🍃 مشاعر_صامتة 🍃| ( مكتملة )

🌛بارت 92🌜

🌺مشاعر صامتة🌺
                   بقلمي✏️: خولة غزالي🌹
  

تلفتات لناصر لنطق و عينيها على ليدو لي مزال كتلعب بستيلو: سارة ماتت نهار 8 فشهر ستة هاد نهار هو فاش نتحرات و هداك هو نهار لي دخل فيه لؤي لصدمة لي خلاتو يدخل لمصحة لمدة عماين على أساس انه يتعالج و لكن من خلال أساليب غالطة و طريقة غير صحيحة خلاه هادشي يمرض كتر و تنوالد شخصية جديدة وسط من جسمو و يخطط و يقرر وسط مصحة باش ينتاقم و أول خطة باش يتنتاقم هي يخرج من مصحة
اومأ ليه ياسر مكمل كلامو: داكشي لاش مثل و خلا طبيب و فريق طبيب و تا انا معاهم نتوهمو و نتيقو انه برى و خرج من نفسيتو مضمرة
اومأ ليه ناصر ناطق بكل هدوء و بشوية عليه: داكشي علاش ملي خرج بقا كيتصرف عادي تا وصل وقت تنفيد لخطة و اول حاجة دار هي جمع معلومات كافية على ضحايا لدرجة انه عارفهم فين كيمشيو و معامن كيمشيو يعني مافلت تا نقطة عليهم ، و اول ضحية قتلها نهار 8 فشهر 6 اي نهار لي خسر فيه كولشي
جبد تصويرة ضحية لولة كانت مصورة بطريقة لي ماتت بيها ، حطها ليهم و كمل بكل هدوء تقول كيهضر غير على شي حاجة عادية حيت هاد أجواء ولفهوم داكشي علاش قلبو جامد
ناصر: كيخلي قضية مرونة من موراه و كيتخبى تا تهدى اوضاع و يعاود يقتل و لكن ماشي فنفس شهر لا هاد موراها قتل تاني ضحية نهار 8 فشهر 7
جبد تصويىة تانية و حطها: و كيف عادة و مع مدة لي هي شهر و فتاريخ 8 فشهر 8 قتل ضحية تالتة
جبد تصوية ديالها و حطها و عاود جبد تصويرة ديال ضحية رابعة و نطق: و فشهر 9 و فنفس نهار قتل ضحية رابعة
جبد تصويرة خرى و نطق: و هادي ضحية خامسة لي قتلها نهار 8 فشهر 10
جبد تلاتة تصاور شدهم فليدو و نطق :و كيما عادة و بنفس طريقة لي كيقتل بيها و ليها تمان طعنات و نفس نهار لي هو 8 و فشهر 11 قتل ضحية سادسة
حط ليهم طوف ديالها هز راسو فيهم و نطق: و لكن لي ماشي طبيعي انه ماصبرش شهر باش يقتل لا دازت فقط 15 يوم و بضبط فنهار 23 قتل ضحية سابعة
جبد تصويرتها و حطها حدا تصاور لاخرين مكمل كلامو :و ملي دازت 15 ليوم اخرى قتل ضحية اخيرة و لي هي ضحية 8 و بضبط نهار 8 فشهر 12
كمش إلياس حواجبو و نطق: علاش بضبط قتل جوج ضحيات فشهر واحد شنو سبب
نطقات نجوى بتساؤل: واش على قبل يكمل لعام و هو قاتلهم كلهم
اومأ ليهم ياسر بنفي شاف فناصر و نطق: امكن عرفت سبب
ناصر شاف فيه بانو ليه شوفاتو فشل بحال تردد او خوف حدو نطق ببرود: الى كانت شي حاجة كتعلق بألاء كنظن اتعجل ما تأجل لخوك
تنهد ياسر بقلة حيرة و نطق: ضحية سابعة قتلها بعض ما شاف ألاء و تعرضتي لديك حادتة لي خلات ألاء تمشي معاك لڤيلا فكنظن انه زربها على هادشي
ناصر عض شفايفو و بتاسم واحد ابتسامة خلات ياسر يعض شفايفو بندم: شنو علاقتها بهادشي
ياسر نطق مطمأنو: لؤي ما فنيتو والو ألاء فقط كتجيه بحال سارة حس بشعور أخوة تجاهها امكن داكشي لي خلا شخصية لؤي تطمأن و تحس بحنان و تولي قوية شوية و هادشي زرع الخوف فشخصية تانية ،خايف شي نهار يصبح مختافي داكشي لاش بغا يكمل خطتو قبل ما يختفي او ينكاشف و كان كيحاول يخلص من اخر دليل و لي هو ألاء امكن هدا هو سبب رئيسي
ناصر عينو عليه ما تزعزعات مزير على ليدو بطريقة خلات ياسر يبلع ريقو ماشي بخوف لا حيت واخا هكاك ماشي غير جي و خوفي ياسر و لكن هو متوتر نادم حيت نطق و فضح لي كاين
نطق ناصر بكل برود و كلمة ديال حس بلحنان بقات كتردد فودنيه: نلقا خوك قريب لألاء يشهد على روحو
أناس وسع عينو بصدمة ملي شافو كيشوف فيه جاب ليه الله بحال الى سميتو لؤي و لهضرة عليه ، زادو توسعو كتر ملي سمعو نطق: لهضرة عليك تانت
ناصر قال كلامو موجهو لأناس مخليه مصدوم بغا ينطق و يقول ليه حلم و لكن اينوض غير صداع قال مع راسو خليه يحلم و ألاء هي علامن ما نبعدش
كمشات نجوى حواجبها مركزة شوفتها فنلصر كتشوف فيه كيفاش كيدوي على ألاء بديك طريقة شكات فيه و لكن فضلات ماتسولوش حيت ايقمعها و هي حافضاه حدها نطقات بهدوء: خاصنا ضروري شي حاجة تبين انه مريض ماشي بأدلة لا تكون كتبان يعني فالواقع يقدرو يشوفوها
نطق ناصر بكل برود: الى لاحظتي ضحايا كلهم مقتولين بواحد طريقة خلات تشريح طبي يأكد على ان ضحايا كلهم تقتلو بليد ليسر

يتبع....✏️

مالكي اختي على دوك شوفات شوفي فمك اما ناصر مزوج🙂