🍃 مشاعر_صامتة 🍃| ( مكتملة )

🌛بارت 113🌜

🌺مشاعر صامتة🌺
                   بقلمي✏️: خولة غزالي🌹
  

اومأت ليها و نطقات موجهة هضرتها لحنان: أناس جا من زنقة
اومأت ليها حنان بايجاب: اه راه جا و جالس معاهم هو و خالتي نرمين و عمي احمد
نطقات نجوى: كيتسناو غير فلعدول
سرطات ألاء ريقها و نطقات: واش ماشي بحال زربنا
بتاسمات نجوى: الاء اتي نعلي شيطان
ألاء حكات شعرها و نطقات: اوووف راه شداني خلعة
تقدمات لعندها نجوى و نطقات و هي معنقاها بجنب: ماكاينش لاش تخافي راه شي حاجة عادية اتخرجي تسني على لعقد و تجي
و مزال ياله كملاتها كيتحل لباب داخلة نرمين بابتسامة: ياله البنات لعدول جا
وقفات ألاء تالفة ماعارفة ما دير تنهدات و تمات خارجة هي و لبنات بخطوات بطيئة وراسها فالأرض ماهزاهش بقوة الحشمة و هما حداها كيصليو على النبي تا دخلو لصالون مناسبة كانت فدار ألاء هاد أخيرة لي دخلات ماقادراش تهز راسها تا سمعات صوت فاطمة ناطق: تبارك الله مشاء الله اجي ابنتي جلسي حدايا
هزات عويناتها فيها بتاسمات ليها بحشمة ضورات عينيها فصالون و بان ليها جالس بقميجة بيضة و سروال تجين كحل حاط مخدة فوق فخاضو و مكالي ليديه لي كيلعب بيها بلحيتو عينيه متبتين فيها شوفة كيطلعها و يهبطها نضراتو خلاوها تحدر عينيها ديك ساعة حنيكاتها مزنگين مشات جلسات حدا فاطمة لي هاد أخيرة ماخلات ما قالت ليها مجاملاها مرت ولدها و محمقاها
شافت فنرمين و نطقات: اوى اختي نرمين عارفاني علاش جايين حنا طالبين راغبين فيد بنت لولدي ناصر و كوني هانية معاه مايخصها خير و الى قلقها انا لولة يلقاني فطريقو من نهار شفتها و انا حاسباها بنتي
بتاسمات ليها نرمين و نطقات: مرحبا بيكم نتوما ناس لخير و لا كانو مكتابين لبعضياتهم الله اكمل عليهم
نطق لعدول بابتسامة : اوى ملي كولشي متافق هي نكتبو كتابهم لا بغا الله
بداو كتاب لعقد جلسوهم حدا بعضياتهم سناو عليه بارك ليهم لعدول و خرج منساحب مخليهم بيناتهم
جبدات فاطمة لخواتم و نطقات: هاكي ابنتي اسماء صايبي هادو و جيبهم يلبسوهم
بتاسمات ليها نجوى خدات من عندها لخواتم رمات عينيها لياسر لقاتو كيشوف فيها بنضرات هادئة خلات حنيكاتها يتزنكو و نساحبات تصيب لخواتم فصينيبة و زادت معاهم تمر و لحليب و تمات جايباهم عطاتهم لهم
نطقات نرمين بابتسامة: هز اولدي ركب ليها لخاتم
اومأ ليها هز خاتم و هي فالمقابل مدات ليديها كيترعدو شدهم ليها بشوية و لبسها خاتم شاف فيها و هو هايم زير ليها على ليديها ملي حس بيها بغات تجرها
نطق بصوت خافت: هزي عينيك
بدات كترمش فالمقابل هو نطق بنفس نبرة: الى ماهزيتيهمش ماغاديش نطلق
ديك ساعة هزات عينيها بشوية خلاتو ينطق بحب: مشاء الله
رجعات حدراتهم مخلياه متزنن عليها حمقاتو و هبلاتو هاد ليلة، عطاهم تمر و لحليب غير سلاو تحنى لجبهتها قبلها بحب و راحة بعد منها شاف فأحمد و نطق بهدوء: بغيت ندوي معاها
بتاسم أحمد ابتسامة فشكل بحال كيقول ليه" امممم بغيتي تدوي معاها "حنحن و نطق: احم ألاء سيري ابنتي لبيتك مع راجلك دويو معاه على خاطرك
اومأت ليه و تمات غادة بخطواتها و هو تابعها من لور مخلينهم جالسين إلياس عاد قطع ابيل لي كان داير مع سماح لي حضرات لكولشي و باش ماتحسش بنقص
ياسر شاف فأحمد و نطق بتساؤل: لحمام عفاك
اومأ ليه و نطق: أناس وريه لحمام
بتاسم اناس و نطق و نطق: واخا الواليد
ياله وقف صونا ليه تيلي جبد شاف شكون و بتاسم هز عينو فنجوى و هي تغمزو ديك ساعة نطق: نجوى عافاك وريه حمام انا عندي مكالمة ضرورية من لكنينيك
غير سالا هضرتو خرج منساحب بلعاني باش يخليها تستاغل لفرصة خصوصا ملي شافها هي لي صونات ليه
تنهد ياسر و تم غادي بعد ما سبقاتو نجوى ماباغيش يدوي معاها حيت عارف راسو ايضعاف خصوصا هاد نهار لي ماحيدش عينو منها جدباتو بجهد وقفو قدام طواليط دخل ياسر بلا مايدوي معاها و ياله ايسد لباب تا تدفع لباب و دخلات تاهيا سادة لباب و متكية عليه خلاتو يعقد غوباشتو و نطق: ممكن نفهم اش هاد تصرف
سدات لباب بساقطة و ربعات ليديها ناطقة بهدوء: على نت خليتي ليا شي حل من غير هاد تصرفات مبرهشة
مسح على وجهو و نطق: نجوى خرجي فحالاتك
نجوى شافت فيه محمرة عينيها و نطقات: ماغانخرجش تا تسمعني اوه صبرت ليك بزاااف كانقول دبا سيد يفهم غلاطو و يحن ساعة والو
قرب ليها عينيه حمرين هبط راسو لعندها و نطق باستهزاء: نْحن على نتي حنيتي فيا اا
ياله اتنطق و هو يقاطعها بصوت شوية مرتافع: اش كتحاولي تصنعي واش بغيتيني نزيد نحقد عليك كتر من هكاك

يتبع...✏️

ياله نشوفو هاد جوج نفكو حريرتهم🤔