🍃 مشاعر_صامتة 🍃| ( مكتملة )

🌛بارت 25 🌜

🌺مشاعر صامتة🌺
                   بقلمي✏️: خولة غزالي🌹
       

شافو فبعضياتهم دوك جوج قال خرجو هي خرجو ديك ساعة تحركو خارجين بلا ماينطقو وهو عاد كملات ليه صورتها حيت كانت مورى ياسر مابان ليه والو طلعها و هبطها بعينيه كيشوف فيها، فواحد لحظة غزز على سنانو خرج لسانو و فزك شفايفو بريقو و بكل هدوء و بخطوات تقال تقدم لعندها تا وقف قدامها نيشان عينيه فعينيها خضرين مانطق ما تكلم فقط ملامح جامدة على وجهو كيشوف فعويناتها لي كتحاول تفادى فيه شوفة و كيفاش متوترة عض على شفايفو و عوج راسو متبع انامل ديالها لي طلعاتهم عند خصلات شعرها تا رداتهم من مورى ودنيها حنحن باغي يخرج من تفكيرو حس بحال لعنة تلقات عليه نطق بصوت باح و بختورية: كان خاصك تكوني فصباح هنا ادكتورة
سرطات ريقها غمضات عويناتها و حلاتهم عازمة تحيد هاد توتر و تصطانع لقوة و لي ليها ليها تا هي تقدمات بخطواتها كتر و عينيها فعينيه و نطقات بهدوء و صوت خافت: امكن راني خدامة
و بلا مايرمش حط ليديه على خصرها مكاليها على لبيرو و هو قرب ليها بزااف لدرجة ضهرها رجع على مكتب بلور باش تبعد منو شوية ،شاف فهاد مخلوقة لي بحال دگيتي ليها برى ديال شجاعة و لي متأكد منو غير تصنطيحة حيت قدر يحس برجفتها، ماجوبهاش بقا غير كيتفحص فوجهها بعينيه تال واحد لحظة سمعها نطقات هبط عينيه لشفايفها لي كيف حبات توت تحركو و هما كيبريو
ألاء بتوتر و قلبها كيضرب بقا ليها شوية وتبكي مابغاش تضعاف قدامو كرامتها غادي تشتت اه هي ضريفة و هادئة و نية ولكن تال كرامة وحبس واخا تعرف تجبد قلبها تشويه و تاكلو و مادلش راسها و تمشي لعندو تقول ليه كنبغيك الى ماجا هو لول سرطات ريقها خرجات لسانها بللات شفايفها و نطقات بصوت خافت: طلق م مني
بلا سابق اندار و بلا ميخدم عقلو لي غايب جبد ليدو لي فجيب طلعها لعند وجهها حط صبعو إبهام على شفايفها بشوية و دوزهم مسح ليها داكشي لي ففمها ماعرفو ريق ماعرفو عكر مهم داكشي لي فمهم باغيه و ربي كبير ،حرك صبعو بشوية لمدة تواني تا شوية و ورك عليهم مزيان بعد صبعو و حطو فمو مصو غمض عينيه بعد صبعو و عض على شفايفو نطق بصوت خافت و بارد غير مسموع: توت
كانت مرطب لي دايرة بطعم توت شافتو اش دار بغات تموت على حركة ليدار كانت كتر من نهار باسها قلبها بدا كيضرب بجهد تخاف تقول كيتسمع ليه حيت هي سمعاتو هزات ليديها برجفة حطاتها على صدرو و دفعاتو هاد دفعة لي خلاتو يرجع خطوة لور و يحل عينو راجع لواقع عض على شفايفو ملي عرف راسو اش دار كون لقا يخرج دماغو و ياكلو على اش دار او بالأصح عقلو معندو تا دخل ،قلبو لي ملى عليه هادشي ،حتافض بملامح جمود و عطاها بضهر غمض عينيه بسخط و هو كيمص فشفايفو لي باقي فيهم مداق ريقها تنهد بشوية و رجع ملامح ديالو لبرود تلفت و تقدم ناحية لكورسي لي فلبيرو جلس و نطق بلا مايشوف فيها : جلسي
عضات على شفايفها كتحاول تهدن راسها بزز منها خاصها ترخا تلفتات مقابلة معاه و جلسات فكورسي مقابل معاه شافت ليه نيشان فعينيه لي كيشوفو فيها بجوج ملامح ديالهم باردة هي حالفة توقف فوجه مشاعر ديالها و هو حالف ميردخ لمشاعر ديالو بجوجهم حالفين و تاحد ماعارف شكون ايتردخ و ايتهز لول
بقات ساكتة و كتشوف كتحاول تقرى ملامح ديالو و نظراتو كايبان ليها غير جليد گالس قدامها زاحت بعويناتها لخضرين ناحية ساعة لي فليدها تنهدات بضيق شافت فيه بجدية و بصوت خافت بالكاد يتسمع نطقات : واخا نحاولو نزربيو حيت مشا لحال
مجوبهاش بالعكس طلع حاجبو فيها و شبك ليديه و حطهم فوق لبيرو و عينيه عليها تاجاب ليها توتر ماعرفات مالو كيدير فيها هاد شوفات تقول قاتلة ليه باه رجعات خصلات شعرها من مورى ودنيها و شافت فيه ملي سمعاتو نطق : قلتي مجرم عينيه خضرين
نطقات بهدوء و توتر: اه
ببرود نطق: ممكن يكونو ليلونتي

يتبع...✏️

ياله ناصر جابها لاصقة ماتعرفو يكونو غير ليلونتي بصح🙂