🍃 مشاعر_صامتة 🍃| ( مكتملة )

🌛بارت 111🌜

🌺مشاعر صامتة🌺
                   بقلمي✏️: خولة غزالي🌹
       

هبط عينيه من عليها خلاها بغات تبكي دازت ليها دمعة و تقدمات لعندو شدات ليه فليديه و نطقات بحب: ناصر و الله ماقصدت انا غير بغيت ندوي معاه
هز عينو فيها و نطق بصوت بارد : تا دبا رجعي دوي معاه
زيرات عليه و نطقات: واا اناصر
سالات كلمتها و دازت ليها دمعة عض شفايفو و زير على ليديه و نطق: دموعك ادكتورة كيوقفو معاك
تنهد و عنقها من جنب ناطق: قسما بربي و بقيت شفتك غادة لعندو و مخلياني انا ،غادي تشوفي لي مايعجبكش ا ألاء
بتاسمات بحب و نطقات: مانعاودش
باس ليها جبهتها و نطق: مانقدرش نصبر نشوف شي حد كيشوف ليك فعينيك و هو مرتاح راني كنتحرق ادكتورة
بتاسمات على هضرتو و عرفاتو مغيار و اش اتحاول دير غير تاقة شرو حيت تاهيا مجربة نار لغيرة
تقدمات نجوى لعندهم علماهم باش يدخلو حيت غاتبدا محاكمة دخلو كلهم لقاو قاعة عامرة بعائلات ضحايا بلا ماندويو على شحال من محامي كان من صف ضحايا كانو ربعة ،ابطال دياولنا كل واحد شد بلاصتو تا من نجوى لي لقات محامي كيتسناها لي كان من لول على تواصل معاها و كان هو معاد(عقلتو عليه هو محامي ديال ناصر)
بقاو كيدويو مع بعضياتهم تا قاطعهم صوت لي علم ان قاضي داخل و تماك بدات محاكمة لي كانت متوترة خصوصا ان محامي لي كيدوي على ضحايا بصيفة عامة كان مجهد و عارف منين يشدهم و لكن نجوى كانت عارفة اش دير و حافضة قوالبها خلاتو فلول عطا ما عندو و هي غير كتراوغ باش ماشي ملي تكشف على وراقيها يصدموها بشي حاجة لي ماكانتش فبالها ،كانت هضرة محامي غير كفاش قتلهم و كفاش مارحمهمش و دليل على انو هو لي قتل من غير اعترفات ديالو ملي مابقاو ما يقولو استأنف محامي كلامو بجملة "و أطلب من سيادتكم الموقرة ان تحكمو عليه باقصى العقوبات"
و هنا بدات خدمة نجوى و أول حاجة بدات بيها هي سبب لي خلاه يقتل و دكرات كولشي على سارة بشهادة ياسر من بعد طلبات منو تستدعي شاهد و لي كان طبيب هضر على حالتو نفسية ديالو كيف كانت و مع دليل و اي إعتراض كيتلقاه قاضي من محامي ضحية كيرفضو حيت ماكاينش لاش يقبلو
من بعد هضرات على خطف لي تلقات ليه ألاء و هنا ستدعاوها كا شاهدة و طلبو من قاضي يخرج لؤي لأسباب ايعرفوها من بعد و داكشي ليكان و هنا ألاء هضرات ليه على حالتو و كفاش لاحضات و هادشي كان كافي يخليها تعطيهم دليل اي تقرير على حالتو و خدات أناس كشاهد على تقرير من بعد عطاتو تقرير تشريح لي كيبين انه قاتل بليد ليسر و لكن هو كيستعمل ليمنية فحايتو لعادية و باش تبين ليه كتر طلبات منو تبين ليه دليل على انو مريض و كفاش كتصرف كل شخصية على حدى و عطاها لحق تبين دليلها هنا هي طلبات منو يدخل لؤي و كيف دخل شافت فيه مزيان و قدرات تميز إنا شخضية حاضرة معاهم و طبعا كانت شخصية لؤي تماك و لحيلة لي دارت هي عطاتو ستيلو على أساس إسني فشي ورقة و هنا بان ليها سنا بليمن عطات لقاضي زعما لورقة و طلبات منو ادن باش تاخد راحتها فالهضرة و سمح ليها و هنا هي ستفزاتو لدرجة رهيبة خلاتو كيفتاخر براسو قاتل طلبات منو يسني على أقوالو و هنا كانت ردة فعلو ملي سنى بليد ليسر شافت فلقاضي و نطقات بكل تقة
نجوى: كولشي واضح اسعادة قاضي موكل ديالي ماشي شخص لي طبيعي 100٪ عقلو ماشي سليم يعني مانواش ارتاكب جميع دوك جرائم و لي كانو بطريقة بشعة عقلو ماشي تابت ،الله عز و جل و كيعدر شخص لي ماشي طبيعي ماكايتحاسبش على أعمالو داكشي لاش كنطلب من سيادتكم تاخد أدلة و صحة متهم بعين إعتبار و تحكم بالعدل
سلات هضرتها و اتسآدنات و جلسات خلاتهم نساحبو باش ياخدو قرار حول متهم نجوى جالسة و كطلب من ربي يخرج كولشي على خير على عكس عائلة ضحايا و محاميين ديالهم كان باين فوجههم الغضب و اليأس بعد مدة دخل القاضي و رفقائو جلسو و نطق مخلي قلوبهم كيضرب
القاضي: بعد إعادة النظر في الأدلة و شهادة لي تدلات فالمحاكمة كنعلنو على صحة تقارير لي كتبين ان المتهم لديه انفصام في شخصية و بهادشي حكمة المحكمة على المتهم بقضاء سنتين في المصحة النفسية على الأقل و عدم إطلاق سراحو حتى تتأكد سلطات من شفاؤو 100 ٪ و لو يحتاج ل10 سنوات للشفاء
سالا هضرتو و ضرب بالمطرقة مخليهم كاين لي مصدوم و كاين لي فرحان و كاين لي باكي ماراضيش بالقرار 

يتبع...✏️

اوى هانتوما رتاحيتو هاهوا ايتعالج ♥️💋