🍃 مشاعر_صامتة 🍃| ( مكتملة )

🌛بارت 101🌜

🌺مشاعر صامتة🌺
                   بقلمي✏️: خولة غزالي🌹
            

🌞أصبحنا و أصبح الملك لله🌞

كانت ألاء جالسة و مقابل معاها ناصر كيوكل فيها ماخلات ما دارت ليه باش تاكل راسها و لكن والو ماتفاك معاها تا بدا يوكلها حيت بالنسبة ليه خاصها راحة و هو مايرتاح تا يوقف على راحتها
سرطات ألاء ماكلة و نطقات بهدوء: شبعت الله اخلف
ناصر شاف فلبلاطو لي شاد بان ليه باقي عامر كمش حواجبو و نطق بجدية: تاتكملي بعدا صوpة
دلات شفايفها و نطقات: و عافاك راه هادشي باسل
قرب ليها و مصمص ليها شفايفها بعد منها و بدا كيتمدق شاف فيها مصطنع براءة و نطق: و لكن جاتني بنينة
بدات كترمش بزربة باش تفهم اش دار تا بان ليها بتاسم ليها و حط لبلاطو فوق لكوافوزة و رجع جلس فبلاصتو سمعو دقان و تلفتو ناحية لباب بعد ما نطق ناصر بهدوء: دخل
تم داخل أناس بابتسامة سد لباب و تقدم لعندهم و نطق: سلام و عليكم
نطقو مجاوبينو: و عليكم سلام
نطق اناس و هو تيشوف فألاء: على سلامتك جاك العفو
بتاسمات ليه بفرحة و نطقات: بصح واش انخرج
اومأ ليها و هو محافض على ابتسامتو : اه خاص غير طبيبة تأكد من صحتك و غاتعطيك شي ادوية من بعد امكن ليك تخرجي
تنهدات براحة : و أخيرا
كمش حواجبو و نطق بتحدير: و لكن خاصك راحة ماتجهديش على راسك و تقل ممنوع
اومأت بايجاب و نطقات: حاضر استاد
ضحك و نطق : ملي تبغي دوز لعندك طبيبة انجي معاها باش نخرجك
كمش حواجبو و نص عينو كتشوف فناصر لي كيشوف فتيلي و ودنيه معاهم: اتمشي معايا لدار ،لواليدة بغاتك تجلسي معانا
شافها بغات تنطق و قاطعها: و هادشي مافيهش رفض
هز ناصر راسو من تيلي ببطئ و نطق: نعام اخويا
حط تيلي فوق كوافوزة و وقف شاف فأناس لي نطق باستغراب: مالك
شاف فيه ناصر ببرود و نطق: فين غاتمشي قلتي
نطق اناس بعد ما سرط ريقو: لدار عندي
تقدم لعندو ناصر تا ولا قريب ليه نطق و هو كارز على سنانو: اناس شري روحك
زير على ليدو و كمل كلامو: ألاء ما هي ختك ماهيا بنتك ما هيا مك بأشمن حق ديها لدار عندك
نطق أناس بنفي : ماتفهمش غلاط راه كاينة لواليدة و لواليد فدار و زيد عليها الاء حاسبها ختي
نطق ناصر كارز على سنانو و صوتو بدا يعلا: ولو يكون معاك ماعرت شكون و زيد عليها قلتيها بفمك حاسبها ماشي راها ختك
عض حنكو من لداخل و نطق بجدية: ألاء لا كانت اتمشي مع شي حد فراه اتمشي معايا انا
نطق اناس تاهوا عاقد غوباشتو: ألاء ماهي بنتك ماهي ختك ما هيا مرتك بأشمن حق ديها نت
و هاهوا رجعها ليك حيت بصح نيت عصبو هنا ناصر عينيه حمارو و عروق جبهتو برزو نطق بصوت بارد: قريب تولي مرتي
نطق أناس و هو هاز حاجبو بجدية: قرييب تولي ماشي راها ولات مرتك
هنا ناصر ولاو ودنيه كيسوطو حيت بصح عندو لحق لأي كلمة قالها و ياله ايتقدم لعند اناس يدير فيه شي عاهة تا وقف ملي سمعها نطقات بخوف: اناس ناصر اش ديرو نعلو شيطان موضوع مايستاهلش 
اناس شاف فيها عاقدهم و نطق: شوفيه هو بعدا اما انا راكي شفتي ما عنيت والو
ألاء شافت حالة ناصر لي تلفت عندها نطقات باش تدارك موقف: صافي تا دبا ماوقع والو انا راه عندي داري تماك فين انمشي يعني ماكاين لاش هاد لحالة راه غير غادي نبرزطكم و ما كاين لاش تخافو عليا انا بيخير و جيو نتوما زروني گاع مانقوليكومش لا
ختمات كلامها بابتسامة باش تهدن أوضاع نطق اناس لي فاهمها اش باغا دير و نطق: انا نويتك اتكوني مرتاحة و لكن هو مالو معايا ما حملنيش
هنا ناصر شاف فيه ببرود و نطق مزير على ليديه: بعد من ألاء و مايبقاش عندي معاك مشكيل
اناس كمش حواجبو و نطق: ولكن راها ختي اناصر لاش هاد حالة
نطق ناصر بجدية كيحس براسو كيتعصب من هاد موضوع: ماختكش ااناس نكونو واقعيين ،اه شوفها و هضر معاها و لكن لي عليك من جيهتها حدود فهمتي
تنهد اناس ايكون حمق لا بقا كيتلاج معاه راه لحيط افهم و هو مايفهمش
نطقات ألاء ناوية تبدل موضوع حيت بانت ليها بدات تشعل: اناس دويتي مع لؤي
اناس شاف فيها و امأ ليها بايجاب و نطق: اه
نطقات بتساؤل: كيف جاتك حالتو
تنهد و نطق: بصح مريض و الى بقا على هاد لحال يقدر يوصل لشي مواصل خايبين
تنهدات الاء بحزن فحين ناصر نطق بتساؤل: هادشي قلتيه لمحامية
اوما ليه اناس و نطق: و قالت ليا انها اتمشي تشوف دكتور على قبل شهادة
اومأ ليه ناصر و نطقات ألاء بحزن: ان شاء الله يدوز كولشي بيخير و كنتمنى مايتظلمش
نطق اناس بابتسامة: كوني هانية كولشي ايكون مزيان نتي دبا غير ديها فصحتك
بتاسمات ليه و نطقات بحنان: كون هاني
بتاسم ليها و نطق: ياله نخليكم انا تاتجي طبيبة و نجي
اومأت ليه و خرج مخليها كتشوف فناصر لي كيشوف فيها ببرود خلاها تسرط ريقها و نطقات: ناصر عارفاك ماعجبكش وضع ولكن راه اناس خويا ملي حليت عليه عيني و انا معتابراه خويا فداكشي لاش كيتصرف معايا هكا
نطق بجدية: هادي فهمناها و لؤي لاش يبقا فيك ااا لاش
كمشات حواجبها باستغراب و نطقات : راه حيت مسكين مريض
عض حنكو و نطق بصوت شوية عالي : ماتقوليش عليه مسكين ا الاء ماتدويش عليه
مافهماتش علاش دار حالة كلها و هي عارفاه ما كايدير لحاجة تا كيكون سبب من موراها و هنا عرفات انه سامع شي حاجة من لؤي ماعجباتوش داكشي علاش نطقات بصوت هادئ : واخا احبيبي ماغاديش ندوي عليه غير بلا ماتعصب

يتبع....✏️

وأخيرا قالت ليه حبيبي 🙂