🍃 مشاعر_صامتة 🍃| ( مكتملة )

🌛بارت 95🌜

🌺مشاعر صامتة🌺
                   بقلمي✏️: خولة غزالي🌹

اما قبل عند ياسر لي ملي استآدن من ناصر و تم خارج من المكتب كيتمشى بخطوات واتقة و نضرات كلها جدية وقف بلا ما يدور ملي سمع صوتها انتوي مقاطعو مناديا عليه، وصل نيشان لمسامع ديالو
صوت طالونها كان عازف على اوتار قلبو كيحس بيه كيضرب و لكن كان فنان باش مايبينش على ملامح ديالو من غير لجدية
وقفات قدامو كتشوف فيه بهدوء بعويناتها زرقين نطقات بصوتها حنين : داز وقت طويل
شاف ليها فعينيها نيشان مازعزعهمش زير على ليديه لي كاينة فجيب و اومأ ليها بايجاب و نطق بصوتو بنبرة هادئة: اش خبارك
بتاسمات ليه بكل انوتة بينات على سنانها بيضين بصراحة كانت انتى فاتنة خلات قلبو يزيدو دقاتو و عينيه متبتين عليها بكل برود قادر يتحكم فملامحو
نطقات بكل هدوء: الحمد الله و نت
عض على حنكو من لداخل و نطق بهدوء : الحمد الله
شاف قدامو و اخيرا قدر يزعزع نضراتو من عينيها نطق بكل جدية: كنستأدن منك
سالا كلامو و خلاها واقفة و هو كيتمشا بكل رجولة و شعور ندم كياكل فيه ،نادم على وقفتو معاها كيحس بهادشي لي دار ماشي مزيان ماكانش عليه ينجارف لمشاعر ديالو و احاسيسو لماضية كيحس براسو رتاكب دنب غير من خلال شوفتو لي مقدرش يبعدها عليها كأن لعنة و تلقات عليه
مكمل خطواتو بتقة و حط ليدو على قلبو لي كان كيضرب بوتيرة سريعة شاك فراسو باقي كيكن ليها مشاعر و مشاعر عميقة
خلاها هي واقفة كتشوف فظهرو و قلبها ماشي قل من قلبو عضات شفايفها بكل حزن و نطقات: نادمة حيت بعدت عليك ولكن
بتاسمات بانوتة و دارت نظاظرها و نطقات بكل تقة: كنواعدك غانحيي لحب لي فقلبك من جيهتي لا كان مات
عضات شفايفها بكل حب و نطقات: نت ديالي مستحيل نخليك لغيري واخا نعرف نقتلها
هزات راسها و نطقات بصوت خافت كلو حب و مشاعر : ياسر
نطقاتها و تحركات بخطواتها خارجة من لمركز و دماغها مامعاهاش خلاتو عند ياسر لي جاها تبدل لا شكلا لا تصرفا ادن تابعاها طريق طويلة، كملات خطواتها و شيرات لطاكسي ركبات فيه عطاتو عنوان لكنينيك و تكات على زاجة و دماغها خدام فهادشي لي داز ليوم و تا فلقضية لي واخا عاود ليها اناس شوية و لكن تقريبا ماعودش جميع لأحدات بحال ان ألاء ناعسة فكنينيك و شنو سبب او شنو هي طبيعة علاقة بينها و بين لعميد و بزاااف ألغاز ماعرفاهمش عاود ليها غير انه بغاها تدافع على واحد لقضية و قال ليها اسماء و سبب علاش تشد و مرض ديالو اما تا شنو سبب لي خلاه يدير داكشي ما قالوش بحكم ان طريق كانت قصيرة دغيا وصلو ، مكانتش ناوية ترجع لهاد لمدينة و لهاد لمركز بضبط و لكن على قبل أناس جات كيما ما كيرفضش ليها طلب تاهيا مستحيل ترفض ليه ،أناس كيتعتابر صديق عائلة واليديه كيعرفو واليديها كانت فلول علاقتهم عادية و لكن فعامين لخرى تقربو من بعضياتهم شوية و ولاو أصدقاء و تا من ألاء دخلات فصداقتهم داكشي لاش غير طلبها قبلات و لكن غير حطات رجليها فلمركز و حياو عليها جروح و دكريات الماضي حلفات لا هي خرجات برات لمدينة تاتفك حريرتها

تنهدات خارجة من تفكيرها ملي شافت راسها وصلات خلصات طاكسي و نزلات سدات لباب و تمات غادة ناحية لباب متوجهة نيشان لإستقبال ،تحركات بعد ما خدات رقم لغرفة و تمات غادا و خطواتها كلهم اناقة و انوتة من خطواتها تعرف قوة شخصيتها
وقفات قدام لغرفة مطلوبة رفعات انامل ديالها و دقات بشوية غير سمعات ادن بدخول حلات لباب و دخلات بكل هدوء
شافت فألاء بابتسامة راقية بانت ليها جالسة فوق ناموسية دخلات و سدات لباب و تقدمات اتجاه ديالها و عينيها فعينين ألاء لخضرين وقفات حداها و نطقات بهدوء: على سلامتك
بتاسمات ليها ألاء بكل براءة و نطقات: نجوى جيتي

يتبع...✏️

غير ظلمتو ليا ناصر قلبو يضرب غير لدكتورتو 🙂🥺