🍃 مشاعر_صامتة 🍃| ( مكتملة )

🌛بارت 36 🌜

🌺مشاعر صامتة🌺
                   بقلمي✏️: خولة غزالي🌹
      

عض على شفايفو و مسح على شعرو و نطق بغضب: اش درتي اش علاش قربتي ليها نت لي عطيتيها لفرصة تمد ليديها عليك على اخر يماتك ولات بنت تصرفقك
خرج لسانو كيلحس شفايفو نطق بهدوء: واخا بنينة خاصك تبعد عليها بقا بعيد
حط صبعو على شفايفو كيدوزهم بهدوء و دماغو خدام قلبو كيضرب بجهد كيحس براسو منجادب ليها كون حطوها نهار كلو قدامو مايقولش لا يبقا غير يشوف اما ملي كتكون كتدوي و تعبر هاديك حالة خاصة كون يلقاها تبقا غير تعبر و تدوي بصوتها هادئ غمض عينيه و هو خارج من تفكيرو نطق بغموض: خاص هادشي يحبس هنا

عند ألاء لي دخلات لبيتها و تلاحت فوق ناموسية كتبكي نطقات بعتاب: هو حتاقرني ، ألاء عمرو يبغيك فهمي راسك دخلي هادشي لدماغك كتباني ليه غير عاهرة صافي
بتعامل لي تصرف معاها جاب ليها الله بحال شي بنت زنقة كون قال ليها كنبغيك مغاديش تمانع بالعكس هي حسات بشعور غريب عجبها و لكن دبا امور لا بالنسبة ليها شخص معاطيها تا اهمية ليوما يبوسها غدا يعنقها بعدو ينعس معاها ماحملاتش راسها بمرة هزات صبعها حطاتو على شفايفها بتاسمات ببراءة و دغيا جمعاتها و صرفقات راسها بشوية
ألاء: ومكتحشميش عجبك لحال
كملات بكاها تا داها نعاس و نعسات بهدوء

🌞أصبحنا و أصبح الملك لله 🌞
فاقت على ليدين حنان كتحس بيهم فراسها خلات قلبها يضرب عمرها فاقت على لمسات شي حد من غير ملي كتكون فدار اناس فراه ماماه قايمة بالواجب ،حلات عينيها بشوية شافت فالخدامة لي كانت وراتها لغرفة كتشوف فيها و مبتاسمة بأدبش نطقات بصوت هادئ: لالة نوضي لفطور واجد
حكات عينيها بشوية عاد جلسات فوق ناموسية شافت فالخدامة و نطقات: سميتي ألاء و نتي
بتاسمات ليها لخدامة و نطقات ببراءة: متشرفين انا سميتي أسماء
كانت بنت بريئة و باينة فيها صغيرة عينيها قهويين شعرها شهب مطلوق من مورى ظهرها لابسة حوايج خدمات بتاسمات ليها ألاء و نطقات: شحال فعمرك ا أسماء
نطقات أسماء بشقاوة: 19 مابايناش فيا ياكي هه
ضحكات ألاء و نطقات: جيتي معاها نيشان حيت كتبان فيك باقا صغيرة
سكتات و كملات كلامها: مكتقرايش
لحظات عبوس ملامح ديالها و هي كتحرك راسها بنفي ديك ساعة نطقات بتساؤل: وعلاش
بتاسمات ليها أسماء بحزن و نطقات: حيت خاصني نخدم باش نوفر ما ناكل
وقفات ألاء قدامها فالمقابل أسماء تحنات كتجمع فناموسية تا وقفاتها ألاء ناطقة بتساؤل: علاش ؟! فين واليديك
هبطات دمعة من عينين أسماء و نطقات بحزن: بابا ميت ملي كنت صغيرة و ماما ماتت تاهيا و خلاتي انا ماعندي لا خوت لا والو عمامي كانو ناكرينا و تا خوالي هكاك فاضطريت نقلب على خدمة و والو تال نهار لي لقيت فيه خدمة فهاد دار واخا لالة فاطمة عيات معايا مسكينة نكمل قرايتي ولكن انا مابغيتش حيت مصارفها كتيرة و شحال قدها تبقا تخلص عليا
تقدمات ألاء لعندها معنقاها بحنان و نطقات: الله ارحمهم و يوسع عليهم تانا بحال يتيمة غير اختلاف لي بيناتنا هو انا ماعارفة تا واليديا شكون
أسماء بادلاتها لعناق بعدو من بعضياتهم و نطقات ألاء بحب و هي كتمسح دموعها: مانوليوش صحابات زعما حيت ماعندي تا صحبتي انا
ضحكات أسماء و نطقات: اهاه نوليو صحبات علاش لا ههه
بتاسمو لبعضياتهم مسحات أسماء عينيها و شافت فألاء لي نطقات بتساؤل: شكون فاطمة قلتي كبيلة فاطمة
بتاسمات ليها أسماء ببراءة و نطقات: هي مولات دار مامات موسيو ناصر راه ماكايناش دبا مشات لعند ختها اما تشوفيها ضريفة بزاااف
شافت يمين و شمال قربات لعند ألاء و نطقات بشوية: ماعرفت علامن توحمات تا ولدات داك بارد لقلب ماماه عكسو تماما
ضحكات ألاء تا تسمعات ضحكتها فلبيت و نطقات بهدوء: تانتي جاك بارد لقلب
حكات أسماء راسها بغباء و نطقات: هيهي وراه اختي نكدب عليك. ولكن واخا هكاك لقلب لكبير
ياله اتنطق الاء تا تلفتو ناحية لباب ملي سمعو دقان كان محلول و واقفة قدامو خدامة خرى لي نطقات بأدب: لالة قال ليك موسيو ناصر فطور واجد
حركات راسها ألاء و نطقات بهدوء: انبدل حوايجي و نجي
ستأدنات منها خدامة و مشات فالمقابل أسماء لي شهقات و نطقات: ويلي نسيت بقيت كنهضر و نسيت مقلتها ليك
بتاسمات ليها ألاء و نطقات: عادي كتوقع مهم نخليك دبا ندخل ندوش بلا منتعطل
أومأت ليها أسماء و نطقات بتردد: واخا نولي نعيط ليك ختي ألاء لا معندكش مانيع
عنكشات ليها شعرها و تطقات بحنان: و غادي نكون فرحانة بلعكس
استأدنات منها و دخلات لدوش خلاتها هي كتجمع فناموسية
,

يتبع...✏️

اي شخصية جديدة بنات كتقولو عليها خت الاء ياكما تاهادي ختها و انا مافخباريش 🙂🤦