🍃 مشاعر_صامتة 🍃| ( مكتملة )

🌛بارت 70🌜

🌺مشاعر صامتة🌺
                   بقلمي✏️: خولة غزالي🌹
              

وقف حداه إلياس و هو مخنزر على غير العادة حدو نطق بفقصة: مالها تضربت فدماغ راه غير تقاس ليها كتفها
نطق ناصر و كشاكشو خارجين: مهم تقاست مابغيتهاش تقاس واش كتفهم
إلياس سرط ريقو كيشوف فحالتو بقا ليه شوية و يطيح بقوة عصاب وجهو كحال و عراق، عروقو لي فجبهتو و فليدو برزو حدو حط ليدو على كتفو و نطق بإطمانان: رخي فيك نفس اصاحبي راه اتكون بيخير ان شاء الله
ناصر عض حنكو من لداخل و نطق : كنتمنى كنتمنى
بقا كيردد فيها حالتو كتبان بحال شي حمق و هو شاد ليها فوجهها كيمسح ليها لعرق لي تكون ليها فجبهتها منظر ديالو كيقطع فلقلب كتر من منظرها
ما حس بالفرج تا شاف مسعفيين داخلين بالبياص متنقل ديك ساعة هزوها و خرجوها بزربة و هو و الياس و ياسر تابعينهم مخلين شرطة محاصرة مكان قايمين بالواجب
وقفات اسعاف قدام لكنينيك و لسوء حض اناس كانت لكنينيك لي خدامين فيها هو و ألاء
هبطو مسعفين بعد ما هبطو ألاء لي كانت مستلقيا فلبياص و جنبها ناصر لي ماتفرقش معاها ما مستاعدش اتفارق عليها تا من لوطو ديالو خلاها لياسر لي جابها اما لوطو ياسر راه جابها إلياس لي كان مخلي لوطو ديالو فلمركز
دخلو لكنينيك كيتجاراو و ناصر بقا ليه شوية و طيح گاع ديك لعظمة كتحس بالفشلة كيما كان لحال فراه كيبقا غير انسان عبد ضعيف
زير ليها على ليديها مزيان و نطق بصوت مغلوب على امرو: فطول هاد شهورة و فگاع صلاتي كنت كندعي لكان فيك لخير ربي يكتبك ليا ماعرفتش واش هاد علامة كدل انك مامكتباش ليا ولا غير اختبار من عند ربي و لكن لي عارف انا بغيت ربي يكتبك ليا واخا مافيكش لخير قلبي عشقك و بغاك و مافيدي حيلة كنتمنى تفيقي سالمة حيت منظمنش راسي اش ندير لا وقعات ليك شي حاجة
سكت ملي شاف راسو وصل قدام لبلوك هبط لجبينها و قبلها بقا مطول فيها فقط دمعة لي هبطات من عينو و طاحت فعينيها لي عبرات على داكشي لي كيحس بيه فقلبو ،فصل لقبلة لي متقدرش تفسر شعور لي كيحس بيه اه بصح عارف ان ضربة فلكتف ما كتقتلش و لكن هادشي مامتقبلوش لا عقلو لا قلبو كيحس بالفهامة ديالو و ختوريتو و صبرو ضاع وصل لمرحلة صفر
تلفت شاف فياسر و إلياس لي كانو واقفين حداه و كيتحسرو على حالتو ماعرفو مايقولو و لا مايديرو عارفينو مأزم و كيطلبو من ربي مايوقع ليها والو ماشي على قبلو لا حيت بصح ألاء قدرات دير بلاصة فقلبهم كلهم بلا اسثتناء بعفويتها ببرائتها بضحكها بهدوءها بكولشي ليها
ناصر حدو نطق قبل ما يتحرك: انا جاي
تحرك ناحية استقبال و قلبو كيضرب مابغاش ينقص من سرعتو ،وقف قدام واحد ممرضة و نطق بصوت هادئ باين فيه ضياع: ممكن لقا شي غرفة خاوية نصلي فيها
ممرضة اومأت ليه برسمية و نطقات: اهاه اموسيو جي معايا
تقدمات و هو موراها غير كيرمي خطواتو و غادي كيحس براسو فدوامة حلم ماعارفش فاش كيفكر مي دماغو خدام فاش ماعرفش وقف ملي شاف ممرضة كتحل فواحد لباب لي كتاملات ليه صورة ملي حلاتو كان بيت مختص لصلاة فيه رفوف ديال قرآن و مفرشين فيه بلاصة صلاة منظر كيهدي نفوس و هادي اول حاجة وقعات ليه غير دخل تنهد تنهيدة خارجة ليه من قلب ،شكر الممرضة و دخل اول حاجة دار توضى من بعد بدا كيصلي و هو عازم يدعى معاها فكل سجدة
اما عند إلياس و ياسر هاد اخيران لي جلسو شاف إلياس فياسر و نطق : عمري شفت ناصر فهاد لحالة
تنهد ياسر و نطق ببرود خطير علاش لا و هو خوه لي مرمي وسط لحبس و فأي لحظة يقدر يتحكم قلبو مقطع لدرجات من صغرو كان هو لي كيميز غلط و صح كتر من لؤي من صغر و هو واقف فجنبو و اي غلط دارو لؤي كياخد لوما عليه ياسر حيت ماكيبغيش يشوفو هو مولام خصوصا انه عارف شخصيتو ضعيفة و گاع قوة و تخراج عينين خداها ياسر و لي كمل عليه انه كان وصية واليديه قبل موت وصاوه يرد ليه لبال و لكن هو غفل عليه هادشي لي مخليه يلوم راسو الف مرة
ياسر : كيبغيها و باش يشوفها تآذات ايفوت هاد لحالة
سكت شوية و نطق: من غير هادشي كولو انا عارف ناصر و ماغاديش يدوزها للؤي بيخير كنتمنى غير مايقساش عليه كيبقى خويا و غادي يلين قلبي عليه
إلياس تنهد حط ليدو على كتفو و نطق بحنان: الله ادير لي فيها لخير
سكت شوية و عاود نطق: ياسر تانا كنحس بقلبي مقطع عليها بقات فيا
نطق ياسر بعد ما مسح وجهو: دارت بلاصتها وسطنا كتبقى مرت خونا بسيف ما تبقا فينا
و ياله اينطق ياسر تا وقف عليهم كينهج وجهو حمر و عرق نازل من جبهتو داير بلاستيكة على شعرو و لبستو عامرة دم و ليديه فيهم ليگات حالتو بحال شي گزار  ،باين عليه ياله خرج من شي عملية نطق بصوت مبحوح : ألاء فين هي اش واقع ليها دويو
إلياس مصدوم حال فيه فمو كان كيبان بحال شي بسيكو قاتل شي حد اما ياسر فكان كيشوف فيه و هو مكمش عينو ماعرفوش اش كايجيها ولكن شاك فجوج احتمالات يا خطيبها و هادش مستحيل الى كان خطيبها ادن ناصر ما محلو من اعراب ادن بقا احتمال تاني و لي هو خوها و من لبس ديالو عرفو طبيب فهاد استنتاجات خلاتو يحنحن و ينطق بنبرة هادئة هدئات من أناس شوية
ياسر: تهدن و رخي فيك نفس راك طبيب و عارف حسن مني الاء مضروبة غير فكتفها و دخلوها دير عملية

يتبع....✏️

هاني حطيت ليكم غير ماتعواجوش🙂🤦