🍃 مشاعر_صامتة 🍃| ( مكتملة )

🌛بارت 82🌜

🌺مشاعر صامتة🌺
                   بقلمي✏️: خولة غزالي🌹
           
🌞نهار جديد و أحدات جديدة 🌞

داز نهار على أبطالنا بصعوبة ،ألاء ليل كلو و هي كتقفز بقوة ألم ما نعسات ما شافتو ،كتنعس خمسة دقايق و كتفيق ساعة ،ألم كان واخد حقو منها و تا ناصر ما بخلش عليها ليل كلو فايق معاها و كيقرى قرآن كيحاول يخفف عليها اما قلبو واكلو عليها الى هي كانت كتآلم مرة هو راه كيتآلم الف مرة قلبو مقطع من جيهتها ندم على نهار لي طلب منها تجي تعطي أقوالها على جر*يمة لي شهدات عليها كون ماطلبهاش منها كون دبا راها بيخير و بصحتها و هو كيقلب على مجر*م و لمشاكيل بعادين عليها
متكية ألاء و حداها ناصر لي مافرقهاش الى فارقها راه غير لا هبط كمى و رجع طلع لعندها تا من ماكلة ما طاحت فكرشو
كان قدامهم جالس أناس لي شاد فليدو ملف و كيشوف فألاء ملامح جدية فوجههم باينة
حدو نطق اناس بجدية: متأكدة ا ألاء انه عندو انفصام شخصية
ميقات فيه و نطقات: مزال كتشك فقدراتي مهنية
بتاسم ليها اناس و نطق: لا غير حيت هاد تقرير ايغير بزاااف لحوايج فمن أفضل نتأكدو
بتاسمات ليه ألاء باطمأن و نطقات: عارفة ، و انا بالعكس مكرهتكش ا اناس تمشي مع ناصر و يدخلك تشوفو باش تكون متأكد و تايق فتقرير
اومأ ليها اناس بنفي: لا اختي نتي كافية و وافية و تيقتي كلها عندك و فيك
ميقات فيه و نطقات: خفتي تغلط و تخرج على مسارك مهني عقت بيك
هز فيها حاجبو و نطق كيقلي ليها سم: اوى اختي نتي بنت اخرتك دار راجلك سواءا خدمتي ولا لا اما انا لا جلست شكون اتقبل بواحد بطالي
نطقات ألاء بمزاح: اتقبل بيك حنان كون هاني
ياله اينطق اناس تا قاطعهم صوتو جدي، كان صابر ليهم بزز و هو كيشوفها كفاش كتدي و تجيب معاه فالهضرة : كنظن تابعاني خدمة
سرطات ألاء ريقها شافت فأناس و نطقات: صافي غير عطيه ملف دبا خاصنا غير محامي
نطق أناس بهدوء: كوني هانية من ديك ناحية ليوم گاع لا تعطل غادي يكون فليل
حركات ألاء راسها بايجاب عطا اناس لناصر ملف و خرج مخلي الاء كتشوف فناصر ببراءة فالمقابل هو لي كيشوف فيها ببرود حدو نطق بجدية: من أفضل ضحك بزاااف مع ياسر و إلياس و اناس بلاش
ألاء بدات كترمش بزربة و نطقات بتساؤل: مع اناس تاهو بلاش
ناصر كمش حواجبو و نطق: دويت
ميقات فيه و نطقات بصوت خافت: حلم
شدها من شفايفها جرهم ليها بشوية و نطق  ببرود: تا تقوي ضحك على والو و نشوفو ديك ساع حلم بشحال كتقام
سالا هضرتو و نطق بجدية: هاد ملف ما ناقصو والو ياكي
الاء اومأت ليه بايجاب و نطقات: اه هاد ملف كافي غتخليه عندك تايجي محامي و اتعطيه ليه و  جيبو لعندي نعاود ليه كولشي و نشرح ليه
ناصر هز فيها حاجبو و نطق : تهضري معاه؟!
شافت فيه ببراءة و نطقات: وا ناصر
قرب وجهو ليها و نطق بحب و بصوت خافت مبرشها: قلب ناصر دكتورة ناصر
عضات شفايفها بخجل و نطقات بصوت خافت محاولة تخبي شعور لي خالجها : تفقنا ياك
عينيه كانو كيشوفو فعينيها بحب نطق بخوف: باقي فيك لحريق
اومأت ليه بنفي و نطقات: لا والله مافيا غير لا تحركت كيعطيني صداع صافي
نطق بخوف باين فنبرتو مخلط مع جدييتو: دكتورة راكي عطيتي دق بزاف من لبارح ليوم خاصك ترتاحي
اومأت ليها و بتاسمات ليه بلمعة فعينيها و هي ملاحظة اهتمامو بيها: كون هاني
اومأ ليها حط ليدو على حنكها و نطق بهدوء: تصبري عليا تال ليل و نجي عندك حيت خاصني نفك هادشي
اومأت ليه الاء بايجاب و نطقات بحنان: بالعكس خدمتك هي لولة غير سير انا راه اتجي عندي أسماء و حنان خطيبت أناس غير رتاح
حط جبهتو على جبهتها و نطق بحال الى هاز جبل على كتفو: ماغادي نرتاح تانشوفك بيخير و على خير و مرتاحة

يتبع....✏️

ياختي على عميد و رومانسية🥺