""ကလေး!""
""ဟင်!""
""နေရတာအဆင်ပြေရဲ့လား ကိုယ့်ကလေးရယ်
အစားအသောက်တွေအရမ်းပျက်နေတာ ကြာရင်ခံနိုင်ရည်မရှိပဲဖြစ်လိမ့်မယ် သည်းငယ်ရဲ့""
"".....""
""အခုဗိုက်ဆာနေလား
ဘာစားချင်လဲ?ကိုကိုဘာလုပ်ပေးရမလဲ?""
စိတ်ပူစွာဖြင့်စကားတွေ တရစပ်ပြောနေမိတော့ ရင်ခွင်ထဲမှေးအိပ်နေသည့် သူမလေးက တိုးလျလျရယ်သည်။သို့သော်လည်း အပြုံးနုနုလေးကသိပ်အားမပါလှ၍ ကိုယ့်မှာစိတ်ထဲမသက်မသာနှင့်...။ကျွေးသမျှ ဘာဆိုဘာမှကိုစားမဝင်ဘဲ ပျို့ပြီးအန်နေတာကြောင့် ရက်ပိုင်းအနည်းငယ်လေးအတွင်းမှာတင် မျက်နှာလေးကသိသိသာသာချောင်ကျနေ၏။ အခုလည်း အခန်းထဲမှာနေရတာအသက်ရှူမရဘူးဆိုသည်နှင့် ခြံထဲကဒန်းလေးပေါ်လာထိုင်ပေးရခြင်းပင်။
""ကိုကို""
""ဗျာ!""
""အဆိုးရဲ့ဒီဗိုက်သေးသေးလေးထဲမှာ ကလေးကဘယ်လိုနေတာလဲဟင်?သူကျပ်မနေဘူးလား""
ချပ်ရပ်နေဆဲဖြစ်သောဗိုက်ကလေးပေါ်လက်ဖြင့်ဖွဖွထိကိုင်ကာ မျက်ဆံလေးထောင့်ကပ်သည်အထိစဥ်းစားရင်း ရုတ်တရက်ထွက်လာသောမေးခွန်းကြောင့် လူမှာမပြုံးမိဘဲမနေနိုင်ပြန်ပါ။ကြည့်ဦး! ဒီကလေးက အတော်ခက်ခက်ခဲခဲတွေစဥ်းစားနေတာ။
""အဟင်း!လူသားလေးတစ်ယောက်ရဲ့အသက်ကိုဒီဧရိယာကျဥ်းကျဥ်းလေးကပဲစတာလေ ကလေးရယ်...ဒါကသဘာဝပါပဲ။ဘာမှမဖြစ်ဘူး နောက်တော့သူတဖြေးဖြေးအရွယ်ရောက်လာရင် ဒီဗိုက်လေးကလည်း ဖောင်းလာမှာ""
""မွေးလာမယ့်ကလေးကိုဘာလေးဖြစ်စေချင်လဲဟင် ကိုကို""
""ဘာလေးပဲဖြစ်ဖြစ်ပါကွာ
ကိုကို့ကလေးပိစိလေးကမွေးတဲ့ ပိစိလေးပဲကို...ချစ်မှာပေါ့""
""ဟမ်!ပိစိတွေကရှုပ်နေပြီနော်
နောက်ဆိုကလေးမွေးပြီးတဲ့အခါ ကိုကိုက ပိစိလေးရေ...ကလေးရေလို့ခေါ်ရင်ဘယ်သူထူးရမှာလဲပြော""
""ဟား!!ရစ်လုံးလေးပါလားကွာ
နေဦး! ကိုကိုစဥျးစားပါရစေဦး""
""ဒါဆိုလည်း ပြီးရော
အဆိုးခဏအိပ်မယ်၊အိပ်နေတုန်းစဥ်းစားထား""
YOU ARE READING
🍬ကိုကို့...ချစ်သည်းရှင်🍬(Completed)
Romance''ကိုကို တကယ်ပြောတာပါ ကလေးရယ်... မင်းနားလည်တာထက်၊ မင်းထင်နေတာထက် ကိုကိုကပိုချစ်ပေးနိုင်တယ်။ကိုကို့အချစ်မှာ စကားလုံးတွေထက်ပိုတဲ့ အဓိပ္ပာယ်အများကြီးရှိတယ်။ ဒီအချစ်ကြောင့် ကိုကို့ရဲ့ကောင်မလေး...မင်းကို တခြားသူတွေတောင် မနာလိုစေရမယ် ယုံလိုက်! ဒီလူသားကို...
