🍃 مشاعر_صامتة 🍃| ( مكتملة )

🌛بارت 17 🌜

🌺مشاعر صامتة🌺
               بقلمي✏️: خولة غزالي🌹
   

ماجوبهاش و بقا كيشوف فيها بجدية ديك ساعة حيداتها بشوية تاهو معطلهاش و تلاح على شفايفها اصلا كان مشهيهم من شحال هدا و زادت كملات عليه بطريقتها لبريئة باش خباتهم عاد ما جعراتو بلمزيان جاب ليه الله بحال شي حاجة بعيدة ميقدرش ياخدها ولكن دبا حاجة خرى و هو كيتحسس نعومة ديال شفايفها فوسط فمو تجنن عليها بلمزيان ختمها ليها بعضة و بعد،هي بقات مخرجة عينيها غفلها ياك قال ليها ماغندير والو اويلي راه قالتها بوحدها سرطات ريقها و بعدات عينيها من عينيه ملي نطق
ناصر ببرود: امكن ليك تنوضي
ديك ساعة ناضت كتزرب ضرباتها ليه بتخنزيرة كون كانت قرطاسة كون قتلاتو و مع حنيكاتها حمرين جابت ليه اضحك ،خرجات كتجري هو حط راسو فلأرض و تنهد و كيلعن راسو حيت ستسلم لشهوة لقلب ديالو و هادشي لي دار بالنسبة ليه غلط ، دغيا تحيدات ليه لفكرة من بالو ملي شافها كطل عليه بحال شي فارة و عينيها موسعاهم بصدمة ديك ساعة ،جات كتجري تال حداه و وقفات ، بدات كتسولو بلهفة
ألاء: كيف درتي تا وصلتي لهنا واش وقفتي ااا شوف فين محطوط لكورسي
تا هو خرج عينيه بصدمة كيشوف فلكورسي و فيها يااه لهاد درجة ماحسش براسو تا كان وقف و دغيا خرج من أفكارو ملي شافها كتنقز بحال شي سراق زيت و هي كتغوت بفرحة و كضحك
ألاء: وااااع و وقفتي و الله تا وقفتي بلا مانعاونك ياس ياس اترجع كيف كنتي واااع مامصدقاش
هو بقا ساهي فيها راه هاد المخلوقة قدرات تنسيه فشي حاجة سميتها الحب الأول لي كان فاشل و هادشي حاس بيه مامسلكوش بالمرة حيت عارف ايطيح فمشاكيل كتيرة، خرج عوتاني من أفكارو ملي سمع صونيط و شافها تاهي وقفات و ديك ساعة مشات كتجري حلات لباب غير بان ليها عينيها تغرغرو ديك ساعة غوتات و تلاحت عليه عنقاتو و ضورات ليديها على عنقو و رجليها على خصرو و بدات كتبوسو فوجهو و هي ناسية لأنظار لي كون كان قادر إتمشى كون قتلها و قتلو، مع كان لباب مقاد مع لبلاصة فين كاين ادن كان كيشوف كولشي
ألاء بحب و حنان بحال الى كانت مهاجرة: اناااس توحشتك حشومة عليك 6 شهور مقدرتيش تجي تشوفني ولا شنو ياكا ياكا هادي غير كتقول ليا انا حبيبتك
أناس مات بضحك تحرك بيها شوية و نطق: وا لهبيلة و تي هبطي تا تهنيت من مك هاد شهورة وخرجتي ليا دبا
ألاء عضاتو من كتفو بفقصة: و شد ليك تا هادي ياله
أناس هبطها و بدا كيبعد فتيشورط ديالو : اناري على مجنونة تانتي راني اضاحك معاك
ألاء دلات شفايفها بطفولة و نطقات: بعد مني
أناس بدا كيقرب ليها و هو مبتاسم: اجي غير نشرح ليك
و ياله اتنطق ألاء تا كتقفز ملي سمعات صوت تهراس تلفتو كلهم مخرجين عينيهم
كان ناصر لي ماستحملش هاد منظر قدامو علاش الله و اعلم مهم متبقاش تدي معاه و تجيب فلهضرة كانو عينيه حمرين بزز باش قدر يوقف و تم غادي لجيهة لكورسي مي بغفلة منو حط ليديه على طبلة و ضرب واحد لكاس تا تشخشخ مشات عندو الاء كتجري
ألاء بعتاب: واش صافا اويلي لاش واقف
هو بلا مايشعر نتر ليديه بجهد تا رجعات جوج خطوات لور نطق بصوت بارد: ماشغلكش
جا اناس شد فناصر و زير عليه بحال الى كيعاتبو حيت دفعها و تا ناصر ما كانش ساهل توسد عليه و شد فيه بقبضة ليديه و زير تا خرجو عروقو كانت بيناتهم حرب صامتة و غير قبضات ليديهم لي كتعبر على كل غضب داخل لواحد مي غضب ناصر فايت بزاااف
اناس عاونو تا جلس فوق لفطوي و بعد وقف قاد حوايجو حنحن و نطق بجدية : موسيو ناصر على سلامة بان ليا راك غادي فتحسن
نطق ناصر ببرود: هانت كتشوف الحمد الله
نطقات ألاء و هي معلقة فيد اناس: جبتي ليا داكشي لي قلت ليك
نطق اناس و هو عقدهم: اربي لاش هاد حالة خلي شعرك هكاك عمري فحياتي شفت شي وحدة باغا تجعكك شعرها
نطقات ألاء بعد ما ميقات فيه: جبتيه و لا لا
أناس جر ليها حناكها و نطق: على انا نقول ليك لا راه كولشي حدا لباب
على هي شكراتو راه مشات تجري لباب خلات ربعة لعيون كيشوفو فيها كل واحد و كفاش نظرة ديالو مي نظرة الغضب باينة فعيون ناصر كيشوف فحوايجها و ياله رد ليهم لبال صدرها بقا ليه شوية و يطل عليهم كيحس براسو شاعل و غادي احرق خضر و ليابس و مشكيل مامتقبلش لغضب ديالو حيت ماشي هو لي يدير حالة على شي وحدة ما كتهموش
داز نهار و كل واحد كيف داز عندو ألاء لي نسات ناصر واش كاين عايشة غير مع اناس لي بصح حسات راسها توحشاتو راه خوها مافيهاش شك هدا سبب اول و سبب تاني انها هي باغا تنسى ناصر بغات تعطيه خو لعبو خصوصا بدا كيطلع معاها صح و عارفة انها اخرتها فراق ملي يوقف على رجليه و هو فالمقابل غير مقابل هاد مسرحية و باغي يطرطق مادواش و الى سولوه كيجاوب على قد سؤال لا غير
تنهدات بتعب بعد ما كملات ماعن كان اناس مشا بحالو ،مسحات ليديها و تمات خارجة من لبيت بان ليها جالس بملامح ديال لبرود تمشات لعندو و نطقات بملامح محمية
ألاء: واش نديك تنعس

يتبع...✏️

باسها المسخوط🤦فنظاركم واش ألاء عندها مستقبل مع ناصر ولا اخرتها مع أناس🙂