🍃 مشاعر_صامتة 🍃| ( مكتملة )

🌛بارت 66🌜

🌺مشاعر صامتة🌺
بقلمي✏️: خولة غزالي🌹

حط صبعو على حناكها كيشوف فيها بحنان و نطق: عينيك بحال عينيها تاهيا كانت بريئة متستاهلش داكشي
ألاء ماعرفاتو اش كيقول غير كتبكي بلا صوت شافت فيه بنظرة حنينة و نطقات: عاافاك و الله مانقول لشي حد شي حاجة غير خليني نخرج
عض على شفايفو و زير على شعرها : ماعندك فين تمشي قلت ليك غرجع نديك و هاني جبتك هنا اتبقاي تاتموت حطيتك فراسي ازين عندك زهر خليتي هدا
حط ليديه على قلبو و كمل كلامو: اضرب من اول شوفة فيك اما تكوني دبا تحت تراب
وقف ملي سمع كرطونة طاحت من جيهة لحيط هز راسو و تاهيا تلفتات مخلوعة ما لمحات غير تصويرة ديال شي بنت عليها كروة حمرة بقات غير تاتقفقف عرفاتو مريض نفسي مايخفاش عليها حركاتو و شوفاتو و هادشي لي خلاها تفكر مزياان و ماتغوت ما والو خاصها تفكر بدماغها حيت لي متأكدة منو مايمكنش اجيبها شي بلاصة فيها لبشار واخا تغوت ماعندها ما تصور منو
شاف فيها و نطق بهدوء: خليك مهدنة حيت ديري خطا واحد منخليكش عايشة و تهناي
لاح ليها لكلام و تقدم خرج و عاود سد عليها لباب و خلاها بغات تهبل هزات راسها لصقف و بدات كاتشهق ندمات لاش خرجات من داك لبيرو، نطقات بحزن: ياااربي لاما عوني ياااربي
اما عند العميد ديالنا جالس فبيروه و مدور كورسي جيهة شرجم كيشوف فشمس لي كتغرب حاط ليديه تحت من فكو و كيخمم لحد الأن مزال مالقاو عليها تا خبر قرب يحماق دماغو بغا اتفرگع اما قلبو خلاص هداك بلا مندويو عليه مخلا تا قنت و تا كميرات فالمدينة كولشي قلب و والو صدق لمجرم دكي و عرف كيف يلعبها
تنهد بغضب معرفش اش يدير خاصو غير خيط واحد و والو ياله ايهز تيلي ايصوني ليه تا كايشوفو داخل كيلهت و من موراه إلياس كتر منو كمش حواجبو بشك ملي شاف حالتهم و كيفاش عرقانين و وجهم حمر عقد غوباشتو و نطق : اش كاين
نطق ياسر بلا مراوغة: تفكرت شي حاجة تقدر تنفعك
إلياس عطاه ضربة لعنقو و نطق: مرجعني من نص طريق باش تقول تقدر
ناصر وقف تقدم لعندهم و نطق بهدوء: طلق اش كاين
ياسر سرط ريقو بحزن و نطق: لؤي عندو واحد گراج خارج المدينة فالغابة كان شراه شحااال هادي كان ديما كيمشي ليه وهو و ديك بنت لي عاودت ليكم عليها
طار ناصر لبيرو هز تيلي ديالو و سوارت لوطو و عطاه ورقة و ستيلو : كتب عنوان هنا
ياسر بدا كيترعد واخا خوك يكون ماعرت اش ميسخاش عليك دخلو لحبس بليديك راه عمر دم يولي ما واخا ماعرت اش خصوصا انه توأم ديالو مشاركين اي حاجة بجوج، تنهد بتوتر و كتب ليه عنوان و عطاها ليه
شاف فيه ناصر و خبط ليه على كتفو: تبارك الله عليك انحاول منضروش ولكن لقا شعرة منها مقيوسة ماغاديش نقول ليك
اومأ ليه ياسر و راسو محدور كمل كلامو بجدية: انا غادي دبا الى كان توقعنا صحيح تبعني نت و دورية لمكان تفهمنا
نطق ياسر بجدية : واخا شاف
خرج ناصر بخطوات سراع و تفكيرو كلو معاها واش هي بيخير واش ماوقع ليها والو هاد ساعة حاجة وحدة لي كيتمنى هي تكون بيخير و مامتتش
إلياس شاف فياسر و نطق بهدوء: ماعندك مادير خوك دارها بليدو واخا عارفو كيبقا خوك ولكن معندك مادير من غير صبر
تنهد ياسر و نطق: داكشي دبا نتسناو غير اشارة
سالا هضرو و تقدم ناحية لبيرو جلس و تبعو تا إلياس كان كيبان مهموم كتر من قياس قلبو ضارو على خوه للحظة تمنى يكون هادشي لي عاش هاد نهار غير حلم و مايكونش خوه لي مرمري فهاد عافية تفكر شحال من مرة كان كيعاود ليه على جرائم ديالو و هو مامبينش بالعكس كان كيتحاور معاه للحظة ياسر لام راسو حيت هو لي قال ليه ان الاء شافتو و اتجي تعطي اقوالها كون ما هو كون دبا لؤي ماعرفش كاينة شاهدة و ماغاديش اقرب ليها و شكون يعرف اقدر مايتفضحش گاع

يتبع...✏️

بيناتنا هاد زمر ديال ياسر بقا فيا🥺اوى يالبنات بونوي ♥️💋