🍃 مشاعر_صامتة 🍃| ( مكتملة )

🌛بارت 55 🌜

🌺مشاعر صامتة🌺
                   بقلمي✏️: خولة غزالي🌹
             

ناصر جلس و هو مفرق رجليه بهدوء و عينيه على طبيب لي بدا كيتحدت
طبيب: كيما كتعرف اموسيو انا صونيت ليك على قبل انسة سماح و كيما قلت ليك هي دبا ماباغاش تشرب دوا تاتشوفك يوماين و حنا كنحاولو معاها حيت كيما طلبتي منا مانصونيوش ليك تانكونو يأسنا و داكشي لي كاين ضروري تشرب دوا و لكن رافضة، جملة واحيدة لي كتقول هي جيبو ليا خويا و نشربو وهدا وعد
ناصر غير كيسمع بلا مينطق وقف بهدوء و نطق: وخا تفضل تديني لعندها
بتاسم ليه طبيب و نطق : تفضل
تقدم طبيب و تبعو ناصر و هو كيشوف فالأرجاء ،بزااف أشخاص لي باين من حالتهم انهم ماشي طبيعيين و العكس فشي ناس خرين لي غير جالسين و كيتأملو و شي شاد كتاب و كيقرى كل واحد و حالو و مشكيل لي جا علا قبلو
وقفو قدام واحد باب ديال غرفة، طبيب حل باب و دخل تبعو ناصر بخطوات موزونة و عينيه كيضورو فلغرفة كان غالب عليها لبياض حيوطة و ناموسية كوافوزات كولشي بيض و لون وحيد لي داخل هو لون باج كاسر شوية لبيوضة من غير هادشي مخلين ليها شرجم بلا خوامي مدخل ليها ضو و لكن كان مسدود ،حول عينيه لجيهة ناموسية كتبان ليه جالسة و ضامة رجليها لعندها كانت عاطياهم بضهر بانت ليه بنية ديالها ضعيفة بزااف مقارنة بأخر مرة شافها
نطق طبيب بحنان: انسة سماح شوفي شكون جا يشوفك
ضورات وجهها لعندو و توسعو عينيها بصدمة و فرحة منين شافتو وجهها كان صفر و تحت عينيها زرق شفايفها بيضين و مقشرين وقفات كتجري ناحية ديالو بلا كلمة ولا جوج تلاحت عليه معانقاه كتقلب على داك لحضن لي كان كيعطيها و هي كترفضو نطقات بصوت عامر فرحة
سماح: حبيب ختو جاي تشوفني ياك
بعدات منو و شدات ليه وجهو نطقات و عينيها مغرغرين: سامحتي ختك ياك
جراتو تا داتو لفوق ناموسية و جلساتو و بدات كضور و توريه: شوف ختك كيف ولات ضعافت ياكا
جلسات حداه حاطة راسها على كتافو كتنطق و تشهق: ندمت بزااف و الله بغيت ليام ترجع نت خويا بابا تاني علاش انا تصرفت بحال هكاك ماكنش عندي لعقل و الله عافاك احبيبي سامح لختك راني ندمت بزاف
سالات هضرتها و بدات كتشهق و تبكي مدة عاد بعدات منو و عينيها كيشوفو فعينيه برجاء: عافاك سمح ليا توحشت حنانك و عطفك و خوفك عليا ندمت بزاااف عااافاك سمح ليا
تلاحت عليه معنقاه و كلمة سمح ليا عافاك متحيداتش من فمها ،عض شفايفو كاتم تنهيداتو تالين غادي يبقى مقصح معاها كتبقى ختو حبيبتو و بنتو لي رباها واخا مايسمحش ليها 100 فالمية و لكن براكة غير لي فيها دبا كفيها نفسيتها مدمرة وخاص لي وقف بجنبها
تنهد و عنقها مزير عليها تا رتاحت عاد بعدها عليه كيمسح ليها دموعها نطق بجدية
ناصر: خوك عمرو يسامحك تاترجعي كيف لول و تحسني
سكت شوية و كمل: نتي دواك و مكتشربيش كفاش بغيتيني نسمح ليك
دلات شفايفها بحزن و لكن دغيا بتاسمات ملي سمعاتو نطق
ناصر: بغيتيني نسمح ليك
نطقات سماح بلهفة: اه اه
قبل جبينها و نطق: ادن براي و رجعي كيف كنتي
بتاسمات بفرحة بدات كتمسح دموعها شافت فطبيب و نطقات: عافاك جيب ليا دوايا
طبيب بتاسم ليها كان طول لوقت مراقب مشهد و لاحظ نظرات ناصر وعارفو ماسمحش ليها مزياان و لكن هاد خطوة كانت فصالح ديالهم
خرج جاب ليها دوا و لفطور و نساحب خلاهم بجوج
ناصر بقا معاها ساعة و ودعها حيت عندو لخدمة مخرج تا واعدها انه ايبقا يزورها عاد باش رتاحت و هكا داز نهار هو فخدمتو و ألاء فخدمتها

غادا معاه فطريق داخل لكنينيك هو كيدوي و يعبر و هي غير كتسمع هادي هي حالتها من نهار رجعات من ڤيلا قليل فين كدوي و ولات كتسهى بزااف نفسيتها ضمرات لدرجة رهيبة
أناس شاف تا عيا و وقفها فطريق شاف فيها بجدية و نطق: اش واقع ليك مالكي

يتبع...✏️

شتو ناس لي كيحسو بالواحد غير بتصرف ديالو شتو شتو 🙂🥺