ဖက်တွယ်ထားသော လက်လေးက တင်းကျပ်လှသည်မဟုတ်သော်လည်း သူကိုယ်တိုင်ကိုက ထိုအင်အားသေးသေးထံမှ ရုန်းမထွက်နိုင်သည့်အဖြစ်။ ရင်ထဲမှာလည်း တစ်သက်နဲ့တစ်ကိုယ် ပုံမှန်နှုန်းထက် အနည်းငယ်လေးတောင် မမြန်ခဲ့ဖူးသော နှလုံးခုန်သံတို့ ဒီကလေးရှေ့မှာမှ မတည်မငြိမ်ဖြစ်နေရခြင်းက တကယ့်ကို ထူးခြားဖြစ်စဥ်ပမာ။ ထိုဆန်းကြယ်လွန်းသည့် ခံစားချက်ကြောင့်ပင် သူ့မှာစကားတစ်ခွန်းတောင် ပြန်မဟနိုင်ဘဲ ငြိမ်သက်အံ့သြနေမိစဥ် သူမလေးကတော့ စကားတွေ တတွတ်တွတ်ဆက်ပြောနေလေရဲ့ ။
""ကိုကို ပြန်လာတော့မယ်လို့ မေလေးကပြောတယ်သိလား...ကိုကိုကဟိုမှာအလုပ်တောင်လုပ်နေပြီဆို...ပြီးတော့ပြောသံကြားတယ်..ဘာပါလိမ့်!""
ချစ်စဖွယ်အသံလေးကို နားထောင်ရင်း ရင်ခုန်ကြည်နူးမှုလေးများဖြင့် ကျောပြင်သေးသေးကို ပြန်ဖက်မည်အပြုမှာပဲ သူ့လည်တိုင်ဆီယှက်သွယ်ထားသည့် လက်လေးတွေက ဆတ်ခနဲ လွတ်သွားပြီး ကိုယ်ချင်းခွာလိုက်တာမို့ ပွေ့ဖက်ရန် ရည်ရွယ်ခဲ့သော လက်တစ်စုံသည်လည်း လမ်းတဝက်မှာတင် ဒီအတိုင်းကျန်ခဲ့ရပြန်၏။ သူမကတော့ တစ်စုံတစ်ရာကိုစဥ်းစားနေဟန်ရှိကာ မေးစေ့လုံးလုံးလေးကိုလက်ဖြင့် ပွတ်လျက် မျက်လုံးလေးတွေကလည်း သူ့ထံသို့ စူးစူးစိုက်စိုက်။
""အာ! သတိရပြီ။ ကိုကို့မှာ ကောင်မလေးတွေအများကြီးဆို""
""မဟုတ်ပါဘူးကွာ...ကလေးကအဲ့ဒါတွေဘယ်ကကြားတာလဲ""
""ဟမ်! မဟုတ်ဘူးလား
သြော်..သြော်..ဘယ်ကမှမကြားပါဘူး
ကိုကိုကအရမ်းချောလို့လေ...ဒီအတိုင်းမှန်းကြည့်တာ...အဟဲ!!""
တကယ်လည်း ရှင်ရှင် ဘယ်ကမှမကြားခဲ့ပါ။အလျော်ပေးရမည့် အကြွေးရှင်ကြီးကို လူအကောင်လိုက် ပြန်တွေ့နေပြီး သူဟာ ရင်းနှီးခဲ့ဖူးသည့် ကိုကိုဖြစ်သည့်တိုင် ပြောစရာစကားက သိပ်ရှာမရသည်နှင့် ကိုယ်ထင်ရာကိုယ်လျှောက်ပြောရင်း ကြည့်ကောင်းအောင် ဖြီးဖြန်းနေရတာလေ။ ငါနော်! နေ့လည်ကအဲ့သူခိုးကို မမြင်သလိုပဲ နေခဲ့ရမှာ...ဟူးး။
""သမီး...အိမ်ရှေ့မှာဘယ်သူလာတာလဲ?""
""ဟင်! မေမေလာပြီ
ငါလည်း နှုတ်မပိတ်ရသေးဘူး...ဒုက္ခ""
ESTÁS LEYENDO
🍬ကိုကို့...ချစ်သည်းရှင်🍬(Completed)
Romance''ကိုကို တကယ်ပြောတာပါ ကလေးရယ်... မင်းနားလည်တာထက်၊ မင်းထင်နေတာထက် ကိုကိုကပိုချစ်ပေးနိုင်တယ်။ကိုကို့အချစ်မှာ စကားလုံးတွေထက်ပိုတဲ့ အဓိပ္ပာယ်အများကြီးရှိတယ်။ ဒီအချစ်ကြောင့် ကိုကို့ရဲ့ကောင်မလေး...မင်းကို တခြားသူတွေတောင် မနာလိုစေရမယ် ယုံလိုက်! ဒီလူသားကို...
