ခံစားနာကျင်ခြင်းတွေနဲ့ လူကအပြိုပြိုအလဲလဲဖြစ်နေသည့်တိုင် ချစ်ကြိုးအပေါ်အေးစက်သည့်အပြုအမူကတော့အရင်အတိုင်းပါပင်။ အနည်းငယ်လေးအနားကပ်မိရုံမျှနဲ့တောင် ဘေးသို့ ဆတ်ခနဲခွာရပ်လိုက်ပြီး စူးရဲသောမျက်ဝန်းများဖြင့် ချက်ချင်းလှည့်ကြည့်လာပုံကြောင့် ချစ်ကြိုးရုတ်တရက်လန့်သွားမိကာ သူ့ကျောပြင်ဆီဖက်တွယ်ထားသောလက်အစုံကိုလည်း ပြန်ရုတ်သိမ်းလိုက်ရ၏။
""ပြောစရာရှိရင် ပြောပါ""
""ငါက နင်အရမ်းစိတ်ထိခိုက်နေရတာကို နှစ်သိမ့်ပေးချင်ရုံပါ ညရယ်...အဆင်ပြေရဲ့လားဟင်""
""ဖြစ်တာကဖြစ်ပြီးပြီပဲ
ငါဘာတတ်နိုင်တော့လို့လဲ""
""တောင်းပန်ပါတယ်၊ငါညီမလေးကိုသေချာဂရုစိုက်ခဲ့ရမှာပါ..အဟင့်!!""
တောင်းပန်စကားကိုထပ်တလဲလဲပြောရင်း ငိုယိုနေသည့်ထိုမိန်းကလေးအား လင်းညအသေအချာစိုက်ကြည့်နေမိသည်။အတော်ကြာသွားမှ မျက်နှာလွှဲလိုက်ကာ သူမရဲ့ပုခုံးတစ်ဖက်အား ခပ်ဖွဖွဆုပ်ကိုင်ပေး၍...
""မင်းနဲ့မဆိုင်ပါဘူး
သူကိုယ်တိုင်က ဒီကလေးလေးကိုမလိုချင်ခဲ့တာ
အဲ့တော့ ကလေးနဲ့ပတ်သက်ပြီးအစစအရာရာဘယ်ဂရုထားပါ့မလဲ။ သူလုပ်ချင်ရာလုပ်တယ်၊နေချင်သလိုနေတယ်...နောက်ဆုံးတော့ဒီလိုအခြေအနေအထိ...""
""ရှင်ရှင်ကငယ်သေးလို့ပါဟာ
သူ့ကိုနားလည်ပေးလိုက်ပါနော်""
""ရတယ်၊ငါဘာမှမဖြစ်ဘူး
လူကြီးတွေကိုဒီအကြောင်းပြောပြီးပြီလား""
""ဟင့်အင်း!ငါတစ်ယောက်တည်းဆိုတော့ အရမ်းထူပူပြီး ဘာလုပ်ရမှန်းမသိဖြစ်နေတာ""
""ဒါဆို မိဘတွေကိုပြောပြီးသူ့ကိုလာကြည့်ခိုင်းလိုက်""
ထိုစကားကိုပြောပြီးနောက် သူ့ခြေလှမ်းကအပြင်ဘက်ဆီလှည့်ထွက်တာမို့ချစ်ကြိုးအနည်းငယ်အံ့အားသင့်သွားမိရ၏။
""ည...နင်ဘယ်သွားမလို့လဲ
ရှင်ရှင့်ဆီထပ်သွားမကြည့်တော့ဘူးလား""
""နောက်မှပဲ
ငါ အခုအလုပ်ကိစ္စရှိသေးလို့""
စကားဆုံးသည်နှင့်တကယ်ကိုပြတ်သားစွာလှည့်ထွက်သွားလေသည်မို့ တရွေ့ရွေ့ဝေးကွာသွားသည့်ကျောပြင်ကိုကြည့်ကာ ချစ်ကြိုးကျေကျေနပ်နပ်ပြုံးမိသည်။ဒီတစ်ခါထိချက်ကတော့ တကယ်ကိုပြင်းပြီထင်ပါ၏။ချစ်သည်းရှင်ရဲ့မျက်နှာကိုတောင် သူထပ်ကြည့်ချင်စိတ်မရှိတော့ဘူးတဲ့လေ။
YOU ARE READING
🍬ကိုကို့...ချစ်သည်းရှင်🍬(Completed)
Romance''ကိုကို တကယ်ပြောတာပါ ကလေးရယ်... မင်းနားလည်တာထက်၊ မင်းထင်နေတာထက် ကိုကိုကပိုချစ်ပေးနိုင်တယ်။ကိုကို့အချစ်မှာ စကားလုံးတွေထက်ပိုတဲ့ အဓိပ္ပာယ်အများကြီးရှိတယ်။ ဒီအချစ်ကြောင့် ကိုကို့ရဲ့ကောင်မလေး...မင်းကို တခြားသူတွေတောင် မနာလိုစေရမယ် ယုံလိုက်! ဒီလူသားကို...
