TTC ပါဝင်ယှဥ်ပြိုင်နေသည့် ပွဲစဥ်များကို ထုတ်လွှင့်နေသည့် Livestreamများတွင် ပြိုင်ပွဲပြီးသွားသည့်အခါ ကြည့်ရှုနှုန်းက ကျမသွားဘဲ မြင့်တက်လာတတ်သည်က ထုံးစံဖြစ်နေချေပြီ။
သို့ပေမယ့် ဒီတစ်ခေါက်ကတော့ ကွဲပြားနေသည်။ အရင်တုန်းက ပြိုင်ပွဲအပြီး အင်တာဗျူးကို လာကြည့်ကြခြင်း ဆိုပေမယ့် အခုတစ်ခေါက်ကတော့--
[ကိုမေကိုလူး HT]
[ပြန်ကစားခိုင်းရတဲ့ ရည်ရွယ်ချက်ကရော? အဲဒီBugဆိုတာကရော တိတိကျကျက ဘာလဲ? ရှင်းမပြကြတော့ဘူးလား? အဲဒီအပိုင်းကို ထပ်ခါတလဲလဲ ပြန်ကြည့်ထားပြီးသား။ အခုချိန်ထိ Rishကို နောက်ပြန်ရစ်ခွင့်ပြုရလောက်တဲ့ ပြဿနာကို ရှာမတွေ့သေးဘူး!]
[လောင်ကျစ် သောက်ရမ်းဒေါသထွက်နေပြီ!!! ငါ့သားဆိုတဲ့ကောင်ကလေ ပရော်ဖက်ရှင်နယ် ကစားသမားတွေဆီက မကောင်းပြောခံရ အသင်းငါးသင်းရဲ့ပရိသတ်တွေဆီကနေ ဝိုင်းအဆဲခံရ Kanကို လိမ်ကစားနေတယ်လို့ ပြောတုန်းက သူ့Livestreamတစ်ခုလုံး ဖျက်ဆီးခံရ PUDကိုရှုံးတော့ သောက်ရူးတစ်သိုက်က သူ့ကိုဝိုင်းလှောင်ကြပြီး အမှိုက်လို့ အခေါ်ခံရရင်းနဲ့ Hot Searchပေါ်ရောက်သွားတုန်းကတောင် သောက်မျက်ရည်တစ်စက်မကျဘူးကွ!!! ချီးပဲ ဒေါသထွက်ရလွန်းလို့ သေတော့မယ်!!!]
[ဟုတ်တယ်! လူပုတိုင်းပြည်ရဲ့ဘုရင်ကြီးလို့ အခေါ်ခံရတုန်းကတောင် မငိုတဲ့သူ!!!!]
[TTCထဲကလူတိုင်း စိတ်ဓါတ်ကျသွားကြတဲ့ပုံပဲ T-T ရှောင်ပိုင်လည်း ငိုတော့မယ်ထင်တယ် သနားလိုက်တာ]
[ဂိမ်းလေးတစ်ပွဲရှုံးတာနဲ့ ငိုကြတော့မယ်ပေါ့???]
[အပေါ်ထပ်က သောက်ရူးလား? ရှုံးသွားလို့ ငိုနေတယ်ထင်တယ်ပေါ့? မဟုတ်ဘူး သောက်ရမ်းအော်ဂလီဆန်လွန်းလို့ မျက်ရည်ကျနေတာဟ!]
[Roadလည်း မျက်နှာမကောင်းဘူး။ သူဒီလိုဖြစ်နေတာကို နောက်ဆုံးမြင်ခဲ့ဖူးတာ မနှစ်က ကမ္ဘာ့ဖလား ဆီမီးဖိုင်နယ်ပွဲရဲ့ Backstageမှာ]
[ငါလုံးဝသည်းမခံနိုင်တော့ဘူး။ စိတ်ပြေလက်ပျောက်ဖြစ်အောင် HT fanတွေကို သွားကျုံးလိုက်ဦးမယ်]
[သောက်ရူး HT မင်းတို့တွေ ပြိုင်ပွဲတော့နိုင်သွားပေမယ့် သိက္ခါတော့တစ်စက်မှမကျန်တော့ဘူး တန်ရဲ့လား?]
….
