🍃 مشاعر_صامتة 🍃| ( مكتملة )

🌛بارت 93🌜

🌺مشاعر صامتة🌺
                   بقلمي✏️: خولة غزالي🌹
      

هبطات نجوى عينها فملف كتقلب على تقرير ديال تشريح لقاتو و بدات تقرى فيه فالمقابل ياسر نطق باستغراب: ولكن لؤي ماشي گوشي بالعكس كيستخدم ليمنية
نطق ناصر كيشوف فيه بهدوء كيشرح ليه: اه لؤي كيستخدم ليدو ليمنى و لكن شخصية لاخرى لا حيت كيما كتعرف هاد شخصية تولدات باش دير داكشي لي هو ضد داكشي لي كيدير لؤي بحال ان لؤي ضعيف شخصية ...ام شخصية لاخرى قوية ...لؤي حنين و دغيا يتسامح ....شخصية لاخرى شريرة و كتعاقب، داكشي لاش شخصية لاخرى تا من طريقة أكل و طريقة كتبة و طريقة مشي و نضرات بغاتهم يكونو معكوسييين على طريقة لؤي
كمش إلياس حواجبو و نطق بتساؤل: باش عرفتيها
نطق ناصر كيلعب بستيلو: كبيلة لاحظتها فتحقيق شخصية لي تولدات كانت كتعتامد على ليسرية لدرجة انه لا زير على لديه فراه كيزير على ليسرية على عكس لؤي لي كان كيخدم ليمنية
شاف فنجوى و نطق و هو هاز حاجبو: كنظن عارفة خدمتك
بتاسمات بايجاب ملي فهماتو هزات ستيلو و بدات تكتب: نقطة تالتة خاصني نبين قدام محكمة فرق بين طريقة تعامل لؤي و طريقة تعامل شخصية تانية
بتاسم ناصر ابتسامة خطيرة خلاتها بقات كتشوف فيه: تماما
بتاسمات ليه نجوى بكل لنوتة و نطقات و هي كتكتب: خاصني نلعب على نفسية قاضي باش يتأتر
نطق ياسر و هو كيشوف فيها بنضرة غريبة: هادي ماشي شي حاجة صعيبة عليك ا أنسة اولا لا
عضات شفايفها و شافت فيه و هبطات راسها مكملة هضرتها بلا ماتجاوبو مخلية ناصر شاف فياسر و رجع شاف فيها بنظرة غريبة
نجوى: اوكي قلنا خاصني شهادة ديال أناس و شهادة طبيب قديم و نزيدو عليها نبين ليه شخصية لي تولدات و خاصني شهادة..
هزات راسها فياسر و كملات هضرتها: انحتاج شهادتك على حساب سبب دخولو مصحة و تا أعراض لي بانو فيه وتا كفاش خرج
اومأ ليها ياسر وهي كملات: و نزيد عليهم تا أقوال ألاء عاد عندنا تقرير ديال أناس و تقرير ديال طبيب و تقرير ترشيح فراه غير هاد ادلة كافيين و وافيين ايتبتوه انه ماشي بحالتو طبيعية
شافت فناصر و نطقات: ولكن ضروري خاصني نشوفو باش ندرس شخصيتو و نعرف كفاش نتعامل معاه باش نهار محكمة ماتجينيش شي حاجة غريبة نلعب ليه على أعصابو
نطق ناصر بايجاب: وقت لي بغيتي ندخلك عندو نتي و أناس
أناس نطق بهدوء: ماكرهتكش دخلني عندو دبا باش مانضيعوش لوقت
اومأ ليه ناصر ناطق بجدية: من أحسن حيت محاكمة مابعيداش بزااف سيمانة جاية محاكمة
اومأ ليه أناس فحين إلياس وقف و نطق موجه هضرتو لناصر: واش نديه لعندو
اومأ ليه ناصر، شاف إلياس فأناس ناطق: ياله معايا
وقف أناس و نطق موجه هضرتو لنجوى: اتسنايني
اومأت ليه نجوى بنفي و نطقات: انسبقك انمشي عند ألاء
اومأ ليها أناس و تم خارج مع إلياس بعد ما ودعهم
وقف ياسر و نطق موجه هضرتو لناصر: انمشي عندي واحد لبلان نقضيه
اومأ ليه ناصر و تم خارج بخطواتو معتادة هادئة فحين ناصر شاف فنجوى لي وقفات و نطقات: كنستآدن منك
اومأ ليها ناصر بغموض و نطق: نوصلك معايا انا غادي لكنينيك
اومأت ليه بنفي و هي كتجمع ورقة لي كتبات فيها : لا منعدبكش عندي غراض قبل
شافت فملفات لي كانت كتقرى فيهم و نطقات بتساؤل: ماعندكش نسخة على ملفات
شاف فيها ناطق بهدوء: خودي هدوك
كمشات حواجبها و نطقات: ونت
نطق ببرود : هدوك ماشي أصليين
اومأت ليه هزاتهم و نطقات و هي زربانة: غدا ان شاء الله انجي نشوف لؤي
اومأ ليها استأدنات و خرجات بخطوات مزروبيين و واتقين مخلياه كيشوف فلباب بشك و برود فنفس الوقت ،حدو جمع لوازم ديالو ساد عليهم و شد تيلي مدوز اتصال لمالكة قلبو

يتبع...✏️

ربي لاش تشوف فيه و تنطق بأنوتة لاش 🙂البنات كنحس بناصر غادي فلخصران🤦