🍃 مشاعر_صامتة 🍃| ( مكتملة )

🌛بارت 75🌜

🌺مشاعر صامتة🌺
                   بقلمي✏️: خولة غزالي🌹
      
ألاء سرطات ريقها و نطقات: و عافاك اناصر غير سمعني راه هو ماشي كيف كيحساب ليك راك غالط عافاك ماتقيسوش خلي تا يجيبو ليه محامي و حقق معاه بلا عصا بلا والو
ناصر قرب لوجهها و نطق بجدية: ألاء بحال الى كتدوي على راجل و تدافعي عليه قدامي و لا غير جاب ليا الله
الاء نطقات بصوت خفيف: ماشي هكاك راه غير..
و مزال ما كملات كلامها قاطعها و هو محاول مايرفعش صوتو عليها حيت بصح كيحس براسو بدا كيتعصب : غير اش األاء مع دخلت لقيتو شاد فيك و قلت راه خطفها ماتسرعش تيريت فيه و جيتي فبلاصتو عرضتي راسك لخطر كون جاتك فقلبك ا ألاء فين غادي نوصلو ااا،فقتي لينا بسلامة و ملي بغيت نعاقب لمجرم كتقولي ليا ماديري ليه والو اش كتحاولي تصنعي اا بغيت نفهم غير تفكيرك اش فيه
شاف فيها بهدوء و نطق: كنت داير فبالي مريضة و ماشي وقت نلومك و لكن نتي شوفي اش كتقولي كتخرجي لواحد على طوعو
دلات ألاء شفايفها بحزن و قلبات وجهها من يوم يومها ماعزيش عليها لي يتعصب عليها خصوصا هو و زيد عليها يتعصب عليها و هي فهاد لحالة بقا فيها لحال لبزاااف، حابسة دمعتها باش ماتنزلش بزز ،حسات بليدو تحطات على شعرها كيدوزها ببطئ عرف راسو قصح معاها و هي ياله خارجة من عملية ولكن شكون يحس بيه هو تخلط ليه خوف عليها و قلق مع عصاب مع غيرة ،بغا يعاقب مجرم و هي منعاتو بأشمن سبب هو ماعارفش و لكن فنظارو ماكاينش شي سبب لي يخليها تدافع على واحد كانت اتموت بسبابو و تعرضات لخطف من طرفو
تنهد ملي شافها تقلقات هو عارف تقليقتها كيف دايرة و ملي كتقطع كلامها كتخليه كيبغي يموت غير يسمع منها كلمة راه جربها ملي كانت فدارو مستحيل يعاود يجربها ما مستعدش (ملي كان غوت عليها و قال ليها بعدي من إلياس)
نطق بصوت هادى مزعزع كيانها : دكتورة
تسناها تجاوبو و والو ياله اينطق تا سمع دقان من بعدو تفتح لباب هز راسو بان ليها أناس و إلياس و ياسر داخلين بتلاتة شاف فيها بانت ليه مبتاسمة ليهم كيف هما مبتاسمين ليها عض حنكو من لداخل شوف هي مبتاسمة ليهم و هو قالبة عليه وجهها و هادشي لي قال فدماغو تلفت لعند ياسر و إلياس ملي سمعهم نطقو دقة وحدة: على سلامتك اختي ألاء
نطقات ألاء بصوت خافت: الله اسلمكم
تقدمو لداخل لغرفة و سدو لباب نطق ياسر و عينيه ماجاتش فناصر بمرة واخا هضر معاه كبيلة و وقف فجنبو الا ان فكرة ديال شكو فيه خلاتو يحس براسو انه ماتيقش فيه و عشرة كلها مشات فزيرو
ياسر: كيف بقيتي شوية
نطقات ألاء بابتسامة:الحمد الله
نطق إلياس بتساؤل: ماعطياكش جرحة صداع
اومأت ليه بنفي بشوية و نطقات: لا مزال ماكنحسش بكتفي
نطق اناس بصوتو: باقي شاد فيها لبنج غير يطير منها اتحس ديك ساعة
نطق ياسر بأسف و عينيه باين فيهم لمعة لحزن: كنعتادر منك اختي ألاء حيت خويا سباب باش نتي فهاد لحالة
تنهدات بحزن و نطقات: ماتقولش هكاك هو ماكانش بغا يآديني گاع

يتبع...✏️

قلتيها قداش 🙂