(Unicode)ကျွန်တော့်မှာကြိုက်တဲ့မိန်းကလေးရယ်လို့မှမရှိတာ
ဆေးလိပ်သောက်သည့်သူတွေကို သတင်းပို့ပါက ဆုချခံရမည်ဟု တင်းကောကြေငြာပြီးသည့်နောက် ဘယ်သူကမှဘာမှသတင်းမပို့ကြသည်ကိုထားဦး အချို့လူတွေဆို တော်တော်ဆိုးဆိုး အချင်းချင်းဖုံးပေးကြသည့်အပြင် တစ်ယောက်အပြစ်ကို ကိုယ်စားခံပေးသည်က တင်းကော လုံးဝမျှော်လင့်မထားသည့် သောက်ကျိုးနည်းအရာတွေပင် ဖြစ်သည်။
သူ့ပိုက်ဆံအိတ်ထဲကို ငွေဝင်လာသံက လေထဲမှတစ်ဆင့် ဖြတ်သန်းလာသည်။
လုပေါ်ယွမ်က သူ့ရဲ့ငါးနှစ်တာသက်တမ်းမှာ LPLဆီကပြစ်ဒဏ်မခံရဖူးသော်လည်း တင်းကောဆီမှာတော့ ပိုက်ဆံအတော်လေးကုန်ခဲ့ရသည်။ လွန်ခဲ့သည့်နှစ်တွေအတွင်း သူ၊ ယွမ်ချန်းနဲ့ Pine သုံးယောက်သားက TTCရဲ့ညလယ်စာမုန့်တွေအတွက် ဒိုင်ခံပိုက်ဆံရှင်းရသူများ ဖြစ်ခဲ့လေသည်။
"ပိုက်ဆံလွှဲပေးလိုက်ပြီ"
လုပေါ်ယွမ်က ဖုန်းကို အိတ်ကပ်ထဲပြန်ထည့်လိုက်သည်။
အဲဒီတော့မှ တင်းကောအမှတ်ရလိုက်၏။ အကယ်၍ သူသာ ဒဏ်ငွေဆောင်သည့်နေရာ အကျွမ်းကျင်ဆုံးသူ တစ်ယောက်တည်းကိုသာ ရွေးရမည်ဆိုပါက အဲဒီတစ်ယောက်က လုပေါ်ယွမ်သာဖြစ်မည်ပင်။
တကယ်တော့ အရင်တုန်းက တင်းကောတားမြစ်ထားသည့်အထဲ ဆေးလိပ်သောက်တာမပါပေ။ ဘယ်လိုပဲဖြစ်ဖြစ် ကစားသမားဆယ်ယောက်မှာ ကိုးယောက်က ဆေးလိပ်သောက်သည်လေ။ ပရော်ဖက်ရှင်နယ်ဂိမ်းနယ်ပယ်မှာ ဖိအားကကြီးလွန်းပြီး အသစ်ဝင်လာသူတွေခမျာ ဆက်တိုက်ဆိုသလို ဖိနှိပ်ခံရကာ ပရိသတ်ထုကြီးရဲ့မျှော်လင့်ချက်တွေကလည်း ပြင်းထန်လွန်းလှသည်။ ကစားသမားတစ်ယောက်က သာမန်ပြိုင်ပွဲတစ်ပွဲရှုံးလျှင်ပင် hot searchပေါ်ရောက်သည်အထိ အဆဲခံရတတ်သည်ကြောင့် နီကိုတင်းအရသာက သူတို့ကို ခဏတာတော့ စိတ်ညစ်ပြေစေသည်ပင်။
သို့သော် ပြီးခဲ့သည့်နှစ်အစပိုင်းတွင် ပရော်ဖက်ရှင်နယ်ကစားသမားတစ်ယောက်မှာ အဆုတ်ကင်ဆာနောက်ဆုံးအဆင့်ဖြစ်နေပြီး အနားယူသွားရလေသည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~