🍃 مشاعر_صامتة 🍃| ( مكتملة )

🌛بارت 72🌜

🌺مشاعر صامتة🌺
                   بقلمي✏️: خولة غزالي🌹
              

تنهد اناس و عينو سرحات فإلياس : مني عقلت على راسي و انا معنديش مع أصدقاء اي حاجة كنبغي نديرها او لعبها كنفضل نكون بوحدي حيت تقريبا صحابي كانو كيتصاحبو معايا غير حيت واليديا لباس عليهم و واليديهم كيوصيوهم اتصاحبو معايا، ملي درت 5 سنين كنا كنمشيو انا و واليدة ديما لميتم فهداك سن كانت مديرة ميتم خبرات واليدة انه جاو شي ايتام ياله مزيودين شافتهم لواليدة و لي اتارت انتباهها كتر وحدة صغيرة شهبة و عويناتها خضرين حطاتها مها فالميتم ملي كتاشفات انها مريضة بسرطان و قريبة تموت كانت ارملة و يتيمة هي و راجلها تزوجو ملي خرجو من ميتم و ملي عرفات راسها اتموت و معندها شكون لي تكفل ببنتها جابتها لميتم لي كبرات فيه هي و راجلها لي هو اب ديال ألاء و قبل ما تمشي خلات نمرة ديالها لمديرة ميتم على اساس اتبقا تواصل معاها لا تشفات اتجي تاخد ألاء اما لا ماتشفاتش فراه خلاتها ليها امانة و داكشي لي كان مديرة ميتم كانت ديما على تواصل معاها تال نهار لي صونات ليها و جوباتها طبيبة خبراتها بموتها كيما طلبات منها مرحومة قبل ماتموت انها تحتافض بالهاتف ديالها لا جاتها مكالمة تخبرهم بموتها ،قصتها اترات فالواليدة بزااف كانت لا جابت لبنات و دراري حاجة كانت هي كتجيب ليها جوج بقات هكاك و انا كنحس بألاء مختالفة قريبة ليا و مع اني معنديش لخواتات فحسبت ألاء ختي شهدت على كاع مراحلها تا وصلات ل سنتين بعدت منها حيت شفتها حدودية كتر من لقياس خليتها على خاطرها حسيتها كتشبه ليا تاهيا ماعندهاش أصدقاء و لي خلاني منجادب ليها كتر انها بريئة و كانت كتجيني مظلومة على عكس بنات الميتم لي كانو كياخدو حقهم بليدهم او كيدافعو عليهم اصدقاءهم داكشي لاش خديت قرار نقرب ليها بزز منها و داكشي ليكان مابقيتش كنتفرق عليها تا ولفاتني وليت من أفضل اصدقائها و غير لا ماجيتش فالموعد كترجع نهار كنازة
شاف فيه بابتسامة دابلة و كمل كلامو: تيق لا قلت ليك عمر شي لحظة او نهار خلاتني نطمع فيها او نفكر فيها كوحدة محللة ليا و انها تقدر تكون مرتي
الياس اومأ ليها بايجاب و هو كيتسنط و حداه ياسر لي نظم ليهم من اول الحديث
اناس تنهد و كمل كلامو: بلعكس كانت فدماغي انها ختي لا غير بنت لواليدة و لواليد يعني مستحيل نفكر فيها كيف هكاك كنخاف عليها كتر من راسي نتضر انا و ماتضرش هي خصوصا و انا شايفها كفاش حاگرة رلسها و عند بالها بوحدها وكتحاول تعول على راسها خايفة يجي نهار نتزوج و نتبدل عليها ماعارفاش هي ان ماكايناش شي بنت لمرأة لي تبعدني عليا لدرجة اني ملي بغيت بنت ناس و نويتها حلالي و اول حاجة شرطت عليها هي علاقتي بألاء تبقا بعيدة عليها وبلا مايدخل ليها تناوي ساعة صدقات بنت ناس كيما قلت و تفهمات موقفي
تنهد بيأس و نطق: فهمتي علاقتي كفاش مع ألاء
تنهد إلياس بعد ما أوما ليه بإيجاب و نطق بتساؤل: عارفة هي كفاش تا تخلات عليها ماماها و سبب
نطق أناس بنفي: لا مافخبارهاش تانا ياله كتشفتها شي شهر دبا حيت واخا دازو احدات قدام عيني و لكن ماعقلتش بحكم سني صغير فداكشي علاش مابقيت عاقل تا عودات ليا واليدة اش كاين تا باش نقولها ليها ماجابتهاش ضروف  وراك شفتي هي فين كانت
نطق ياسر بجدية: و نت عارف انها تقدر تكون كتحسب راسها بنت لحرام
تنهد اناس و نطق: ديما كتقولها ليا هادي حاجة لي ضراها، كتفضل يكونو واليديها تخلاو عليها ولا تكون بنت لحرام
إلياس: وعارف لا كتاشفات حقيقة و عرفاتك عارف اش ايوقع
حك اناس راسو و نطق بحزن: عرفت خاصني نقولها ليها قبل ما تعرف من بلاصة خرى
تنهد ياسر و دماغو سارح تا قاطعو من سهوتو اناس لي نطق:انا عارف ان خوك لي سبابها
شاف فيها ياسر ببرود و لكن عينيه كيشعو بخيبة أمل و حزن
اناس تنهد و نطق بجدية: ماعرفتش لومو هو لي سبابها و لا لوم ناصر لي ضربها وانا شفت فعينيه لحب لي كيكنو ليها
تنهد إلياس و نطق و هو مخربق: ماتلوم حد تاحد ما قاصد و تا من خو ياسر ماعرفنا شنو ضروفو
سكت شوية و كمل كلامو: وشكون لي قال ليك نت هادشي
بتاسم اناس باستهزاء و نطق: ماعارفش ان كنينيك كلو فخبارو اش واقع
نطق إلياس : اوى الله اصاوب
أناس و ياسر: امييين

يتبع ...✏️

اوى البنات و الله ما كرهت اناس اتزوج بألاء 🙂و لكن ما قادة على دعاوي 🤦