"စင်ကြယ်သူသုံးဦး... ရှမန်ဘိုးဘေး ၁၂ ယောက်... မိစ္ဆာဘုရင်နဲ့ မိစ္ဆာဧကရာဇ်... ဟောင်ကျွင်း... ဖန်ကူ... နူဝါ... ဘုရင်သုံးပါးနဲ့ ဧကရာဇ်ငါးယောက်... ဘော... ထက်ပြီးမစဉ်းစားနိုင်တော့ဘူး သူတို့ကို ဆင့်ခေါ်မိရင် ငါပဲရှုံးမှာ"
ချင်ကျင်းက တိုးညှင်းစွာရေရွတ်နေလိုက်သည်။ထိုအခါ သူ၏ဘေးမှ တဂျီမှာ စူးစမ်းသွာဖြင့်:
"သခင်လေးရေရွတ်လိုက်တဲ့ နာမည်တွေကို ကြားဖူး နေသလိုပဲ... သူတို့အားလုံးက တစ်ကယ်ကို လွှမ်းမိုးနိုင်စွမ်းကြီးသလို ခံစားရတယ်"
ဤစကားအားကြားရသော် တဂျီအား ချင်ကျင်းက အံ့အားသင့်စွာကြည့်လိုက်သည်။ ဒီကောင်မလေး သူ့အရင်ဘ၀က မှတ်ဉာဏ်တွေ ပြန်မရလာလောက်ပါဘူးနော်...
"ငါ့ရဲ့ အနာဂါတ် အစေခံတွေကို ဖတ်ကြည့်နေတာပါ"
ချင်ကျင်းက လျှို့ဝှက်ဆန်းကြယ်စွာ ပြောလိုက်သည်။
ထိုအခါ တဂျီက သူမ၏ မျက်ခုံးများကို ပင့်လိုက်ပြီး:
"သခင်လေးက အနာဂါတ်ကို ပြောနိုင်တယ်ပေါ့"
"မင်းလေးက ဉာဏ်ကောင်းတယ်"
"ဒါဆိုရင် ဘာလို့ ကောင်းကင်နဲ့ မြေပြင်ကို စိုးမိုးမယ်လို့မပြောတာလဲ"
"သေချာပေါက်ကိုစိုးမိုးမှာလေ ပြောနေစရာလိုသေးလို့လား"
"သခင်လေးရဲ့ အရေကတော့ ထူမြဲ ထူဆဲပဲနော်"
သို့ဖြင့် ထုံးစံအတိုင်း သူတို့ ၂ ဦးစတင်ကာ အချေအတင်များကြလေတော့သည်။ အနီးမှလူများက သူတို့၏စကားအားကြားရသည့်အခါ၌ ချင်ကျင်းနှင့်တဂျီတို့ကို ငယ်ရွယ်သောအတွဲများသဖွယ် ကြည့်လိုက်ကြသည်။
ထိုက်ပိုင်ကျင်းရှင်းနှင့် ဖဟိုင်တို့မှာတော့ ပြုံး၍ သူတို့၏ ခေါင်းကို ခါရမ်းလိုက်သည်။
တစ်ချိန်တည်းတွင် မဟာကောင်းကင်ဘုံခွေးက မြေပြင်ပေါ်တွင် ပျင်းရိစွာ ၀ပ်တွားလိုက်ပြီး:
"အကဲပိုနေကြတဲ့ စုံတွဲပဲ"
"ဟေး... ဘာပြောလိုက်တာလဲ... သခင်လေးက လူငယ်တစ်ယောက်ပဲရှိသေးတာနော်"
YOU ARE READING
ဂန္တဝင်စနစ်
Adventureဧကရာဇ်တစ်ပါးဖြစ်လာဖို့အတွက် ဖြတ်ကျော်သွားရမည့် အခက်အခဲတွေရှိနေသော်လည်း ကံကောင်းထောက်မစွာဖြင့် ဘုရားသခင်သည် ချင်ကျင်းအား စိတ်ပျက်မသွားစေခဲ့ပါ။ ဂန္တဝင်စနစ်ကို စတင်အသက်သွင်းလိုက်ပါပြီ။ ဒဏ္ဍာရီဂန္တဝင်ထဲက ဇာတ်ကောင်အားလုံးကို ဆင့်ခေါ်နိုင်ပါပြီ။ ကျန်ရှန...
