وقف مول طاكسي قدام لمركز خلصاتو تا شكراتو عاد نزلات شافت فلمركز كيبانو ليها ناس داخلين وخارجين قلبها ضرب بجهد ياله طلعات معاها راه اتشوفو قبل ماكانتش مستوعبها للحظة طلبات انه ميكونش تنهدات و تمات غادة ناحية لباب كانت حادرة راسها تا ضربات مع شي حد شدات فراسها وتأوهات هزات عويناتها بشوية كيبان ليها تاهوا كيحك صدرو و مصغر عويناتو فيها نطق بادب: سمحي ليا مشفتكش بتاسمات ليه بهدوء و هي مزال كتحك جبهتها : هانية كتوقع ياله اتحرك تاسمعاتو نطق: ممكن ليا نعاونك شافت فعينيه لخضرين و نطقات بابتسامة: خدام نت هنا بتاسم ليها تاهوا مد ليدو ونطق: انا ياسر ضابط فلمركز بتاسمات ليه ببراءة وصافحاتو نطقات بهدوء وصوت حنين: انا ألاء دكتورة تلفتو بجوج ملي سمعو صوت نطق بالغوات: دكتورة؟؟ شكون لي مريض وقف قدامهم كينهج حيت كان كيجري و نطق وهو كيشوف فيها بعويناتو خضرين: دكتورة وفمركز كانو عويناتهم بتلاتة خضرين واخا كل واحد و لونهم و شكلهم واخا خضرين كانو مختالفين ، بداو شي كيشوف فشي و بجوج كانو عينيهم على ألاء كيتسناوها تنطق تاهي معطلاتهمش رجعات شعرها مورى ودنها بتوتر لي راكبها من نظراتهم و نطقات بهدوء: بصراحة قال ليا موسيو ناصر لبارح نجي نعطي اقوال ديالي نطق إلياس بتساؤل: عميد؟؟ ياسر كمش عويناتو ونطق بهدوء: اقوال سرطات ريقها بخوف قربات ليهم و نطقات بتوتر: انا شفت اش وقع لجريمة ديال لبارح وسعو عينيهم و نطقو دقة وحدة: نتي هي لي مشينا عندها لبارح بدات كترمش بزربة و حطات ليديها على صدرها: انا واحد شدها من ليد و لاخر من ليد داروها فلوسط وتمو جارينها نطق الياس : ماكينش دبا شاف ناصر و لكن اتسنايه فلمكتب تايجي سرطات ريقها و نطقات بتوتر شدوها شدة ديال مجرمين : مايمكنش نقضيو غراض زعما قبل مايجي شاف إلياس فياسر و نطق: واش ممكن ياسر حرك راسو بنفي ونطق: مستحيل بلا متفكر فيها سكتات و هما جارينها تا وصلو لبيرو ديالو دخلو جلسوها فوق كورسي و جلسو هما قدامها قرابين ليها و كيرمشو فعينيه جابو ليها توتر نطقات بتساؤل : مالكم نطق ياسر: قولي اش وقع تماك رجعات خصلة من شعرها مورى ودنيها و نطقات ببراءة: ياك قلتو تا يجي ياله اينطق ياسر تاقاطعو الياس بغوات تقريبا گاع لي فلمركز سمعوه: مالكي دبا نتي على هاد زييين كامل منكونوش اصدقاء زعماكين بدات كترمش فعينيها بزربة دعقوها تانطق ياسر بعد ما تنهد: براءة اخويا براءة عضات شفايفها و نطقات و هي مزنگة: احم راه قاطعها الياس برجاء : قبلي ارحمبوك بتاسمات ليه بحشمة ونطقات: واخا ديك ساعة الياس خدا ليديها صفحها مع ليديه و نطق بغباء: انا الياس ادكتورة تحل لباب و مغتجي عينيه غير على ليديها لي شادة فليد إلياس طلع عينيه بشوية كيشوف مسافة قليلة ليبيناتهم بتلاتة بلع ريقو تاتفاحة ادم طلعات و نزلات طلع عينيه فيها جاو فعينيها نيشان كيشوف فيها كانو كلهم شافو فيه ملي تحل لباب بعدات عينيها منو بزرية توترات ووقفات دغيا ملي شافت دوك جوج وقفو عينيها كيشوفو فيه بتوتر تمنات كون قضات شغلها بلا ماتشوفو نطق إلياس بهدوء: شاف هادي دكتورة جات تقدم أقوال ديالها بقاو كيشوفو فيه ساكت مانطقش كان لابس قميجة فلكحل و سروال تاهوا كحل محسن راسو تحسينة عادية هز ليديه لي فيها ساعة و خشاها فجيبو و بقا غير كيشوف عينيه عليها كيشوفو فعينيها نيشان بكل برود و ملامح ديالو ممحية ياله اينطق ياسر تا كان مقاطعو بصوت هادئ: خرجو
يتبع ...✏️
قال ليهم خرجو البنات🤤 ياله البنات بونوي ♥️وتعاليق راه ماكنشوفهم تال صباح داكشي علاش ماكنجوبكمش غير كنلوح لي بارت و كنخرج من واتباد ♥️
شوفو ليكم ضحيكة🥺👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
