🍃 مشاعر_صامتة 🍃| ( مكتملة )

🌛بارت 78🌜

🌺مشاعر صامتة🌺
                   بقلمي✏️: خولة غزالي🌹
     

تاهيا فهمات و عاقت براسها و ديك ساعة حيدات ليديها و تلفتات لعند إلياس ملي سمعاتو نطق
إلياس: واش هادشي لي خلاك تضحي براسك على قبلو
تنهدات و نطقات بحزن: طلب مني نعاونو ا إلياس هو واخا ماعارفش راسو عندو انفصام فشخصية و لكن حاس براسو ماشي بيخير طلب مني مساعدة و انه مكانش ناوي يقتلهم و هو بطبعو مسالم شفت صدق فعينو و هادشي ما يخفاش عليا كطبيبة فداكشي علاش كنطلب منكم تاخدو حالتو بعين اعتبار و توكلو ليه محامي و انا براسي انوقف على هادشي و غادي ندير ليه شهادة انه ماشي نوغمال و الى استدعى الأمر غنشوف اطباء خرين يفحصوه و يشوفو اش كاين
شافت فناصر زيرات ليه على ليديه و نطقات بحنان كتحاول ترطب معاه: نت عارف ربي رافع عليهم لقلم اي واحد ماشي نوغمال فراه ربي ماكيحاسبوش لا على صلاتو لا على أعمالو ماعساك نحن البشر بصح اناصر لؤي لا دخل لحبس ايضيع على اقل خاصو يتعالج اما لحبس مايليقش ليه و غادي يوصلو لعواقب بزاااف من بينهم انتحار او القتل او اغتصاب راك عارف الى عرفوه هو قاتل لي كانت لبلاد كلها كتقلب عليه فشنو غادين يديرو هادشي لا ماسيفطوش عائلة ضحايا شي واحد يقتلو حيت لي عرفت ان ضحية أخيرة بنت شخصية مهمة كنتمى تفهمني و تاخد هادشي بعين إعتبار
سكتات كتشوف فيه و تا إلياس و أناس كيشوفو فيه اما تا ياسر واخد منو موقف ،اما ناصر لي كيتسناوه اش ينطق كان ملامح ديالو باردة و دماغو خدام كيفكر و عينو عليها و لكن حاجة وحدة و شعور واحد مخالجو و هو الفخر بمحبوبتو علاش لا و هي دكية و واعية و متقفة و من فوق هادشي حنينة فرحان بيها لواحد درجة كبيييرة واخا مايبينش ولكن راه ماندمش حيت طاح فحبها و غرق فيه
ركز شوفة فعينيها مزيان جبد تيلي من جيبو و دوز لخط خلا قلوبهم كلهم كيضرب حدو نطق قبل ما يقطع : تاحد مايقيصو و فرو ليه اي حاجة باغيها تالغدا و نكون عندكم
جملتو خلات إلياس يبتاسم و ألاء تشوف فيه بحب نطقات بصوت حنين: شكرا
تحنى قدامهم و قبلها فجبينها بحب مخلي إلياس واحلة ليه و كيكحب و ألاء حنيكاتها تزنگو تلفتو كلهم ملي سمعوه نطق
أناس: انا لي عليا نحضر ليكم محامي ماكاينش بحالو فتاريخ
ألاء كمشات ملامحها بتساؤل و نطقات: لا ماتقولش ليا لي فبالي
بتاسم ليها أناس و نطق : داكشي نيت
ياسر بتاسم ليه و نطق بامتنان: شكرا ليك
غير سالا جملتو خرج منساحب مخلي إلياس تبعو بعينيه تا خرج و رجع شاف فناصر هاد اخير لي ديك ساعة وقف قاد سروالو من جيهة لفخاض شاف فألاء و نطق : شوية و نرجع
بتاسمات ليه و نطقات: واخا
خرج ناصر و تبعو إلياس مخلين ألاء و أناس براحتهم
نطق اناس بابتسامة: سولات فيك حنان بغات تجي ولكن مع ماعندهاش مناوبة مخليتهاش قلت ليها تال غدا و تشوفك
بتاسمات ليه و نطقات : هانية ماكاين لاش تعدب راسها
صغرات عويناتها و نطقات: شتك بحال الى خايف عليها و ماباغيهاش تبرزط ولا غير جاب لياالله
بتاسم ليها اناس و عينيه كيلمعو حط ليديه على قلبو و نطق: هدا ماكيعلمش و الله و راه كنظن غاتعدريني عندك تجريبة
الاء حناكها تزنكو عينيها بدات كترمش بيهم بزربة حدها نطقات بصوت خافت: أناس
اناس ضحك و نطق : حبيبت اناس
كمش ملاميحو بمزاح و نطق: امكن مابقاش عندي لحق نقولها ليك امكن وليتي حبيبت ناصر
عضات شفايفها بخجل و ضورات راسها كتحس بحناكها كيفورو اما قلبها حكاية خرى اما اناس ميت فيها بضحك

يتبع....✏️

هانية ا أناس خود راحتك ماحد ناصر ما شاف والو اما كنتي.دبا مودع دنيا 🙂ياله البنات هادو هما اجزاء اليوم بونوي♥️💋