هزات حاجب و نطقات: من نيتك أألاء نعلي شيطان وقفات حاطة ليديها على لباب و نطقات بغضب: اوووف مني و الله تا نمشي نشوفو حشومة نخليه بوحدو حلات بابها و تمات خارجة وقفات قدام بيتو تنهدات مسحات عينيها لحمرين دقات و مسمعات تا جواب تخلعات ما عرفات ما دير لوهلة زارتها فكرة غبية و هي يكون نتاحر ديك ساعة حلات لباب بشوية و خشات راسها طلات وسعات عينيها بصدمة من منظر لي كتشوف ماتوقعتهاش منو نهائيا ديك ساعة سدات لباب و رجعات لبيتها كتزرب جلسات فوق ناموسية و قلبها كيضرب عينيها مغرغرين منظر لي شافت مابغاتش يحيد من عينها بمرة نطقات بسهو: عليها قال الله اسمح ليا و يتقبل توبتي ادن هو نادم على لوشام شاف فلمرايا و نطقات بسهو: كيصلي ألاء واشم خريطة فلحمو و كيصلي و نتي اشمن عدر اتلقاي بيه ربك لا قلتي ليه مكنصليش علاش ؟ حيت خدامة ااا هاهوا تاهوا خدام و كيصلي و من فوق مريض مضروب مخاصوش لحركة و كيصلي و نتي اش لي مانعك منها بقات جالسة و منظر ديالو كيصلي مابغاتش تحيد من عينيها ديك ساعة وقفات مشات خدات مزيل ديال صباغة حيدات صباغة لي فليديها و رجليها و دخلات توضى خرجات قلبات فحوايجها على جلابة لقاتها و لبساتها كان عندها واحد زيف قلبات عليه هزاتو دارتو هزات تقاشر لبساتهم ،صلاية لي ماكايناش هزات ليزار نقي فرشاتو بعد ماحسبات فدماغها فين جات لقبلة من طريقة لي كان ساجد بيها هو قامت صلات و بداتها ناوية تبعها و هاد المرة بلا ماتقطعها الى بغا الله
نهار جديد كانت خارجة هي و أسماء من كوزينة لي ولات كتقدي فيهم معظم وقتها و ماغاتجي غير مع دقان فلباب شافت فيها أسماء و نطقات بأدب: انحل انا غير سيري نتي بتاسمات ليها ألاء و تقدمات ناحية صالة فين جالسة فاطمة كتشرب كاس اتاي أسماء حلات لباب و بتاسمات ليهم بأدب ملي بانو ليها واقفين، كيما واعداتهم ألاء باش يتغداو بكسكسو علمات فاطمة تصوني ليهم يجيو يتغداو و داكشي لاش جاو، بجوج رجعو ليها ابتسامة نطق ياسر بتساؤل:كاين ناصر حركات راسها بايجاب و تراجعات مخلياهم منين يديوزو و نطقات: اه دخلو انكلمو ليكم دخل ياسر و تقدم ناحية صالة حاسب دار دارو بعد ما شكرها فالمقابل هي لي حادرة راسها بتوتر كتسناه يدخل و هو كرم معرفات مادير ولكن علات راسها ملي سمعاتو نطق بحنان إلياس: أسماء لباس سرطات ريقها و شافت فيه بعويناتها لعسلين ناطقة بتوتر: احم بيخير اموسيو إلياس ونت تقدم لعندها تاولات مسافة بيناتهم منخافضة و نطق متبت فيها شوفة: الحمد الله سكت و هو كيشوف فيها ملاحظ توترها و عينيها لي مامتبتاهمش فيه مانطق بوالو مكتافي غير يشوف من يوم ما شافها خطفات قلبو بحشمتها ببرائتها بطفولتها كمدها فقلبو و دماغو قال على اقل تا تبلغ سن رشد لي هو 18 سنة و لكن بقا متردد ملي لاحظ توتر لي كيجيها من جيهتو ماعرفش واش حشمة ولا باغا تبعد منو تصرفاتهم ماكيفهمهش و لكن لي عارف انه ايصبر تا يحل قضية مجرم لي مجهول و يجبد معاها لموضوع اخرا قدر يعفي أحاسيسو و بعد منها بهدوء و نطق بحب باين غير لا مابغاتش تفهم: امكن ليك تمشي على خلاتو تا يكملها ديك ساعة سدات لباب دار و دارت ليه بلان ديال داز من هنا خلاتو تنهد بجهد و تقدم لعندهم لصالون لقاهم جالسين سلم على فاطمة بحب من ديما عزيزة عليه ملي جا ناصر خدم فالمغرب و تصاحب معاهم فماكانش كيفوت الفرصة يجي لعند فاطمة خصوصا انه يتيم و كابر مع جداتو لي ماتت 7 سنين قبل ففاطمة دايرها فمقام مو جلس حدا ياسر جا وسط بينو و بين ألاء شاف فألاء و نطق إلياس: دكتورة ديالنا لباس عليك ألاء بتاسمات ليه و نطقات: بيخير و نت أ إلياس الياس بتاسم ليها و نطق: والله الى يا سلام بتاسمات ليه بأدب مخلياه هو محني جيهة ياسر ملي سمعو نطق بصوت خافت: عيقتي اصاحبي ديك تعطيلة كلها راك مفروش إلياس شاف فيه و نطق كيقلي ليه سم: غرتي حيت انا تنحب و نت لا اعتارف ياسر شاف فيه شوفة ديال من نيتك و منطقش و الله لا جاوبو تلفت إلياس لعند ألاء ملي سمعها نطقات بصوت خافت: ارحم بوكم سؤال واحد صافي إلياس نطق بمزاح: غير نطقي اصلا ما كرتاحش لأسئلتك بدات كترمش ليه ببراءة و نطقات: واش نت وياسر خوت جاها صوتو فودنها ملي نطق بتخوف ياسر: الله احفضني إلياس ميق فيه و نطق: مالك كرهتيها ألاء كمشات حواجبها بتساؤل و نطقات: اذن ماشي خوت إلياس عنق ياسر من عنقو مزير عليه تا خنقو و نطق بمزاح: ماشي خوت و لكن حنا كتر منهم ياسر خبطو فليديه و نطق و هو مقجوج: واطلق المسخوط انسخط عليك
اما عند أسماء لي طلعات فدروج بزربة ماشافتش من موراها تكات على لحيط و هي حاطة ليديها على قلبها لي. كيضرب بجهد بتاسمات بخجل و نطقات: ناااري شحال زوين تنهدات و هي كتنش على حناكها باش ينقصو من حرارتهم و نطقات بخجل: ريحتو باقا فنيفي ياربي جعلو من نصيبي ياربي هبطات عينيها لي كانت كتشوف بيهم صقف تنهدات بحزن ونطقات: عارفة فين مقامي انا و فين هو و لكن ياربي جمعني معاه فالحلال
يتبع...✏️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