ကျန်းရုန်ကိုယ်တိုင်လည်း မျက်ရည်ကျလောက်သည်အထိ ဒေါသထွက်သွားလိမ့်မယ်ဟု မထင်ထားပါချေ။
သူသာ ပူဖောင်းဆိုပါက ဖောင်းခနဲ ပေါက်သွားလောက်ပြီဖြစ်ကာ ရာဘာစတွေမှာ လေထဲသို့ တွန်းကန် လွင့်ပျံသွားလောက်ချေပြီ။
ဒီလိုအခြေအနေမျိုးကို ကျန်းရုန် ပထမဆုံးအကြိမ် ကြုံဖူးခြင်းပါပင်။ အစောပိုင်းက ယွမ်ချန်က Chronobreak အကြောင်းကို Voice Chatထဲတွင် အနည်းအကျဥ်း ရှင်းပြပေးထားသည်။ ဒီနှစ်တွေထဲ ထိုလုပ်ဆောင်ချက်က အတော်လေး အသုံးများလာသည်ဟု ဆိုရမည်။ နောက်ဆုံးအကြိမ် ဖြစ်ပွားခဲ့ခြင်းက မြောက်အမေရိကအသင်းနှင့် ဥရောပအသင်း၏ ပြိုင်ပွဲကြားတွင်ဖြစ်ကာ မြောက်အမေရိကအသင်းမှ Supportက သူ့Ultကိုသုံးမရသောကြောင့်ပင်။ ထိုကဲ့သို့ Bugအကြီးစားတွေက Chronobreakကို လိုအပ်ပေသည်။
သို့ပေမယ့် ဂိမ်းကို စတင်ရပ်ထားကတည်းက အဆုံးတိုင်အထိ ပွဲစီစဥ်သည့်ဘက်က TTCအသင်းသားငါးယောက်လုံးကို Chronobreakနှင့် စပ်လျဥ်း၍ ဘာဆိုဘာမှ ရှင်းပြလာခဲ့ခြင်းမရှိပေ။ သူတို့ပြောခဲ့သမျှက ရိုးရိုးရှင်းရှင်းသာ : “Bugရှိနေလို့ပါ” ဟူ၍။
ပေါ်လာတဲ့Bugက ဘာအမျိုးအစားလဲ? Bugက ဘာကြောင့် ပေါ်လာရတာလဲ?
Rishက စကေးမသုံးနိုင်တာလား? ဖြစ်နိုင်စရာမရှိ။ အကြောင်းရင်းကတော့ ကျန်းရုန်က နှစ်စက္ကန့်အတွင်း Rishကို လက်စသတ်လိုက်ခြင်းကြောင့်ပင်။ သူက ကြိုတင်တွက်ဆထားပြီးသား။ ထိုအခိုက်အတန့်အတွင်း တစ်ဖက်မှာ Rish၏Flashက Cooldownကျနေပေမယ့် သူ့ကိုယ်ပိုင်Flashကတော့ သူ့လက်ထဲတွင် ရှိနေသေးသည်။ အခြားစကားနှင့် ပြောရမည်ဆိုပါက ထိုအချိန်အတွင်း Rishဘက်က ဘယ်လိုစကေးမျိုးကိုသုံးသုံး ထိုသောက်ရူးက သေကိုသေမှာပင်။
ကျန်းရုန်က အရှုံးကို လက်သင့်မခံနိုင်ခြင်း မဟုတ်ပေ။ ဒီလို အလှည့်အပြောင်းမျိုးကို လက်သင့်မခံနိုင်ရုံသာ။
သူတို့တွေက Rishဆိုသည့်သောက်ရူး မိုးကြီးလေကြီး အာမချောင်ရဲတော့သည်အထိ သမလိုက်ကြပြီး HTဆီမှ Double Killရတော့မည့်အချိန်….
ခံစားရခက်လွန်းသလို နေရထိုင်ရ အဆင်ပြေမနေ။
သို့ပေမယ့် HTနှင့် ပရိသတ်တွေထဲမှ HTပရိသတ်ဆိုသည့် သောက်ရူးအုပ်လိုက်ကြီးရှေ့တွင် သူငိုဖို့ကလည်း ဖြစ်နိုင်စရာမရှိသလို စင်ပေါ်တွင် မျက်ရည်ကျဖို့က လုံးဝမဖြစ်နိုင်ပေ။
ထို့ကြောင့် မျက်လုံးတွေနာသည်အထိ ဝဲတက်လာသည့် မျက်ရည်စ အရိပ်အယောင်တွေကို သူ အတင်း ဖိနှိပ်ထားလိုက်သည်။
ကျန်းရုန်၏လက်ရှိစိတ်အခြေအနေကို လုပေါ်ယွမ်လည်း သဘောပေါက်သည်။
စိတ်အတက်အကျတွေကို ခံစားတတ်သည်က ပုံမှန်သာ။ ကျန်းရုန်က ကလေးဘဝကို ဘယ်လောက်ကြာကြာ အကြမ်းပတမ်း ဖြတ်သန်းခဲ့ရပါစေ အခုချိန်မှာတော့ သူက ပြိုင်ပွဲစပြိုင်ခါစ ဆယ်ရှစ်နှစ်အရွယ် ပရော်ဖက်ရှင်နယ် ကစားသမားအသစ် တစ်ယောက်သာ ဖြစ်သည်။
