🍃 مشاعر_صامتة 🍃| ( مكتملة )

🌛بارت 80🌜

🌺مشاعر صامتة🌺
                   بقلمي✏️: خولة غزالي🌹
        

اما عند ناصر شاف فيها طلعها مزيان و هبطها، ببرود سد ،طو كليكا على كونطاك و تم غادي متجهلها هي فالمقابل وقفات قدامو و نطقات بصوت انتوي هادئ بصوتها تقدر طيح اي واحد : ناصر عافاك غير تسنى ندوي معاك
ولكن بطبيعة لحال ناصر ماشي اي واحد، نطق بملامح ممحية: كتعرفيني
هي عينيها تغرغرو و نطقات بصوت خافت: عافاك ماديرش ليا هكا انا سلوى حبيبتك بنت لي كنتي كتعشقها مايمكنش تنساها
بتاسم ناصر باستهزاء و نطق: هانتي نطقتيها جاوبتي راسك براسك ،كنت كنعشقها ماشي كنعشقها
قربات ليه كتر و نطقات بصوت انتوي و دمعتها نزلات  تجري: مايمكنش تنساني و ياله دازت 3 سنين ماشي كتر ،حب ماكيتبخرش فهاد لمدة قليلة
قاطع محادتهم صوت طفل صغير كيجري : ما ما
تلفت ناصر مكمش حواجبو ملي شافها كتشوف موراه بصدمة، بان ليه ولد صغير تكون فعمرو 3 سنوات شاد فبنت كتشبه لسلوى لي كانت ختها صغيرة سكت ناوي يأكد شكوكو تا وقفو عليهم و تلاح دري لعند سلوى تاهيا ديك ساعة هزاتو معنقاه و عينيها مكوانسين فناصر هو لي غير سمع دري عاود ندى عليها بماما بتاسم باستهزاء و نطق: كنظن 3 سنين كافية تخليك تولدي ولد
شافها اتنطق و هو يقاطعها بكل جدية: اه بصح حب ما كيتنساش دغيا و لكن لا ماكانش حب فراه كيتنسى دغيا
سلا هضرتو و تم غادي تا شدات فدراعو كتشوف فيه برجاء و نطقات: عافاك اناصر ماديرش هكا راني كنبغيك و الله اصلا انا دبا مطلقة يعني مابقيتش مزوجة
تنتر منها ناصر و نطق باستغراب: و لا كنتي مطلقة شنو معمول انا الأخت لي عارف اني ماكنبغيكش و تانتي هكاك و علاقتنا داز عليها مدة طويلة ماكاينش لاش نجبدو ضواسا لقدام
نطقات سلوى برجاء كتحاول تستعطفو بحكم انها عارفاه حنين و دغيا كيلين قلبو : عافاك اناصر انا و الله تا كنبغيك ما تخيلش لعداب لي داز عليا اه بصح تخليت عليك على قبل لفلوس و تزوجت من غير جنسيتي و لكن كان كداب ربي خدا ليك حقك مني طلعت انا مرأة رابعة جيت ضرة على عيالاتو عيشوني عداب ملي بغيت نرجع لمغرب حيدو ليا وراقية بزز باش قدرت نلقا جمعية عاوناتني و هرباتني و الله انا نادمة عرفت بحقك و ندمت لاش خسرتك و الله عافاك شوف من حالي و خلي قلبك يحن فيا و نرجعو كيف كنا عافاك اناصر
ناصر شاف فيها بكل برود هضرتها ما حركات فيه والو بعكس عرف ان ربي كبير و گاع ديك صدمة لي تلقاها منها بينها ربي فيها حدو نطق ببرود ماتعوداتوش عليه: راجل مزوج و عندو لحلال فدارو ماكيرجعش يقلب على لحرام
برودة طلعات معاها مامصدقاش شرشرمها حناكها تزنگو نطقات بصدمة: تزوجتي
على هو جاوبها لا خاصو لعصا لا دار فيها راسو و جاوبها حدو حل بزطامو و جبد منو جوج زرقلاف و تم متقدم لعندها شاف فدري لي كان شهب ما كيشبه ليها فوالو عويناتو عسليين كيشوفو فيه ببرائة هبط راسو تا باسو فجبهتو مد ليه دوك لفلوس و تا لاخور شدهم و بتاسم ليه ببراءة
عينين ناصر كانت عليه بتاسم ليه تاهو و نطق بهدوء: الله اصلح
لاح كلمتو و تم راجع داخل لكنينيك لعند محبوبتو و قلبو كيحس بيه عادي ما كيضرب بزربة ما مخنوق بالعكس بارد بحال الى تلقا مع انسانة عادية مخليها هي كتشوف فيه و دموعها شلال ندمانة لواحد درجة كبيرة من غير انه لباس عليه و عندو فلوس و انه زوين و عندو كريزما و انها تعدبات و هو كان حنين معاها، حاجة لي معدباها كتر انها كتحس براسها كتبغيه و مقدرات تنساه و هادشي معدبها كتر حرقة ناصر عمرها تنسى ليها حيت بليدها ضيعاتو

حل باب لغرفة و دخل دور عينيه فلغرفة مابانتش ليه كمش حواجبو و قلبو تزادو دقاتو راه طول ما هي فهاد لحالة مغاديش ارتاح تاتبرى ،دار ناوي يخرج تا كيسمع صوت لباب موراه تحل تلفت بانت ليه واقفة محنية و مهبطة راسها شادة فممرضة خارجة من حمام كانت كتمشى بشوية عليها و ملامح دياولها مكمشين ديك ساعة بلا ما يفكر مشا لعندها بزربة شاف فلممرضة و حرك عينيه بمعنى غير خليني نتكلف و تاهيا داكشي لي دارت بعدات و خلاتو هو شادها شاف فمحبوبتو لي هزات راسها شافت فيه بعد ما شمات ريحتو نطقات بصوت خااافت كتر من لول: ناصر جيتي
كمش حواجبو شد فيها مزيان ونطق : مالكي
بتاسمات ليه ابتسامة باهتة و نطقات: والو علاش
ناصر مانطقش تحنى تا هزها بشوية و تم غادي بيها تاهيا بلعكس مامنعاتوش اصلا كانت فيها دوخة و عيات جاتها من جنة و ناس ،حطها فوق ناموسية منعسها شاف نيشان فممرضة لي كانت باقا كانت ناوية تشوف ليها لفتحة واش مزيانة مع جات مع دخلاتها لطواليط
نطق ناصر بجدية: مالها واش كاين شي مشكيل كتبان ليا ماشي تال لهيه
حركات ممرضة راسها بنفي و نطقات: لا ماشي شي حاجة غير مع تقيات لبنج عيات و جهد تقاضى و مع بدا كيطير منها لبنج فتحة بدات كتعطيها صداع هادشي لي كاين
ناصر ضرب فيها واحد تخنزيرة مانقوليكمش واش هادشي كلو و كتقول ليه هادشي لي كاين عدرها حيت ماعرفاكش انك كتخاف عليها من نسمة لهوا

يتبع...✏️

كنحس بناصر شوية و يقتلها 🤦