🍃 مشاعر_صامتة 🍃| ( مكتملة )

🌛بارت 106🌜

🌺مشاعر صامتة🌺
                   بقلمي✏️: خولة غزالي🌹
           

✨فلاش بااك✨

قبل ب 3 سنين و بضبط نهار 8 فشهر 6 كان باقي صباح حل ليها شيفور لباب و هبطات بخطواتها رزينة شافت فريسطو و كمشات حواجبها من منظرو حمقها بزااف بتاسمات بانوتة و تمات غادة مخلية شيفور يسد باب لوطو و ركب يتسناها
دخلات و بدات تقلب بعينيها عليه تا لمحاتو جالس عاطيها بضهر بتاسمات ببراءة و تمات غادة لعندو بخطواتها مخلي اي واحد فلمحل ينتابه لوجودها وصلات موراه و عنقاتو باستو فحنكو و نطقات: هاني جيت
تلفت ليها و وقف شاف فيها بنظرات كلهم حب و نطق : تعطلتي
وقفات شاداه من ليديه و نطقات: سموحات راه كان زحام بزاااف
بتاسم ليها طلعها و نزلها ديك ساعة عقد غوباشتو و نطق: نجوى اش هاد لبس
طلعات و نزلات فراسها كانت لابسة كسوة حد ركابي و نطقات: ماقصيراش اياسر والله
عض على حنكو ياله اينطق تا عنقاتو و نطقات بدلع: صافي اخر مرة كون هاني
تنهد مبتاسم براحة عنقها و باسها فراسها بعد عليها شوية و نطق كيشوف فعينيها: نجوى نتي عارفة من نهار جيتي تخدمي مع ناصر و نتي حاكمة قلبي عارفة مزيان شحال كنبغيك و مانتخيلش حياتي بعيدة عليك و ليت كنشوف معاك حوايج خرين تخيلتك مرتي و ام ولادي وليت نخاف عليك كتر ما كنخاف على راسي غير لا مرضتي كتشعل فقلبي لعافية بلا مانهضرو على غيرتي صوتك هو لخر ماكنبغيش اسمعو شي حد اخور من غيري
سرطات نجوى ريقها و نطقات بتوتر: علاش هاد لهضرة دبا اياسر
حط ليدو على كتفها و نطق: واش كتبغيني
بتاسمات ليه و نطقات محركة راسها بايجاب: هادي مافيهاش شك بمرة
بتاسم ليها ونطق: عام أنجوى و حنا مع بعضياتنا خلاتني ناخد قرار مصيري
تحنى على ركبو مخليها موسعة عينيها و كتحرك راسها بنفي جبد خاتم من جيبو حلو و نطق بحب: نجوى واش تقبلي تزوجي بيا و تكملي معايا حياتك كلها
حطات ليديها على فمها و عينيها ضوراتهم فلمكان كيبانو ليها ناس كيصفقو و كيشجعوها تقبل دازو دموعها و حطات ليديها على كتفو و نطقات بصوت خافت : مامستعداش لزواج اياسر مامستعداش
شافتو وسع عينيه بصدمة وجهو حمار سرطات ريقها هزات لخاتم و ركباتو فليديها خلات ناس كيصفقو فرحانين خصوصا ملي شافوها تحنات و عنقاتو غافلين عليها هي لي خاشية راسها حدا ودنو مغمضة عينيها و مزيرة عليه نطقات بحزن و شهقات كيطلعو ليها: علاش اياسر زربتي علاش انا درت هكا غير باش مانحرجكش ماكانش عليك تزرب اياسر ماكانش عليك
ياسر بحال الى صرفقتيه بعد منها و شاف فيها بانت ليه كتشوف فيه بأسف خلاتو و خرجات فالمقابل هو هز ساروت و تيلي خلص و خرج كيجري بانت ليه ناوية تركب فلوطو وقفها شادها من ليديها مزير عليها و نطق بصدمة مزال لحد لآن ما تقبلهاش: نجوى اش هاد لفعايل واخا تشرحي ليا اش واقع
حيدات ليه ليدو بشوية و نطقات بهدوء و شهقاتها و دموعها مازگاوش: ياسر علاقتنا هنا سلات انا عمري فكرت نتزوج بيك فداكشي علاش كنتمنى هادشي يسالي
خلاتو وسط صدمتو و قلبو مدمر و حالتو حالة و هي ركبات و شيفور كسيرا مخلي دمعة نازلة من عينهم بجوج عام و هما مع بعضياتهم يضحكو بجوج يبكيو بجوج كان ناويها حلالو باش فلخر تخليه و تمشي بلا تا سبب و كون غير ما كانتش كتبين ليه حبها يقول ولكن هو كان عارفها تموت عليه و علاش دبا خلاتو تاحد ما عارف من غيرها هادشي خلاه داخل فصدمة و بزز باش وصل لدار ولكن ماكفاتوش هاد صدمة بوحدها داكشي علاش تزادتو صدمة خرى ملي رجع لدار شاف اخر منظر اقدر يتمنى يشوف و هو انتحار سارة هادشي كمل عليه و خلاه مابقاش باغي يعرف سبب علاش تصرفات هكا بحال الى مابقاش كيهمو
اما نجوى داك نهار هزات حوايجها و رجعات انجيلترا

✨اند باك ✨

مسحات دمعتها من خدها تنهدات بحزن حلات صاكها و جبدات واحد لبواطة حلاتها و بان فيها لخاتم لي كان عرض بيه عليها زواج هزاتو و لبساتو فصبعها طول هاد 3 سنين عمرها حيداتو من ليدها تال هاد يوماين خافت لايشوفو عندها اتكدب لا قالت ماتمناتش كون غير وافقات بصح ملي كان جالس على ركابيه كيطلب منها زواج اتكدب لا قالت طول هاد سنين صورتو ماكتزورش دماغها اتكدب لا قالت انها ما كتبغيهش و اتكدب لا قالت اتخليه ياخد راحتو
عضات شفايفها بحزن و نطقات بصوت خافت: ياسر لنجوى واخا يوقع لي يوقع
تنهدات و رجعات حطات راسها على زاج و دماغها سارح

يتبع...✏️

ملي هي كتبغيه علاش تخلات عليه🙄🤔 شنو توقعاتكم ازوينات 😊