ပြိုင်ပွဲနယ်ပယ်က Streamတွေနှင့် လုံးလုံး မတူညီရာ ဒီပြိုင်ပွဲက မမျှတဘူးဟု အားလုံးက ယုံကြည်ထားကြလျှင်ပင် စင်ပေါ်မှာ လျှောက်ပြီး ပတ်ဆဲနေလို့တော့ မရပါချေ။ ဂိမ်းပြီးသွားလျှင်ပင် ဘာဆိုဘာကိုမှ တိုင်တန်းနိုင်စွမ်းမရှိ။
လုပေါ်ယွမ်က သူ့လက်ကို ကျန်းရုန်၏ဆံပင်တွေထက် နေရာယူလိုက်ပြီး သူတို့တွေ လက်ဆွဲနှုတ်ဆက်ရတော့မည်ဟု သတိပေးတော့မည့်အချိန် ရုတ်တရက် ကျန်းရုန်က ထရပ်လိုက်သည်။
ကင်မရာထက်ဝယ် စောစောကတင် မျက်ဝန်းထောင့်တွေ နီရဲနေခဲ့သည့် ကောင်လေးက မျက်ဝန်းကိုမှေးထားဆဲ ဖြစ်သော်လည်း ပုံမှန်အတိုင်း ပြန်ဖြစ်သွားလေပြီ။
လုပေါ်ယွမ်က မျက်ခုံးပင့်သွားလျက် လက်ကိုပြန်ရုတ်ရန်ပြင်လိုက်စဥ် ကျန်းရုန်က သူ့လက်ကို လှမ်းကိုင်လာသည်။
သူတို့၏လက်ချောင်းတွေက စက္ကန့်အနည်းငယ်စာလောက် ယှက်နွယ်သွားကြတော့သည်။
ကျန်းရုန်က လက်တွဲထားရာမှ လွှတ်ပေးလိုက်ပြီး လုပေါ်ယွမ်၏ လက်ကောက်ဝတ်ကိုသာ ပြန်ကိုင်လာရင်း သူက ပြောလာသည်။ “ကျွန်တော် အဆင်ပြေတယ်။ သွားပြီး လက်ဆွဲနှုတ်ဆက်ရအောင်”
ထိုမြင်ကွင်းက ဒါရိုက်တာ၏ ရည်ရွယ်ချက်ရှိရှိ အနီးကပ်ရိုက်ကူးမှုထဲတွင် ပါသွားလေသည်။
HTအား တက်ညီလက်ညီ အသားကုန် ဆဲဆိုနေကြသည့် ပရိသတ်တွေမှာ ရပ်တန့်သွားကြလျက်--
[ဒီဒါရိုက်တာရဲ့ရိုက်ချက်တွေက သောက်ရမ်း………..လှတယ်!]
[ဂိမ်းရပ်သွားတာနဲ့ Chronobreak နှစ်ခုလုံးက သောက်အတုကြီးဆိုရင်တောင် Roadနဲ့Softကတော့ အစစ်အမှန်ပဲ]
[သောက်ရမ်းဒေါသထွက်လွန်းလို့ ညတွင်းချင်း ကိုရီးယားဆီသွားဖို့ လေယာဥ်လက်မှတ် ဖြတ်လိုက်ပြီ။ သောက်ချီးတဲ့မှ လောင်ကျစ်မရှိတော့ ခွေးလိုလိုဝက်လိုလို တိရစ္ဆာန်တွေတောင် ငါ့သားကို အနိုင်ကျင့်ရဲနေပြီ သေစမ်း!]
[တိုက်ဆိုင်လိုက်တာ ငါလည်း အခုလေးတင် လေယာဥ်လက်မှတ်ဝယ်ပြီးတယ်]
[အစကတော့ Masterလည်း ကစားသမားကောင်းတွေထဲက တစ်ယောက်ပဲဆိုတော့ သိက္ခါနည်းနည်းရှိမယ် ထင်ထားတာ။ အခုတော့ ဘာဆိုဘာမှမဟုတ်ဘူး]
သူတို့တွေ လက်ဆွဲနှုတ်ဆက်ပြီး၍ စင်ပေါ်မှ ပြန်ဆင်းလာကြပြီးနောက် နားနေခန်းဆီ မဝင်ရသေးခင်မှာပင် စကားများနေသံကို ကြားလိုက်ရသည်။
တင်းကောတစ်ယောက် ပြိုင်ပွဲစီစဥ်သည့် ခေါင်းဆောင်ပိုင်းတွေနှင့် တိုက်ပွဲချနေတာ နာရီဝက်လောက် ကြာနေချေပြီ။
“ရပြီ--ရပြီ! တကယ်လို့ လောင်ကျစ်က ခင်များတို့ရဲ့ သောက်ပုံမလာတဲ့ Bugဆိုတာကြီးကို လက်ခံပေးရင်တောင်! ငါတို့အသင်းသားတွေရှိနေတဲ့ ချုံပုတ်ထဲမှာ ဘာWardမှရှိမနေဘူး! သူတို့တွေ အဲဒီမှာရှိနေမှန်း Rishက ဘယ်လိုမှ ခန့်မှန်းနိုင်မှာလည်း မဟုတ်ဘူး! ဘယ်လိုနေနေ သေမှာပဲ! ဒီလိုBugမျိုးကလည်း စုပေါင်းတိုက်ပွဲရဲ့ရလဒ်ကို သက်ရောက်စေနိုင်တယ်ပေါ့လေ?! Chronobreakကို ထုတ်သုံးရတဲ့အထိ ဘာမှလိုအပ်မနေဘူး! သောက်သုံးမကျလိုက်တဲ့ တာဝန်ခံ!”
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~