🍃 مشاعر_صامتة 🍃| ( مكتملة )

🌛بارت 77🌜

🌺مشاعر صامتة🌺
                   بقلمي✏️: خولة غزالي🌹
        

سرطات ريقها حشمها المسخوط قدامهم حاولات تنوض تقاد فالجلسة عيات بنعاس تا وقفها ناصر عقدهم ديك ساعة : اش كتحاولي تديري
بتاسمات ليه و نطقات بصوت خافت: عاوني نجلس
كمش ملامح ديالو و نطق بتساؤل: اتوعتك لا
اومأت ليه بنفي و نطقات : لا بالعكس ألقا راحتي
اومأ ليه و نوضها بشوية تا تكات صيب ليها لمخدة من مورى ظهرها عاد جلس اما ألاء شافت فياسر بتوتر و نطقات: احم هادشي لي غانقول بغيتكم تفهموه مزيان احم بصراحة لؤي ماشي غير مريض نفساني بالعكس خوك عندو انفصام فشخصية
كولشي تصدم و لكن ماتكونش بحال صدمة ياسر لي نطق بصوت خافت و متقطع: ا ا انفصام
تنهدات و نطقات بهدوء: اه اياسر خوك تولدات فيه شخصية خرى ملي دخل لمصحة 100٪ ايكونو كانو كيعدبوه و كيما قلت ليك خوك شخصيتو هادئة و ماشي قوية داكشي لي خلا شخصية لاخرى تكَون لي هي على عكس شخصية لؤي هدي شخصية شريرة و حقودة و قوية باغا تنتاقم لأي حاجة مقدرش عليها لؤي فمتلا انا ملي كنت معاه بعد اخد و رد فالعطاء حضر معايا لؤي طيب حنين المكسور كان كيبان انه محتاج لشخص لي يساعدو و يكون فجنبو و بصراحة حس بيك تانت بعدتي من غير نظراتو لي كانو حزن و توتر و برائة على عكس ملي دخلتي اناصر
شافت فناصر زيرات ليه على ليديه و كملات كلامها و هي ملاحظة ملامح ديالو لباردة: ملي دخلتي و هددتيه حس بضعف و هنا فين تحول و جات شخصيتو شريرة اي بانت شخصية لاخرى لي شر و غضب باين من عينيه و ماكيعول على تاحد فنظرو انه هو كولشي و لي ضلمو اتعاقب فهمتوني اش كنحاول نشرح ليكم
نزلات دمعة وحيدة على خد ياسر كان منظر ديالو كيقطع فالقلب كيحس براسو هو المسؤول على حالة خوه كون ماغفلش عليه كتر بسباب الخدمة كون دبا كيتحاور معاه و خرجو من حالتو نفسية ماشي خلاه يضيع كتر حدو نطق بصوت خافت : انا سبابو
وصل صوتو لمسامع ديال ألاء خلاتها بلا ماتحس تشد ليه فليدو و تنطق بكل تقة: ماتقولش هكاك بالعكس حاولتي و لكن انك غفلتي ما كتعنيش انك سباب فهادشي لا بالعكس كولشي بالمكتاب
حسات بليديها تزيرات عليها شاف فليديها لي شادها منها ناصر طلعات عينيها فيه بان ليها سيد عينيه تابتين غير فليديها لي شادين فياسر ملاميحو كانو باردين مكايبان عليهم والو ولكن شرارة غضب باينة فعينيه كيحس بصدرو كيتزير عليه ، شحال كان صبر ملي عيطو ليها بسميتها و شحال صبر ملي شفايفها نطقو بسمية راجل من غيرو و شحال صبر و هي كدافع على شخص كانت معاه و بوحدهم و من فوق مريض ماشي نوغمال فدماغو و لكن باش يصبر عليها و هي شادة فليد اخرى من غير ليدو هادي مايتسناوهاش منو

يتبع...✏️

شحال ما بقا ناصر ايقت*ل ليكم دكتورتكم 🤦