- နှလုံးသား​စေညွှန်ရာ ... နာခံလေသော ချစ်သူ

part(56)

Unicode

မြန်မာပြည်သူတွေက ကမ္ဘာကြီးနှင့်ဆက်သွယ်၍ရနေဆဲဖြစ်သည်။ နိုင်ငံရပ်ခြါးမှာရောက်ရှိနေထိုင်ကြသော ဆွေမျိုးများက ပြည်တွင်းမှာနေထိုင်ကာကျန်ရှိခဲ့သည့် မိဘဆွေမျိုးမိတ်ဆွေတွေကို ပူပန်စိုးရိမ်မှုရှိနေကြတယ်။ Internet ကအသုံးပြုလို့ရနေဆဲဖြစ်ပြီး မြန်မာပြည်သူတွေဟာ ချက်ချင်းပဲကမ္ဘာကြီးကိုတိုင်တည်ကြတော့တယ်။
မြန်မာ online သုံးစွဲသူတွေကြားမှာ လက်ရှိအစိုးရသည် လုံးဝမဲမခိုးကြောင်းကို သက်သေများနှင့်တကွ မိမိကိုယ်ပိုင် account များတွင်ရေးပြီးတင်ကြတော့သည်။

ထို့အပြင်မျှော်လင့်ချက်တစ်ခုက မြန်မာပြည်သူတွေရဲ့ ရင်ထဲကို တိတ်ဆိတ်သော်လည်းအရှိန်အဟုန်ပြင်းစွာနှင့် ဝင်ရောက်ခဲ့သေးသည်။ ထိုအကြောင်းအရာမှာ ကမ္ဘာကြီးသည် မြန်မာစစ်ခေါင်းဆောင်များ၏ ဆိုးသွမ်းသောအာဏာရှင်စနစ်အား တကျော့ပြန်သုံးခြင်းကို လက်ပိုက်ကြည့်မနေဘူးဟူသောအကြောင်းဖြစ်သည်။
ရှင်းရှင်းပြောရလျှင် ကမ္ဘာ့အကူအညီကို ရနိုင်ကောင်းသည်ဟု မြန်မာပြည်သူများက မျှော်လင့်ချက်ထားခဲ့ခြင်းဖြစ်သည်။
ထို့ကြောင့် .... ထိုမျှော်လင့်ချက်ကြောင့်... မြန်မာပြည်သူများသည် အခြေအနေဆိုးထဲမှအကောင်းလေးတစ်ခုကိုကြိတ်ကာမျှော်လင့်နေမိ​ကြသည်။

Online ပေါ်မှတိုက်ပွဲများသည် သုံးရက်တိုင်တိုင်ပြင်းထန်သောအရှိန်ဖြင့် တိုက်ခိုက်နေကြသည်။ ပြည်သူများကတစ်ဖက် စစ်အစိုးရလက်ပါးစေများကတစ်ဖက်ပေါ့။ သတင်းမှားများဆက်တိုက်ဖြစ်လာပြီး သတင်းအမှန်နှင့်အမှားကို ဝေခွဲရခက်လာကြတဲ့အထိဖြစ်လာခဲ့သည်။

သုံးရက်မြောက်နေ့မှာ မန္တလေးမှဆရာဝန်လူငယ်ငါးယောက် ဆန္ဒထွက်ပြတယ်။ နွေဦးတော်လှန်ရေးမှာ ပထမဆုံးလှုပ်ရှားလာသော လူထုလှုပ်ရှားမှုရဲ့အစပေါ့။
သူတို့က ဘယ်တိုင်းပြည်ကမှ မြန်မာပြည်ကိုကယ်တင်ပေးမှာမဟုတ်ကြောင်းနဲ့ 72နာရီပြည့်အောင်စောင့်လဲ ဘာမှမထူးခြါးလာနိုင်ဘူးလို့ ပြောတယ်။ အဲ့သည်နေ့က ထိုဆရာဝန်များကိုဖမ်းဆီးထိန်းသိမ်းလိုက်တယ်။
အာဏာရှင်အစိုးရက သူတို့ကိုခဏပဲဖမ်းဆီးထိန်းသိမ်းပြီး ပြန်လွှတ်ပေးလိုက်ခြင်းနဲ့ ပြည်သူတွေကိုဝေဝါးစေခဲ့တယ်။