🍃 مشاعر_صامتة 🍃| ( مكتملة )

🌛بارت 38 🌜

🌺مشاعر صامتة🌺
                   بقلمي✏️: خولة غزالي🌹
           

طلعها إلياس و هبطها نطق بتساؤل: اش كديري هنا اطبيبة ديالنا
بعدات ليه من لباب تا دخلو سداتو عاد تلفتات ليهم شافت فإلياس و نطقات بببراءة: كنعالج لمريض ديالي
بعدات ليه من لباب تا دخلو سداتو عاد تلفتات ليهم شافت فإلياس و نطقات بببراءة: كنعالج لمريض ديالو
كمش إلياس ملامح ديالو بغباء و نطق: شكون لي مريض
قفز على اثر ضربة لي جاتو فعنقو و تلفتو لعندو ملي نطق
ياسر: شاف ديالك الموصيبة
حك إلياس ضربة و نطق بألم: وا بشوية اصاحبي اصلا نسيت
بتاسم ياسر لألاء و نطق بأدب: اش خبارك مزيان ياك بعدا ماوقع ليك والو من حدت لي وقع
حركات راسها بنفي و نطقات بإمتنان: لا كنحمد الله حيت جا موسيو ناصر فالوقت اما كنتو اتاكلو عليا كسكسو
مص إلياس شفايفو و نطق بسهو: يكون ديال لحم
وسعات فيه عينيها تصدمات فيه تا من ياسر شاف فيه مخرج عينيه غير حس براسو اش قال خرج تاهوا عينو و نطق بنفي: و الله اطبيية ماقصدت راه كون تشوفي شحال مشهي كسكسو
بتاسمات ليه ألاء بإطمأنان و نطقات : واخا ماشي داري و لكن مافيها باس نعرض عليك بما ان غدا الجمعة. فاجي تاكلو
إلياس بتاسم بفرحة لقلوبة ايخرجو من عينيه: بصح نجي ناكلو
نطقات ألاء بحنان: و غنوقف على أمر تا يديروه ليك بلحم
نطق إلياس بمزاح: تزيدي ديري ليا رفيسة نولي نبغيك
ضحكات ألاء ببراءة من شخصية إلياس جاب ليها الله بحال الى باقي صغير و ماكدباتش كان فعمرو فقط 30 سنة
نطق ياسر بتساؤل: شاف نتسناوه هنا ولا نطلعو عندو
شافت فيه ألاء و نطقات بهدوء: من أفضل طلع لعندو حيت من أحسن مايتحركش بزااف
اومأ ليها ياسر و تا إلياس ياله اينساحبو بهدوء بعد ما خداو لأدن منها تا وقفهم صوتها ملي سمعوها نطقات بصوت خافت و عينيها كيضورو : احم سمحو ليا نسولك لا بغيتو زعما
إلياس بدا تاهوا كيضور فعويناتو و نطق بصوت خافت مقلدها: علاش مامرتاحش انا لهاد سؤال قبل ما يتطرح
بتاسمات ألاء بتوتر و نطقات: و غير سؤال و الله لقسام
ياسر نطق بأدب : سولي لي بغيتي ا انسة
قربات ليهم كتر و نطقات بتوتر: دبا موسيو ناصر عميد ياكو
إلياس ميق فيها و نطق: ياااه على هدا سؤال
ألاء شافت فيه بحرج ونطقات: دبا لا دبا سؤالي هو انا فخباري ضباط شرطة و عميد ممنوع عليهم وشام و كيما شفتو موسيو ناصر عندو دفتر لوساخ فصدرو و دراعو واخا نفهم كفاش
إلياس تفرشخ بضحك و نطق: دفتر الوساخ
بتاسم ياسر على تعبير لي قالت و نطق بهدوء: ماشي غير هو تا انا و إلياس عندنا غير حنا عندنا فمنطقة ما بايناش يعني ملي كنلبسو لبدلة ديالنا ماكايبانش اما بالنسبة لناصر فكنفضل يجي جواب من عندو
