🍃 مشاعر_صامتة 🍃| ( مكتملة )

🌛بارت 54 🌜

🌺مشاعر صامتة🌺
                   بقلمي✏️: خولة غزالي🌹
         

تنهد ملي شاف راسو وصل قدام لوطو ديالو حط ليدو على قلبو و نطق بهدوء موجه ليه لهضرة: ماعندي ما يتسالك ملي صبرتي
بتاسم بإستهزاء ركب من جيهة لاخرة بان ليه ياسر راكب غير طلع كسيرا ياسر مخلي ناصر يفكر و يرتاح
بعد 5 دقايق نطق ياسر بهدوء: مابغاك تاحد غير قلتها بلعاني قدامها
ناصر حط ليدو على كتفو كيربت ليه و نطق بهدوء: عارف اياسر عارف
تلفت ليه ياسر و نطق قبل ما يرجع مكمل سوگانو : خاصك تصبر على اي شعور خالجك او غايخالجك فهاد مدة
تنهد ناصر و حط انامل ديالو على عينيه كيحكهم: عارف عارف
ياسر بتاسم ليه و هو كيشوف فيه بارد و مهدن جاتو فشكل حيت هو لي عارف مقدار الحب لي كان كيعطيه لسلوى اي ضرر ممكن يجيها كان هو لي كيتلقا ليه و لكن هدوءو جاه مزيف و غير كيمتل قدامو ماعارفش ان ناصر بصح مهدن و حاس براسو بحال الى ماخاصوش اتسوق واخا هكاك دماغو خدام كيفكر فالماضي و كيفكر فهضرتها

💥اند باك 💥

خرج من تفكير مزير على سنانو تنهد مخلي وجهو مخشي فلمخدمة بعد مدة تا كان ناعس

وقفو قدام دارها هبط ليها اناس ڤاليزة شداتها من عندو شافت فيه و نطقات: ياله طلع
اناس بابتسامة: لا غير طلعي نتيا و بلا متجي لكنينيك ليوم صافي
بتاسمات ليه ابتسامة شاحبة و ودعاتو دخلات لإقامة و هي جارا ڤاليزتها عاد هو تحرك طلعات لدارها حلات لباب و دخلات كتبان ليها دارها نقية و مقادة عرفات اناس جاب ليها شي وحدة تجمعها تنهدات دخلات لبيتها طلقات من ڤاليزة و مشات ناحية ناموسية حيدات سبرديلتها بتعب و تكات فوق منها شافت فصقف و نزلات من عينيها دمعة نطقات بحزن
ألاء: هو ماديالكش ا ألاء خاصك تنسايه
تنهدات مسحات دموعها و نطقات بنبرة منغنغة بلبكا: هاحنا رجعنا لحياتنا لقديمة خاصني نتعود غادي نساه كأي وحدة عاشت تجربة حب فاشلة
تقلبات و نعسات على كرشها جمعات شعرها باش ميعرقهاش ،خشات وجهها  فلمخدة و نعسات تاهيا
منين كتكون نفسيتنا مقهورة فراه حاجة عادية غير تحطي راسك على لمخدة تنعسي و هادشي لي وقع لألاء

دازت سيمانة نفس أحدات كيتعاودو تمشي تخدم و ترجع تنعس معوداتش شافتو ولا لمحاتو من داك نهار كتحاول تعايش مع الوضع و لكن غالبا قبل ماتنعس كتبقا تبكي تاكتفش قلبها بعد مرات كيطيح فبالها تمشي تصارحو ولكن تال اخر لحظة و تكمش بقات ليها غير كرامتها خاصها تخليها عندها اما تا قلبها داه هو
خارجة من دار لابسة سروال تجين زرق فيه تقاطع و ميني بوط فليموني مع سبرديلا خارجة و كدوي فتيلي
الاء: صافي ااناس راه بقيت ناعسة گعما فقت هاني دبا خرجت من دار
قطعات معاه شيرات لطاكسي و طلعات بعد مدة حطها قدام كنينيك تمات داخلة تا كتلمحو واقف عاقدهم عضات لسانها ببراءة وقفات قدامو و نطقات دغيا: اخر مرة والله
نطق اناس بجدية: الاء ناس كيتسناو خاصنا نبداو عملية
باستو الاء و نطقات: سير نت سبقني هاني انا انوجد راسي
تنهد و بتاسم ليها مستحيل اتقلق منها عارفها ضابطة وقتها و مواعيدها و اول مرة توقع ليها فمستحيل احكر عليها، تقدم و خلاها هي داخلة ناحية لبيرو لبسات لبستها و ملامح دبلانة على وجهها سالات و تقدمات ناحية غرفة عمليات لاحت ملامح دبلانة و ولاو فبلاصتهم ملامح جدية دارت كمامتها و عقمات ليديها لبسات ليگات و دخلات لعندهم بان ليها دايرين على لمريض لي كانت كرشو عريانة تقدمات مقابلة مع اناس شافت فيه و حرك ليها راسها و بداو فالعملية

🌺فبلاصة خرى
خارج من دار لابس قميجة فلبيض و مخططة بلكحل و سروال كحل مع سبرديلا كحلة و كاسكيط كحلة ركب فلوطو ديالو و نطالق غادي لخدمتو تا كيصوني ليه تيلي هزو و جاوب نطق بهدوء
ناصر: الو
بقا ساكت كيتسنط بعد مدة نطق: واخا هاني جاي
قطع و ملامح وجهو جامدة بعد مدة وقف لوطو و عينيه مركزين فبلاصة وحدة مدة و هو كيفكر عض شفايفو كاتم غضبو و هبط من لوطو ديالو كيشوف فواحد مستشفى و تم داخل بهدوء و عينيه كيضورو فأرجاء تقدم ناحية واحد لبيرو و دق سمع ادن دخول و دخل بان ليه راجل كبير شوية جالس فلبيرو و لابس طابلية ظاهر عليه انه طبيب
نطق طبيب بابتسامة: جلس اموسيو ناصر

يتبع....✏️

فنظركم ناصر فين مشا و اشمن مكالمة جاتو؟!🤔 و لي غادي نقول ليكم ان مجرم قريب يبان 🙂🤦