🍃 مشاعر_صامتة 🍃| ( مكتملة )

🌛بارت 15 🌜

🌺مشاعر صامتة🌺
               بقلمي✏️: خولة غزالي🌹
 

هي بغات غير تهرب من دقات قلبها و من شعور لي كتحس بيه و يلاه خطات خطوة تا كتحس برجليها مشاو بيها و كانت اتجي على وجهها كون ما هو لي مد ليدو لخصرها و جرها تا جات مخشية بين رجليه و ظهرها ملاصق مع كرشو حلات فمها و عينيها خرجو شداتها لبكية من الموقف علاش القدر كيلعب معاها هكا و تا رجلين لي غادي يوقفو ما كاينينش حسات بالفشلة و هي كتحس بدقات قلبها كيرتافعو و شي حاجة مزيراها فكرشها من لتحت بحال الى شدها لوجع خدات نفس عميق و نوات تنوض مي ياله جات تنوض حسات بيه زيرها من كرشها لي محاوطها بليدو معرفات مادير اش هاد زهر لي عندها نطقات بصوت متوتر و خافت
ألاء: شكرا امسيو احم واخا تسمح ليا نوض
هو عاد فاق من سهوة لي كان فيها دغيا بعد نيفو من شعرها و انامل ديالو من خصرها ديك ساعة ناضت كتجري  تبعها بعينيه غير سدات لباب مسح وجهو بغضب و نطق : شيييت
غير طاحت عليه و شم ريحتها سها ولا باغيها غير تبقا بحال هكاك ما عرفش راسو اش كيدير، هز عينو فلباب ملي شافو تحل، مشات جيهة بينوار و فوطة هزاتهم و حطاتهم ليه فوق لكورسي و خرجات كتجري نطق قبل ما يبدا فدوش
ناصر: برهوشة
داز لوقت كانت واقفة قدام بلاكار و كتجبد ليه لحوايج سالات سدات بلاكار و تمات غادة لجيهتو كان جالس حدا ناموسية ببينوارو و كيشوف فتيلي ديالو و هو عاقد غوباشتو حطات ليه حوايج فوق ناموسية و نطقات بصوت هادئ
ألاء: لبس حوايجك تانعاود نجي لعندك
مخلاتوش تا يجاوبها ديك ساعة خرجات و سدات عليه لباب مشات لجيهة كوزينة كتكمل توجاد ديال لغدا داز شوية لوقت و تمات راجعة لعندو دخلات لقاتو لابس غير سروال كيطمة و ضوني ملبسش تيشورط مانطقات بوالو حدها تمشات ناحية ديالو و تمات دافعاه تا وقفو قدام طابلة لي كان محطوط فيها لغدا عقد غوباشتو و نطق بجدية
ناصر: مابغيتش
نطقات ألاء و هي كتحط ليه فطبسيلو: شكون سولك اموسيو
ناصر هز عينو فيها بتساؤل للحظة قال امكن راه غير خاني سمع ديالي مي نظراتها باردة اكدو ليه هضرتها و ياله اينطق قاطعاتو هي لي كانت جلسات فبلاصتها
ألاء كتنطق و هي كتحاول ماتشوفش فيه: من ليوم فطور و غدا و لعشا ايوليو كيتحطو هنا يعني لا بغيتي تاكل خاصك تخرج لهنا او بالأحرى خاصك تاكل ماشي لا بغيتي هادي اولا ، تانيا ليوم انبداو حصص ترويض و من مورى كل حصة غادي نخرجك برى ديال كوخ باش تحاول تحرك رجليك شوية و أصلا طبيعة كتساعد فنفسية الواحد و باقي نقط انتفاهمو عليها من بعد
هزات راسها و عينيها جاو فعينيه ملي سمعاتو نطق بكل برود
ناصر: كتدوي من نيتك
هزات حاجبها دليل على جوابها كمل هضرتو بجدية: بأشمن حق تفرضي عليا شي حاجة
نطقات ألاء بجدية تا هي: حيت امكن طبيبتك و دبا ماشي وقت نقاش من افضل تاكل
رجع ملامح لغضب لملامح ديال برود و عدم إهتمام كيف كل مرة
سالاو اكل ديالهم و فضلات يخرجو برى لجردة لي كانت محاوطة لكوخ تماك احسن بلاصة بالنسبة لطبيبة اتبدا ترويض مع مريض ديالها
كانت كتحرك ليه رجليه و هو حاضيها ببرود او بالأصح ملامح ديالو لي كانت كلها برود اما لداخل ديالو فراه هاد كتلة براءة قدرات تتير إنتباهو غير من حركاتها لبريئين كيفاش كتحرك و كفاش كتشوف فلحاجة و كفاش مركزة و هي عاقدة حواجبها و كفاش شعرها كيتحرك مع لبرد و ملي كتوتر كترجعو مورا ودنها اااه و حكاية شعرها حالة خاصة خلاو ملامح ديالها إيبانو ،داك هدوء لي كان فحياتو قدرات تحيدو مكرهش ايقول ليها رجعي شعرك كيف كان حيت شعرك مسرح بطريقة ما خلا قلبي يضرب مع كل خصلة كطير مع لبرد مي هو ناصر مستحيل إستسلم لمشاعر ديالو خصوصا انه كان عشق من كل قلبو أنتى لي كيف خلاتو يعشقها كيف خلاتو يكرهها و يكره جنسها

يتبع...✏️

ياختي سيدة بدات كتحكم فيه🙄 اوى البنات نبغي هاد الأجزاء نلقا فيهوم تفاعل كيغوت حيت بان ليااا بحالة معجباتكومش قصة ♥️💋