🍬ကိုကို့...ချစ်သည်းရှင်🍬(Completed)

Part 30

""ကိုကို ဟိုမှာ ဝိုင် ဝိုင်...ဆိုးလည်း ဝိုင်သောက်ချင်တယ် ယူပေး""

""မဖြစ်ဘူးလေ ကလေးရဲ့ ၊မသောက်ရဘူး""

""ဟင့်!ဘာလို့လဲ
သူများတွေအားလုံးသောက်နေတဲ့ဟာကို""

""သူများတွေကအရွယ်ရောက်နေပြီ
ကလေးက ငယ်ငယ်လေးပဲရှိသေးတယ်၊မသောက်ဖူးဘဲနဲ့ သောက်ရင်အရမ်းမူးသွားလိမ့်မယ်...Juiceပဲသောက်နော်၊ ကိုယ့်ကလေးလေးကလိမ္မာတယ် ပြောစကားနားထောင်""

ဒီနားရောက်တော့လည်းမကြားချင်တာပဲ ကြားရပြန်ပါသည်။လူကြားထဲလည်း တီတာချွဲနွဲ့နေတာများ မုန်းဖို့တောင်ကောင်းသည်။လင်းညကလည်း တော်တော်ကိုစိတ်ရှည်နိုင်လွန်းပါရဲ့။

အဟင်း!ဝိုင်သောက်ချင်တာလား? ဒါကပျော့ပါတယ်။

နှုတ်ခမ်းကိုမဲ့ကာပြုံးလိုက်ပြီး ခပ်လှမ်းလှမ်းသို့ပြန်လျှောက်လာခဲ့သည်။ထို့နောက် အနီးမှဖြတ်သွားသော Waiterလက်တွင်ကိုင်ထားသည့် ဗန်းထဲမှOrange Juiceတစ်ခွက်ကိုလှမ်းယူထားလိုက်၏။ခွက်ထဲရှိနေသည့် အအေးအနည်းငယ်ကိုကော်ဇောနီပေါ်သို့ မသိမသာလောင်းချလိုက်ပြီးကျန်ရှိသည့်အအေးအနည်းငယ်ထဲသို့ Alcohol Liquorအပြင်းစားကို ရောထည့်လိုက်သည်။လူအားလုံးက သူ့အာရုံနဲ့သူရှိနေ၍ ချစ်ကြိုးရဲ့လုပ်ရပ်ကိုဘယ်သူမှသတိမထားမိပေ။

သူက မူးကြည့်ချင်တာပဲမဟုတ်လား။မူးသွားအောင် ကူညီရမှာပေါ့။

အတွေးနှင့်အတူ ချစ်သည်းရှင်ရှိရာကိုလှမ်းကြည့်လိုက်တော့ စူပုပ်ပုပ်မျက်နှာဖြင့်ထိုင်နေလေရဲ့။လင်းညက အနားမှာစကားတွေတတွတ်တွတ်ချော့ပြောရင်းမှ အနားသို့လာနှုတ်ဆက်သည့် သူ့သူငယ်ချင်းထံစကားလှည့်ပြောနေ၏။ ဟုတ်ပြီ! ဒါကနှစ်ခါထပ်မရမယ့်အခွင့်အရေးပဲ။

""ညီမလေး မျက်နှာကစူပုပ်နေတာပဲ
ဘာတွေဖြစ်နေတာလဲ""

""ဘာမှဖြစ်ပါဘူး
ကိုကိုပေါ့ လူကိုကလေးလိုပဲသတ်မှတ်နေတာ
ဟိုဟာမလုပ်ရဘူး၊ဒီဟာမလုပ်ရဘူးနဲ့""

သူငယ်ချင်းကိုနှုတ်ဆက်နေရင်းမှ ဆိုးလေးအနားသို့ချစ်ကြိုးရောက်လာတာ လင်းညတွေ့ပါသည်။တစ်ချက်တော့လှမ်းကြည့်လိုက်သေးပေမယ့် အစ်မဖြစ်သူဆိုတော့လည်း စိတ်ချထားကာ စကားဆက်ပြောနေလိုက်မိ၏။