ဂန္တဝင်စနစ်

အပိုင်း(၇)

"ပြေးကြဟေ့.... အဲ့ဒီကောင်မှာ မှော်လက်နက်ရှိတယ်"

"ဘာ--"

"ဘယ်လို မှော်လက်နက်မို့လို့ အဲ့ဒီလောက်အစွမ်းထက်ရတာလဲဟ"

ဒီအချိန်မှာတော့ အသက်ရှင်ကျန်နေသေးတဲ့ စစ်သားတွေက ကန္တာရလင်းယုန်ရဲ့ ကြောက်ခမန်းလိလိ အစွမ်းကိုကြည့်ပြီး အော်ဟစ်နေကြသည်။

"တဂျီ၊ ဒီကောင်တွေကို မိုးပေါ်ပစ်လိုက်" ချင်ကျင်း တည်ငြိမ်စွာပြောလိုက်သည်။

"ဟုတ်ကဲ့ပါ၊ အရှင့်သား"

တဂျီ အပြုံးလေးနဲ့ပြန်ပြောလိုက်သည်။ ပြီးတော့ မြွေတစ်ကောင်လိုမျိုး ရေကန်ကို ဖြတ်ပျံ သွားလိုက်သည်။ အဲ့ဒီနောက် ချင်ကျင်း သေနတ်နဲ့ပစ်နေတာရပ်လိုက်ပြီး၊ တဂျီစစ်သားတွေကို အပေါ်ပစ်လိုက်တဲ့အချိန်ကျမှ ချင်ကျင်း ပြန်လှုပ်ရှားလာ တော့သည်။ ထို့နောက် သူ့လက်ကိုမြှောက်ပြီး လေထဲကစစ်သားကို ‌သုံးချက်ပစ်ပြီး သတ်လိုက်သည်။
ဒါတောင် သူ့သေနတ်ပစ်တဲ့နည်းက အရမ်းဆိုးရွားနေသေးသည်။

ထိုအခါ ချင်ကျင်း တိတ်တဆိတ်နောင်တရသွားသည်။ သူ့နည်းလမ်းတွေမှာသာ မထူးချွန်ခဲ့ရင်၊ သူ့ကိုယ်သူ ပြန်သတ်သလိုဖြစ် နေလိမ့်မည်။ ကံ‌ကောင်းထောက်မစွာနဲ့၊ သူ့အစစ်အမှန်ချီတွေက အချက်တစ်ရာ လောက်ပစ်ရင်တောင်မှ ဘာပြဿနာမှမရှိလို့ပေါ့။

ဒီလိုနဲ့၊ တဂျီက စစ်သားတစ်ယောက်ကို အပေါ်ပစ်တင်တယ်၊ ချင်ကျင်းက သေနတ်ပစ်တယ်ဟဆိုပြီး လေ့ကျင့်ပြီးရင်း လေ့ကျင့်နေခဲ့သည်။ သိပ်မကြာခင်ပဲ၊ ကန္တာရလင်းယုန်ရဲ့ အစစ်အမှန်ချီ ကျည်ဆံတွေအောက်မှာ စစ်သားတွေအကုန် သေကုန်ကြသည်။ ကံမကောင်းစွာနဲ့၊ ချင်ကျင်း အဆင့်တက်ဖို့ သနားစရာကောင်းလောက်အောင် အဝေးကြီးလို‌ နေသေးသည်။ သူရတဲ့ အတွေ့အကြုံ အမှတ်တွေက နည်းလွန်းသည်။

*ချီသန့်စင်ခြင်းနယ်ပယ်ကနေ အခြေခံအုတ်မြစ်တည်ဆောက်ခြင်းနယ်ပယ်ကို တက်လှမ်း တုန်းကလိုအပ်တဲ့ အတွေ့အကြုံအမှတ် ပမာဏက နည်းနည်းလေး။ ရွှေဗဟိုနယ်ပယ်ကို တက်လှမ်းတဲ့ အချိန်ကျမှ လိုအပ်တဲ့ အတွေ့အကြုံအမှတ်က ဧရာမ ပမာဏဖြစ်သွားတယ်တဲ့လား။*