🍃 مشاعر_صامتة 🍃| ( مكتملة )

🌛بارت 8 🌜

🌺مشاعر صامتة🌺
           بقلمي✏️: خولة غزالي🌹
    

هو لي غير قطع معاه شد تيلي ديالها بانت ليه طوف ديالها شاف فيها لمدة تواني و نطق : برهوشة
بتاسم بإستهزاء و حط تيلي دار ليديه تحت من راسو و غمض عينيه كيفكر فهاد لحالة لي هو فيها خصوصا ملي سمع من عند شخص لي دوا معاه ان مو مقلقة من جيهتو و سماح علاش ما دكرهاش ليه فين غتكون و على دكر سماح تهز قلبو و جمع قبضة ديال ليدو اصلا لا كان فهاد لحالة راه بسبابها بسباب غدرها ليه و هضرة لي سمع كان مانحها كولشي ختو كيموت عليها و معاها يحيد منو و يعطيها واخا كان مقجر عليها خاصو يعرف طالعة و نازلة عليها و الى كان هادشي كيدل على شي حاجة الى و انه كيدل على خوفو عليها  مي غير جات فبالو راه تقدر تكون مشات لشي قنت جهل بلمعقول خاصو تا يحاسبها، بغا ينوض ينتر سيروم و ياله بغا يتحرك تفكر عجزو و زاد كرهها ،هز عينيه لحمرين فيهم ملي بانت ليه داخلة كضحك و معنقة أناس هبط عينيه بلا مبالاة و هو مزير على ليديه صافي حقد عدوه لي يشوفو فهاد لحالة و لا يشفق عليه هز راسو و ملامح لبرود فوجهو ملي سمعو نطق
أناس قرب ليه هو و ألاء وقف مقاد و نطق: احم على سلامة
ناصر نطق ببرود: الله اسلمك
سكت شوية و نطق: بغيت نخرج
أناس شاف فألاء لي عقدات غوباشتها و نطق : بصراحة هاد ساعة مايمكنش حيت
ناصر هز ليدو عدوه هاد كاسيطا لمعاودة: غدا انخرج وجد ليا لوراق
أناس شاف فألاء تنهد و نطق: صافي واخا مهم ما يكون عندك باس
شافو هز ليه راسو تلفت لعند ألاء باسها فحنكها و نطق: انا غادي عندي واحد لغراض تا ليل و نتاصل بيك صافي
ألاء حنيكاتها تزنگو راه كتحشم ملي كيتصرف معاها بحال هكا قدام ناس خصوصا ملي شافتو كيشوف فيها بنظرات إستهزاء مرضاتش نطقات و حنيكاتها مزنگين: اوكي بسلامة
خرج و خلاها هي حمرة و حمرات كتر ملي سمعاتو نطق بصوت خافت و بنبرة إستهزاء: امكن دخلت عليكم لبيت
زيرات على ليديها محملاتش راسها و محملاتوش شكون هو تا يقول عليها هكا ياله اتنطق تعاتبو مي تراجعات و نطقات بهدوء و نبرة حنينة ملي شافت ممرضة مدخلة ليه لماكلة
ألاء: خاصك تغدا باش ترجع صحتك
نطق بعدم إهتمام: مابغيتش
ألاء اتكون مسطية لا سمعات ليه ديك ساعة غمزات لاخرة لي كانت كتشوف فيه جلسات و حطات ليه داكشي و نطقات الأخت بإحترام
ألاء: لا بغيتي تبرى دغيا خاصك تاكل
ناصر مداهاش فيها تا كيحس بشي وحدة حطات ليديها على ليديه وبلعاني كتلمس فيه وها لي مابغيش
ممرضة: مسيو بلييز كول على قبلي (على قبلها🙂)
سلات هضرتها و عضات شفايفها تاهو بلا عجز شاف فألاء لي مشات تاخد تيلي بلا مبالاة و نطق بجدية
ناصر: الى بغيتيني ناكل خرجي هاد أخت من هنا و لا غنصدق ضربها
ألاء شافت فيه و شافت فممرضة بانت ليها حاطة ليديها عليه و مصدومة تنهدات و نطقات بنبرة جدية و هادئة : كوثر صافي اختي غير خرجي
كوتر ديك ساعة ناضت و مرضاتش خرجات، و ياله اتنطق ألاء بان ليها كياكل سكتات بغات تخرج سمعاتو نطق تلفتات ليه بان ليها ماكيشوفش فيها
ناصر: بغيت نبدل حوايجي
ألاء نطقات بتساؤل: و لكن
قاطعها بجدية: ياكما بغيتي نبقا فهاد لحوايج شهر
هي عاد فهماتو لاش كيلمح عرفاتو شام فراسو ريحة سبيطارات و ماباغيهاش حيت ماشي اول واحد توقع ليها معاه ،كتافات تحرك راسها بإيجاب و نطقات بصوت خفيف خلا نبرة ديالها توصل لودنو بشكل غريب
ألاء: واخا انا انسيفطهم ليك و لا خصاتك شي حاجة ضغط على لبوطونا لي حداك
تسناتو يجاوب ملي ما جاوبش تنهدات و خرجات كتبقشش فتيلي و قلبها بغا يتفرگع ندمات حيت عطاتو تيلي و تا شكرا ما خسرها عليها  ،هو لي غير ضارت هز راسو تبعها بعينيه تا خرجات و قلب عينيه بملل
 
وبهاكا داز نهارهم وصل ليل ديجا سيفطات ليه كوتر تعاونو يبدل ساعة هو غير شافها قال ليها مابقاش بغا يبدل و هنا راسو محامل يشوف حد و ماحمل تاحد يفكرو فوضعية ديالو و لي عجز ، بقا فلغرفة ساهي و غير كيفكر و يخطط، و هي لي نهار كلو دوز عند هدا سير عند هدا ما حاملاش تمشي عندو حيت كتحرك فيها شي حاجة لي هي ماباغاش كتحس براسها اتخرج على سيطرة وزيد عليها استفزازو ليها كيخليها باغا تقجو اللهم بلاش
حيدات طابلية صيبات شعرها هزات ساكها و تمات خارجة تا كترجع غادة قاصدة غرفتو و زاطمة على كلمتها لي حلفات ماتمشي لعندو وصلات دقات بأدب و هداوة و دخلات بان ليها حاط ليدو على عينو عند بالها ناعس تنهدات براحة

يتبع...✏️

مدلولة مشات لعندو واخا كيقمعها شي كلمة فحقها 🙂