🍃 مشاعر_صامتة 🍃| ( مكتملة )

🌛بارت 22 🌜

🌺مشاعر صامتة🌺
                   بقلمي✏️: خولة غزالي🌹
         

حركات بؤبؤ ديال عينيها بلا متحلهم راسها عاطيها لحريق و حلقها نااشف بدات كتحل عويناتها بشوية و ترجع تسدهم قلبها بدا كيضرب ملي تفكرات اش واقع عودات حلاتهم بزربة و عويناتها خضرين جاو نيشان فعينيه لكحلين توسع بؤبؤ ديال عينيها كتر و قلبها رتافعو دقاتو كتر من لول كتشوفو جالس فوق لكورسي مقابل معاها داير رجل فوق رجل و ليديه مسرحها على كورسي مراقبها ،سرطات ريقها و عضات شفايفها كاتمة مشاعر ديالها مباغاش ضعاف قدامو و بزااف اسئلة فدماغها اولهم اش كيدير هنا؟ و علاش جا؟ فين كان هاد وقت كلو؟ دماغها خدام فتفكير و فالمقابل عينيها كيشوفو فعينيه مانطقات بتاكلمة حالفة و ربي كبير و تاهو مبخلش عينيه عليها و على ملامح طفولية ديالها باغي يبقا غير مراقبها بلا تا حاجز
سمعو لباب تحل و تاحد ما بعد عينيه من لاخور بحال الى كانو فحرب نظرات و مشاعر و بغاو يشوفو شكون لي ربح تلفتات عند ممرضة ملي سمعاتها نطقات
ممرضة: دكتورة على سلامتك
بتاسمات ليها بهدوء و ناضت بقات جالسة فبلاصتها نطقات بتبات: الله اسلمك
نطقات ممرضة و هي كتحيد ليها سيروم: ماعندك مناش تخافي كان غير ارهاق لي تسبب ليك فإغماء
بتاسمات ليها ألاء و نطقات: كنشكرك
ممرضة بتاسمات و نساحبات ،ألاء شافت فيه بان ليها عينيه عليها و هادشي لي وترها كتر رجعات شعرها مورى ودنيها بأنامل ديالها نطقات ببرود : موسيو ناصر بغيتي شي حاجة
مجوبهاش مكتافي غير بنظراتو بقا مدة وهو ساكت تا جمع لوقفة بهدوء و تقدم لعندها بخطوات تقال و تابتين وقف قدامها و نطق بهدوء و صوت باح اتر لعياء لي كيحس بيه: شفتي لقاتل ادكتورة
قدر يلمح بؤبؤ ديال عينيها لي وساع و خوف البادي على ملامح ديالها عرفها تفكرات لي واقع ،عضات شفايفها بخوف قلبها بغا يسكت و ليديها كيترعد شافت جنبها بان ليها كاس لما هزاتو كترعد و بدات كتشرب تا سالاتو و حطات لكاس هزات عويناتها مغرغرين فيه و نطقات و هي كتحرك راسها بنفي: لا كان مغطي كلو
بقا محافض على ملامح ديالو كيشوف فيها و ملاحظ خوف ديالها قلبو ضرب واحد جوج ضربات عالين ملي جا فبالو انها كانت فنفس لبلاصة و كان ممكن تكون تاهيا دبا ضحية عض على شفايفو كاتم تفكيرو و نطق بهدوء ملي طاح فبالو فكرة: عينيه؟؟ تاهما
سول هاد سؤال حيت اي مجرم كيما كان نوعو ايغطي راسو كلو و لكن عينيه مستحيل
كمشات عويناتها و ميلات راسها نطقات و هي مخرجة عينيها بحال الى تفكرات: خضرين
شافت فعنيه نيشان و نطقات بزربة : اه كانو عينيه خضرين
شاف فيها بتساؤل: خضرين؟؟
سهات و بدات كتفكر فنظرة ديالو: لونهم خضر و كانو صاافيين و فيهم خطوط اغلبية بلون لحمر من غير شفار لي كانو كتاار كانت فعينيه نظرة تردد و حقد فنفس لوقت
سرط ريقو محملهاش فهاد لحظة علاش سهات و هي كتوصفو، غير عينيه و شوف اش دار فيها عض على شفايفو و نطق بكل برود و بنبرتو هادئة معتادة :هادشي لي شفتي ادكتورة
شافت فيه بعويناتها لخضرين مركزة عنيها مع عينيه و اومأت ليه
تقدم ناحية لباب و نطق قبل ميخرج: غدا لا كان عندك لوقت دوزي لمركز تعطي اقوال باش نشدو لمجرررم
عن قصد ضغط على كلمة مجرم بحال الى باغي يفكرها ولكن هي فين مزكا ليه و لا تصوقات ليه هي بالها غير فمجريم و خاصو يتشد لا علاقة لتفكيرها بداكشي لي ضان هو
شافت فيه كاتمة غصة فحلقها و نطقات : ان شاء الله
خرج و خلاها هي تنهدات و حطات راسها على كادر ناموسية، باش يكون حداها و قريب ليها و تكتم دقات قلبها باش مايسمعوش فراه هادشي بالنسبة ليها جهد كبير و كبير بزااااف كانت على اقل منتاظرة منو يسول على احوالها ولكن توقعاتها خابت و هي عارفاه شحال بارد و قاسي و هادشي لي خلاها طيح فيه و باغا تدوب داك جليد لي فقلبو الى كان هو حالف يخلي مشاعر ديالو سجينة و مكتومة فراه هي حالفة تخرج دوك مشاعر من صمت ديالهم و تخليهم يهيجو عليها و ربي كبير
فاقت من سهوة ديالها ملي سمعات لباب تحل شافت جيهتو بان ليها محلول شوية و كيطل بحال فار غير لمحها حالة عينيها مشا يجري لعندها تلاح عليها عنقها تا تخنقات و نطقات بصوت مقجوج: اربي ما بعد راك غتقتلني
بعد عليها و بدات كتكحب شد ليها وجهها بين ليديه ونطق: خلعيتيني عليك علاش مكتاكليش ا ألاء
شافت فيه بحزن كان واضح عليه الخوف نطقات بصوت حنين: منعودش ا اناس صافي
بتاسم ليها شوية تا جمعها و نطق بجدية: اش وقع و كيفاش تالقيتي لبنت
ألاء دمعو عينيها و نطقات بخوف و هي كتعاود ليه بتفصيل سالات و بدات كتمسح عينيها من دموع : مقدرتش نعتقها مقدرتش
اناس عنقها و نطق بحنان: مكانش عندك كيفاش تصرفني، كون تدخلتي اتموتي تانتي راه ربي بغاها تموت شهيدة بلا متعدبي راسك
نطقات و هي كترجف : كانت اكفس ساعة دوزت حسيت براسي فلجحيم و اي لحظة انتلاح فالعافية تخيلت راسي فبلاصتها اأناس تخيلت مقدار الألم لي كانت كتحس بيه فديك لحظة

يتبع...✏️

قلبني البنات عند بالي ايخليها سخفانة و مايشوفها ساعة عميد ديالنا تسناها تا فاقت 🤤🙂