🍃 مشاعر_صامتة 🍃| ( مكتملة )

🌛بارت 44 🌜

🌺مشاعر صامتة🌺
                   بقلمي✏️: خولة غزالي🌹
        

حنانتو و ختو سماح ولكن دبا سماح ولات معاملتو معاها كأنها غريبة فقط مستحيل تعاود تحلم بشخصيتو حنينة لي مختالفة على شخصيتو لهادئة لي كايتعامل بيها مع ناس قراب ليه بحال ياسر او إلياس و لا تا معاد و منهضروش على شخصيتو باردة و إستفزازية لي كيتعامل بيها مع ناس لي غراب عليه ناصر كيطبق قضية ان كل شخص و تعامل ديالو كيف داير الى تعامل مزيان فتا ناصر يتعامل معاه كتر من مزيان تعامل خايب تاهوا ايتعامل خايب ماكاينش عندو اشكال
فاطمة كتدوز على راسو بحنان و نطقات بتساؤل: ديك لبنت متأكد غير صديقة
كان مغمض عينيه غير دكراتها حل عينيه مركز فنقطة وحدة نطق بهدوء: الحنانة عارف دماغك فين كايمشي ولكن لبنت غير صديقة مابلا مادخلي لراسك دوك الافكار
ميقات فيه و نطقات: زعما بلا مانحاول
شافتو حرك فقط راسو بنفي و رجع غمض عينو سكتات مدة تواني و عودات نطقات بحزن: ولدي
همهم بصوتو خشن و هو مرتاح على لمساتها: مممممم
نطقات بحزن واضح من عينيها: سماح مقسيتيش عليها
عض حنكو من لداخل عضلاتو تشنجو محاول يكالمي راسو براسو حدو نطق بهدوء: الواليدة
كملات كلامها بصوت مغنغن بالبكا راه كتبقا كبدتها لي محروقة: قسيتي عليها اولدي خليتيها وحدانية فديك لقنت و منعتيني نمشي نشوف حالتها
ديك ساعة جلس مقاد كيشوف قدامو و نطق بجدية: لحنانة راني كنت صغير فعمري 5 سنين شهدت على طلاقك بالواليد الله ارحمو كنت مقسوم ماراني هنا و لا لهيه ما عايش مع واليدة كيف ناس و لا راني عايش مع لواليد كل مرة راني مع حد صبرتي و كافحتي على قبلي واخا لواليد مطلق ولكن موفر ليك سكنة و شراب و لباس بحال الى مزوجين دازت مدة عامين كتاب ليك تزوجي لقيتي راجل لي يبغيك و يهتم فيك و يتفهمك و انا هادشي عارفو و متفهمو و عمري لمتك بالعكس كنت فرحان خصوصا ملي حملتي فنفس العام دازت عام كانت فعمري تمن سنين جبتي ليا بنوتة فرحتي داك نهار متصوريهاش حيت وأخيرا تانا تزادت عندي ختي لي لعب معاها و نهتم بيها بحال دراري لي قراو معاها راجلك عمري نسا خيرو عمرو نقص مني ولا عاتبني على شي حاجة واخا نكون دايرها عاملني بحال الى ولدو داز أعوام ،كبرت و عرفت هزيت راسي و مشيت تغربت كافحت كنت كنشوف الوليد خدام فالمخزن تبعت مسيرة ديالو بلا مايسيق ليا حد لخبار بحكم كانت هواية من صغري و نحماق عليها دازو أعوام عشت مع داك الجو تبعت شعبها و نسيت ديني و لي عليا و ربي اسمح ليا لحمي مخليت فيه بلاصة نقية و كنطلب من ربي غفران حيت طريفة لحرام كيخرج فالواحد عاجلا ام أجلا واخا مغرب عمري نسيتكم ديما كندوي معاكم و فيما لقا الفرصة نزل المغرب سماح كنت حاسبها ختي نحيد مني و نعطيها غير تبقا فرحانة ليا كان فعمري 34 سنة ملي جاوني جوج رسائل لولة من عند راجلك و تانية من عند شرطة المغربية واخا تانية كان عندي فيها شك ،جيت و مع وصلت مع كنتصدم بشخص لي حسبتو اب تاني ليا طريح لفراش و كيلفض أنفاسو أخيرة عرفتي شناهيا أخر طلب طلبو مني
شاف فيها لقاها كتبكي بصمت كمش حجبانو و عنقها و نطق بحنان: ماكندويش و كنقول ليك هادشي باش تبكي انا بغيت نشرح ليك موقف ديالي
زيرات عليه مزيان و كمل كلامو بنفس هدوء ولكن مستحيل إقدر إخفي نبرتو حزينة : طلب مني نتهلا فيك و فسماح دازت موتو قاصحة بالنسبة ليا و مع دلك مابينتش قويت راسي و كولشي ،داز عام و انا مكافح معاكم كانحاول نخرجكم من صدمة تال نهار لي ايجي فيه الواليد و ايكون هو سباب باش سيفطو ليا رسالة من شرطة بغاوني حيت معروف عليا سرعة فحل جرائم و بحال الى كنت طالب عليها حيت كنت مستحيل نخليكم من مورايا واخا نعرف نديكم بزز تقبلت فشرطة بواسطة معرفة ديال لواليد واخا مرضيتش و متقبلتهاش عارفة نفسي حارة و كنبغي ندخل بدراعي و لكن على قبلكم بجوج صبرت باش نكونو مجموعين و قراب و لكن هادشي مغاديش اكمل ملي ايجيب محامي وصية لي كانت من مرحوم و لي كان شارط على محامي ما يعطيها لينا تا يكمل عام جابها و كان مفادوها ان جميع ممتلكات بسميتي من غير جوج ديور وحدة فسميتك و لاخرى فسمية سماح ماكنتش باغي نقبل حيت كيبقا حق سماح و حقك و لكن نتي قلتي ليا واحد جملة عاقلة عليها
مسحات فاطمة دموعها ونطقات بحزن: سماح ختك و مغاديش يكون عندها اشكال
سرط ناصر غصة كاينة فحلقو و نطق ببرود: تماك تقلبات سماح او قولي كانت هكاك غير انا كنت غافل على طبيعتها، ماني لخدمة لي خلاها ليا ولا راني فخدمتي و لا فيها لي كانت متمردة نهار جات عندي و قالت ليا نت ماشي بلاصتك هادي خديتي ليا بابا و ملكي من تماك عرفتها هازة من خاطرها داكشي علاش بغيتها تكون بنت ناس حدي قلت ليها غير تكون مزيانة و تشد معايا طريق نكتب ليها ملكية ديال شريكة و لكن شكون لي خلاك كنت نتقاتل و نطيح و نوض ماحيلتك لخدمة لي نجي عيان نبغي غي نعس ولا لضربة لي أذاتني ملي وصلاتني لخبار تا على لواليد لي مات حرقتو باقا هنا الواليدة عمرها تبرى

يتبع...✏️

بقا فيا المسخوط 🥺🤦