🍃 مشاعر_صامتة 🍃| ( مكتملة )

🌛بارت 81🌜

🌺مشاعر صامتة🌺
                   بقلمي✏️: خولة غزالي🌹
   

تلفت لعند الاء لي نطقات بصوتها لعيان : ماديرش فبالك ماشي شي صدااع
جلس حداها فكورسي حطو ليدو على شعرها لي كان مجموع كيمسح عليه و نطق بتساؤل و خوف: واش نعيط ليهم يعطيوك مهدئ
غمضات عينيها و حلاتها كنوع من اطمأنان و نطقات: لا من أفضل مايعطيوني والو حيت بنج مزاال شاد شوية و خاص دات تخوى منو
حط ليدو على حنكها و نطق بحنان: واش عاطياك صداع بزااف
بتاسمات ليه كتحاول تطمأنو واخا هي مضرورة و عاطياها صداااع بزاااف ولكن شافت خوف فعينيه و كفاية نهار كيف داز عليه مابغاتش تزيدو همها حدها نطقات بصوت كتحاول تجهدو باش تطمأنو: لا ماشي شي حاجة بلا ماتشطن والله
تنهد عارفها كتكدب باينة من ملامحها لي منكامشين و مرة مرة كتزير على ليديه لي شادة فليديها بلا ماتحس حيت الم كان شوية قاصح عليها و لكن كان ياله بداية ،اما واحد ممرضة دارت بناقص من شي فتحة تشوفها بانت ليها سيدة ماشي بيخير و تاهوا ما ناويش يتزعزع من حداها خلاتهم و خرجات فالمقابل ناصر لي حيد ليدو من حنكها و حطها فكتفها حدا ضربة و نطق بحب: غمضي عينيك حاولي تنعسي باش دغيا يدوز الم
اومأت ليه براسها و عينيها مغرغرين بقوة الم لي بدا كيجهاد شافت فيه بشوفة كتقطع لقلب و نطقات: ماغاديش تمشي ياكا
تحنى طبع قبلة على حنكها و نطق بحب و شفايفو مزال على حنكها لي سخون: واخا تبغي ادكتورة ماغنمشيش
بعد من حنكها و شاف فيها بحب و نطق: انبقا معاك كوني هانية انعسي
بتاسمات ليه و غمضات عينيها تا نزلات دمعة وحيدة خلات قلبو يتقطع طراف طراف، ليديه مكتفين ماعارفش اش ايدير هادشي ماشي ديال لعبد هادشي ديال خالق لي متحكم فيه
مسح ليها دمعتها و رجع حط ليدو فوق فتحة نيشان و لكن ماموركش حاطها غير من لفوق ،بداو شفايفو كيتحركو كيتمتم بعض أيات قرآنية تساعدها باش تخفف عليها الم ،و عينيه مركزين فملامحها نيشان ناوي يشبع من شوفتها واخا عارف مستحيل اشبع منها حيت حب لي كيحسو من جيهتها كبييير لدرجة خلا زوبعة تكَون فلداخل ديالو و تكسر صمت مشاعر ديالو ،كان من لول واقف فطريق مشاعيرو مع اول نضرة قلبو خرج من سيطرتو و لكن بقا صامد و متحكم فمشاعيرو بزز منو ماباغيش اغلط و يعاود يتيق و هو ناسي ان ربي كيدير غير لي فيها لخير ماعارفش ان كون ألاء ما مكتاباش ليه يطير و لا ينزل عمرها تكتاب و لكن لعكس كانت فكل ليلة و قبل ما تنعس تحط راسها على لمخدة و تطلب من ربي يكتبو ليها و هي قلبها مقطع و معدبة غافلة على عدابو هو لي باغيها و مامعتارفش لي عشقها و مامتيقش غاير عليها و فنفس لوقت حالف ما يتدخل فيها و هادشي كان قاتلو مخليه عايش فعداب نفسي كتر من عدابها و لكن حاجة لي خلاتو يستسلم هي صمود مشاعيرو واخا بعدات عليه ،كان فكل ركعة كيطلب لا كان فيها شر تبعد عليه و لكن ربي كان فكل دقيقة حبو ليها فقلبو كيكبر و كيخلي مشاعر ديالو تمرد عليه و تخرج من صمتها و تقول على حالها و حال مولاها ان فبير حبها غرق ماكاينش أمل كيفاش يطلع ، ألاء حسبها وحدة منو و فيه حاسبها بنتو و حبيبتو و ان شاء الله ما يتهنى تا تولي مرتو من غيرها حالف مادخل لدارو و من غيرو حالف ما يديها حد ياهو يا لموت و هادي كلمة من راجل حر عاطيها لنفسو

يتبع....✏️

ياله البنات نتلقاو غدا 💋😍بديت كنتزعط ليكم فناصر🤦 قصة على ابواب نهاية و نتوما تفاعل زيرو فيقو و كثرو من تعاليق و ضغطو على نجمة باش طلع لبنات