🍃 مشاعر_صامتة 🍃| ( مكتملة )

🌛بارت 68🌜

🌺مشاعر صامتة🌺
                   بقلمي✏️: خولة غزالي🌹
            

ديك ساعة تحولات نظراتو لضعف و حنان و خيبت امل نطق بضعف: ماكنتش باغي نقتلهم و ربي شاهد و تانتي ماكنتش ناوي نأديك انا باغيك غير تبقاي جنبي ماعندي حد يبقى جنبي كولشي تخلى عليا كولشي داتو لموت تامن واليديا داهم ربي اه بصح ربي خلا ليا ياسر خويا و لكن هو داتو لخدمة مابقاش كيتسوق ليا خلاني معدب فديك مصحة كانو كيتعداو عليا (ماشي اغتصاب لا غير تعدي يعني بلعصا و غوات ) و هو ماعارفش ماكانش كيحس بيا
نطقات ألاء بنفس نبرة لحنينة كتحاول تقول ليه داكشي لي محتاج و لي ناقصو و باغي يسمعو: ششش بالعكس ياسر خوك و كيبغيك هو كان باغيك غير تشفى باش يشوفك بيخير و على خير ماشي تخلى عليك
شاف فيها لؤي بلمعة و نطق بخوف: ماغاديش تخليني تانتي ياكي اتحسبيني خوك و لا صديقك و لا حبيبك لي بغيتي غير متخلايش عليا
ألاء قلبها بدا كيضرب عينيها تغرغرو كتر كان كيدوي بحال شي دري عندو عشر سنين ماتعطيهش 34 عام بمرة حركات راسها بنفي و نطقات: عمري نخليك
بتاسم ليها لؤي ببراءة و بدا كيفك ليها فليديها و هي ساهية كانت متأكدة انه مريض نفسي و كانت حايرة فنظراتو لي كانت ما بين حنان و ضعف و بين كره و قوة و لكن تأكدات اش كاين فهاد لحظة كتاشفات انه عندو انفصام فشخصية و شخصيتو اصلية هي ضعيفة و لحنينة عارفاه عانا و بزاااف و هادشي لي خلا شخصية تانية تولد واخا ماعرفاش سبب و لكن حاولات تقويه خصوصا ملي دوا على مصحة ادن ديجا دايز من مصحة نفسية هادشي لي خلاها تهضر معاه بهاد طريقة ولكن واخا هكاك ملي قالت ليه منخليكش ماشي قالتها غير باش تسايرو لا العكس بقا فيها لواحد درجة رهيبة حسات بيه محتاج كيما هي محتاجا واليديها و خوتها تاهوا بحالها باغي غير شي حد فجنبو داكشي علاش واعدات راسها ماتخلاش عليه (هادشي الى مابغاتوش و سمحات ليكم فناصر🙂)
فك ليها ليديها و رجليها وقفات و جا حداها كيماسي ليها ليديها لي ولاو حمرين و اتار قنبة باين عليهم نطق بأسف: سمحي ليا والله
و ماجات فين تنطق تا تفرع لباب و ضارو بجوج كيبان ليهم هاز فردي منيشو ناحية لؤي و هو كينهج عينيه حمرين غضب باين فيه كان لفوق شافو كفاش ضربها و زير عليها ماقدرش يستحمل و يتسنى تايجيو هو فلول خاف لا توقع ليها شي حاجة لا تدٓخل ولكن غير شافو ضربها مافكرش جوج مرات خلاهم و ماشافهمش ملي بداو كيهضرو اما كون حكاية خرى ، رجع ناحية لباب ضارب معاه تا حلو بزز و دخل بان ليه غير دروج هبط ليهم بحدر و ظلام ما كايبان والو ،ساعدو غير فلاش تيلي غير هبط لتحت حيد لفلاش بحكم كانو ضواو شاعلين بدا كيقلب على باب غرفة لي جالسة فيها و هو واخد حذر ديالو و بين عينيه غير لقطة فين ضربها قلبو واكلو عليها الى مشا تا خوا فيه هاد لفردي ماتلوموهش حيت هو لي قاسها و سنا على موتو
وصل قدام احد لبيوت لي كان خارج ضو من لتحت على عكس غرف لاخرين عرفو هو لمقصود و بلا مايفكر جوج مرات حل باب مجهد شافهم بديك لوضعية عينيه ماكانوش كيبشرو بالخير و فرديه منيشو عليه لي غير شافتو الاء نطقات و عينيها كيبريو بدموع: ناصر
ناصر شاف فيها و غمض عينيه بحال الى كيطمأنها رجع شاف فلؤي و نطق بصوت بارد: جنيتي على راسك
ألاء عاد طلعات معاها قضية انه هاز عليه فردي اش كيعني هادشي انه ايقتلو اتكدب لا قالت فرحات بالعكس قلبها كلاها عليه علاش حيت كتشوف لؤي مريض مايستاهلش، ربي و قال ان مرضى لي ماحضرش عقلهم مرفوع عليهم قلم ادن خاص تالمجتمع يكون هكاك ياله اتنطق تا حسات بليديها لي كان شادها لؤي تزيرات حولات نظرها فيه و شافت بضبط فعينيه لولات عندها قدرة تفرز فيهم شكون لؤي شكون شخصية تانية و من خلال عينيه عرفاتو ماشي لؤي و فهمات ان شخصية كتحضر ملي لؤي كيحس بالخوف و لا ضعف
نطق لؤي لي كانو عينيه كيخرجو شرار بحال عينين ناصر: عميد ديالنا جا لزيارة ديالنا
ناصر ميل راسو و نطق ببرود قاتل ركب رعب فألاء: قستيها و ضربتيها جنيتي على راسك
بتاسم لؤي باستفزاز و نطق بتحدي : لا قدرتي خودها
كمل هضرتو و جبد موس من مورى ضهرو و ألاء بيناتهم كتشوف مرة فلؤي لي مزير ليها على ليديها و مرة كتشوف فناصر لي ملامح ديال برود خلعوها بزاااف ياله اتنطق تا سمعات اصوات كتيرة منهم صوت صفارة لبوليس كانو وصلو و نازلين من دروج ماكاملة تا 30 تانية كانو كلهم داخلين لغرفة محاوطينها مامخلين لؤي فين يتزنزن هاد اخير لي شاف نيشان فعينين ياسر لي كانو عينيه كيشعو بخيبة امل لي تعرضها من خوه عرف راسو خصر تقة ديالو و لكن هادشي ماهاموش دبا حيت ماشي لؤي لحنين هو، لا هاد شخصية اخر حاجة تهمو هي حنان

يتبع...✏️

تخيلو يموت شي حد فيهم🙂