(Unicode)
ကျန်းရုန် ခေါင်းမငြိမ့်ခင် စဥ်းပင်မစဥ်းစားလိုက်။ "တွေ့ဖူးတယ်လေ၊ ပြီးခဲ့တဲ့ ကမ္ဘာ့ဖလားပွဲတုန်းက ကျွန်တော်လည်း အဲ့ပွဲထဲမှာပဲ"
သူ့စကားကြောင့် လုပေါ်ယွမ်မှာ တန့်သွားပြီး မထိန်းနိုင်ပဲ ရယ်လိုက်မိသည်။ "ကိုယ့်မှတ်ဥာဏ်အဲ့လောက်မဆိုးသေးပါဘူး အဲ့တစ်ခေါက်မတိုင်ခင်ကိုပြောတာ..."
တင်းကောဆီကို မက်ဆေ့ချ်ပို့ပြီးသည်နှင့် လုပေါ်ယွမ်က ခေါင်းလှည့်လာကာ ကျန်းရုန်ရဲ့ဆံပင်တွေကို ကြည့်လျက်မေးလာသည်။ "မင်းဆံပင်အရောင်မဆိုးခင်ကရော ကိုယ်တို့တွေ့ဖူးလား?"
ကျန်းရုန် ပါးစပ်ဖွင့်လိုက်ပေမယ့် ဘာစကားမှတော့ ထွက်မလာခဲ့ပေ။
ဘာကြောင့်လဲဆိုတော့ သူကိုယ်တိုင်လည်း သူတို့ရဲ့ပထမဆုံး အမှတ်မထင်ဆုံတွေ့မှုက "တစ်ယောက်နဲ့တစ်ယောက် တွေ့ဖူးတယ်"ဟူ၍ သတ်မှတ်လို့ရရဲ့လားဆိုတာ သေချာမသိလို့ပင်။ သူ့အထင် လုပေါ်ယွမ်အတွက် သူဘယ်လိုပုံစံဆိုတာတောင် သေချာမမြင်နိုင်ခဲ့ဖို့မှာ သေချာသလောက်ပင်ဖြစ်သည်။
အဆုံးမှာတော့ ကျန်းရုန်ပြောလိုက်၏။ "ကျွန်တော်တော့တွေ့ဖူးတယ်"
လုပေါ်ယွမ်က ခေါင်းငြိမ့်လိုက်ရင်း "ကိုယ်LSPLမှာကစားနေတုန်းကလား?"
"ဟုတ်တယ်" ကျန်းရုန် ထိုအကြောင်းကိုတွေးလိုက်ပြီး ပြောလိုက်သည်။ "ကျွန်တော်လည်း အဲ့ဒီပြိုင်ပွဲမှာရှိနေတာ"
အဲ့တာကြောင့် သူ့မှာအဲ့ဒီဦးထုပ်ရှိနေတာပဲ။
သူ့ပြောပုံက အကြောင်းအကျိုးဆီလျော်သည်။ နောက်ဆုံးဖိုင်နယ်လ်ပွဲပင် ဖြစ်သော်ငြား LSPLက ဒုတိယအဆင့်ပြိုင်ပွဲသာ ဖြစ်ကာ ထိုအချိန်တွင်လည်း Esportsက အခုလောက်ထိ နာမည်မရသေးသည်မို့ ပြိုင်ပွဲကလည်းသေးကာ တစ်ချက်ကြည့်ရုံနှင့်ပင် ပရိသတ်အားလုံးကို မြင်နိုင်လေသည်။
သို့သော်လည်း ထိုအချိန်တုန်းက သူ ပရိသတ်တွေအား ကြည့်ခဲ့မိသည်လားဆိုတာတောင် လုပေါ်ယွမ် သူ့ကိုယ်သူ မမှတ်မိတော့ပေ။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~