ألاء سرطات ريقها و نطقات بصوت خافت: لا انا راني مسطية لا مشيت سولتو
تلفتات لعند إلياس ملي سمعاتو نطق راضي فضولها مخلي ياسر مخرج عينو فيه مصدوم سرسب عليها كولشي عاد رتاح و هكا داير إلياس شخصية عفية و لا سولو شي حد و عارف جواب فماعندوش حباسات بمرة
إلياس:هي ادكتورة ديالنا ناصر كيما كتعرفي عميد شرطة و لكن قبل كان شرطي اي ضابط و لكن ماشي أي ضابط لا هو ضابط شرطة فإنجيلترا و بحكم إنجلترا بلد مامانعاش شرطي من الوشام فكان وشم لحمو و ماكاينش لي يقول ليه علاش وشمتي فديك الوقت بقا كيترقى تا وصل لهاد رتبة مي قبل 5 سنين بحكم وظيفة باه لي كان فالجيش فالقواة المسلحة الملكية فبلمعارفو و بحكم رتبة ديالو لي هي مارشال ،فدار ليه انتقال من انجلترا لهنا و مادازش من فحص طبي عطا عدر لفريق طبي على أساس انه تبع شرطة انجلترا لي معندهاش اشكال فبهدا هو توظف بلا تا إشكال حيت كان معروف بدكاء ديالو و سرعتو فحل جرائم داكشي علاش فطرو فمصلاحتهم و انه غينفعم ديك ساعة قبلوه، راه تا من لبسة ديالو ما كيلبسهاش قليل الى كان شي إجتماع مهم او كان غادي يترقى فكيلبسها هدا ما كان و الى ضرتي على ولاية كلها فمغاديش تلقاي شي حد واشم فلحمو من غيرنا الى هو حيت عندو جوج أسباب لول المعرفة و تاني انه ديجا كان شرطي فإنجلترا و حيت محتاجين ليه بزاااف داكشي علاش تاهما دارو عين ميكة و مغاديش يبغيو اضيعو شرطي بحالو و انا و ياسر ماواشميش شي وشمة كبييرة بالعكس وشمتنا ما كتعداش 5 سنتمتر داكشي علاش ما قايلين لينا عليه والو حيت ما باينش اما تا ناصر كون ما كانش خدام قبل فإنجيلترا لي فيه قانون لوشام عادي كان امكن ماتنفعوش معرفة باه
سالا هضرتو و بدا كينهج لاح ليها كولشي شاف فياسر لي مصدوم غفلو اما تا ألاء غير كترمش ماكانتش عارفة ان لمعرفة ممكن تختارق تا بحال هاد لمعارف إلياس كان ملاحظ صدمتها كمل كلامو بهدوء :بلا ماتصدمي محدك فالمغرب فبلا ماتستغربي معارف هما هادو ادكتورة
حركات راسها بايجاب و نطقات: يعني دبا عادي لا وشم
حرك إلياس راسو بنفي و نطق: لا ماشي من حقو حيت دبا دخل لشرطة المغربية يعني محسوبين ليه باش جا صافي
ياسر هز ليديه تا لسما و نزل عليه لعنق و نطق بجدية: لا زيد خرج أسرار دولة
إلياس تسمعات ليه ديك صلاااي قصحاتو قبل تا ما يحس بيها نطق بألم: اااححح مالك اصاحبي
ياسر زير ليه على كتفو ونطق: شحال من مرة كنقول ليك فمك يتشد دبا ألاء ديالنا هانية و لكن كون كان لغريب
إلياس حيد ليه ليدو كيحك فبلاصة لي كان مزير عليه بألم: وا صافي اصاحبي مانعاودش

يتبع....✏️

جيت غير نقول ليكم راهم بجوج واشمين🙂مجرم شكون فيهم🙄🤦