ဝိညာဉ်ကူးပြောင်းပြီး နောက် အမှန်တရား { Completed } [ပြန်လည်ပြင်ဆင်နေသည်]

Chapter -16

Unicode
————

“ မား ဘယ်လိုရောက်လာတာလဲ?? ”

“ မားက သတိရလို့လာတွေ့တာပါ သမီးလေးရယ် ”

“ ဘာလဲ ပိုက်ဆံကုန်သွားလို့လား?? ”

“ မဟုတ်ပါဘူး သမီးလေးရယ် မားက... ”

သူမ တကယ်ကို သမီးလေးကိုသတိရလို့လာတွေ့တာဖြစ်ပေမဲ့ သမီးဖြစ်သူက သူမကိုခါးခါးသီးသီးဖြစ်နေမယ်လို့မထင်ထားမိပေ အခုလဲ သူမစကားတောင်မဆုံးသေးဘူးဖြတ်ပြောလာတဲ့ သမီးဖြစ်သူ

“ တော်တော် ဘာမှမကြားချင်ဘူး ရော့ ဒီကဒ်ထဲမှာ ၁၀သိန်းရှိတယ်ယူသွား  ”

“ မလိုပါဘူး သမီးရယ် မားသွားတော့မယ် ကိုယ့်ကိုယ်ကိုဂရုစိုက်ပါ ပြီးတော့... ”

“ သွားမှာမသွားဘူး အရစ်ရှည်နေတယ် ရော့ ယူသွား နောက်ကို ကျွန်မဆီကိုမလာပါနဲ့တော့ ”

စကားကိုတောင်ဆုံးအောင်မပြောရသေးဘူး ဖြတ်ပြောကာ သူမဆီကိုထပ်မလာတော့ဖို့ပြောကာထွက်သွားတဲ့ သမီးဖြစ်သူကိုကြည့်ပြီး ကျိုးလင်ဝမ် ဝမ်းနည်းမိတယ်

ဒါကလည်းသူအပြစ်တွေပဲမလား? သူသာကြင်နာဂရုစိုက်မှုတွေကိုအပြည့်အဝပေးနိုင်ခဲ့ရင် အခုချိန်ဆို သမီးလေးကသူမကိုအခုလိုမျိုးခါးခါးသီးသီးဖြစ်ခဲ့မှာမဟုတ်ဘူး ။ သူမအသုံးမကျလို့ ၊ မိခင်ကောင်းမပီသခဲ့လို့ အခုလိုတွေဖြစ်ရတာ

(သမီး ဖေးဖေး မားတောင်းပန်တယ် ခွင့်မလွတ်မှန်းသိပေမဲ့ တောင်းပန်ပါတယ် မားကြောင့် သမီးလေး ရွယ်တူတွေကြားမှာဘယ်လောက်တောင်မျက်နှာငယ်ခဲ့ရမလဲ )

ဝမ်ဖေးယာ ကိစ္စတစ်ခုကြောင့် shopping center တစ်ခုကိုလာခဲ့တယ် ။ ဒါပေမဲ့ အပြန် carparking မှာ သူမ(ဝမ်ဖေးယာ)ရဲ့အမေနဲ့တွေ့လိုက်ရတော့ အနည်းငယ်စိတ်ရှုပ်မိတယ် ။ ကြည့်ရတာသူမကိုစောင့်နေပုံရတဲ့အမေဖြစ်သူကြောင့် မေးလိုက်တော့ သူမကိုသတိရလို့လာတွေ့တာတဲ့ ဟက် ရယ်စရာဟာသတွေပဲ ။ မလိုချင်လို့ထားခဲ့ပြီး အခုမှသတိရသလေးဘာလေးနဲ့ မျက်နှာငယ်လေးလုပ်ပြီး အရမ်းချစ်တဲ့ပုံစံမျိုးလာလုပ်ပြနေတယ် ။

သူမလည်း ခါးခါးသီးသီးကို ပြောပစ်လိုက်တယ် ပြီးတော့ ပိုက်ဆံ ၁၀သိန်းထည့်ထားတဲ့ ကဒ်ကိုပေးလိုက်တော့ မလိုဘူးဆိုပြီး လိမ်နေပြန်တယ် ။ ပိုက်ဆံလို လို့သူမဆီကိုလာတာမသိပဲနေမလား? သူမ(ကျိုးဝမ်လင်)ဘဝမှာ ငွေကလွဲပြီးဘာမှစိတ်မဝင်စားတဲ့သူမက သမီးဖြစ်တဲ့သူမနဲ့ ငွေနဲ့ယှဉ်ရင် ငွေကိုသာရွေးချယ်မဲ့လူမျိုး ။