحي...متحبش نعديو كموند توا
جات باش تحكي سكتها كي نزلت على شفايفها و كملت نحيت بقية دبشها بالسياسة...و غطست في بدنها عكس آخر مرة...وين حاولت نكون كيما تحب هي...و من غير ما نحاول اني نضرها مرة اخرى...اصلا كل مرة تكون بين يديا...نحس روحي اول مرة نمسها نفس الاحساس يخليني نحسها آخر مرة...فرد وقت كل مرة من المرات هذوما نتأكد اني مستحيل نجم نرضخ لمرا غيرها...و لا نحط يدي على غيرها زادة...كانت و باش تبقى الوحيدة لي ملكت كلشي فيا...لآخر لحظة في حياتي.
#روجين_فهد 💕