🍃 مشاعر_صامتة 🍃| ( مكتملة )

🌛بارت 12 🌜

🌺مشاعر صامتة🌺
               بقلمي✏️: خولة غزالي🌹
    
وقفات سيارة فبلاصة بعيدة كل البعد عن المدينة كانت بلاصة كل ما يقال عليها انها روعة لا من منظر و لا من أجواء ديالها كانت غير طبيعة لي عامرة أشجاار و ورود لا غير من غير واحد كوخ قدام سيارة لي ماشي كبيير و ماشي صغير يكفي عائلة صغيرة من منظر ديالو للخارج كيوحي على تصميم لراقي لي غادي يكون لداخل
نزل معاد و خلى لباب محلول و هو مأمن ان تاحد ما كاين فهاد منطقة وخا تكون كتحتاضر ماكاينش لي يعرف بهادشي ، وقف قدام لكوفر حلو جبد منو كرسي ديال معاقين كان حديت ماشي بحال كراسا عاديين علاش لا و هو كورسي ديال ناصر تنهد بعد ما جبدو اسوء شعور ايعيشو فهاد اللحظة هي هادي و هو عارف مزيان. شخصية ديالو ماغاديش اتقبل نهائيا هاد لحالة واخا ملامح ديال برود تكون مكتاسحة وجهو و داكشي لي كاين كيشوف فيه گالس فكورسي و جامع ليدو على شكل قبضة حاطها فجهاز تحكم لي كاين فلكورسي اه مراضيش على هادشي بتاتا اخيب شعور بالنسبة ليه هو شعور ديال ضعف او شي حد يشفق عليه مي واخا هكاك حامد الله حيت عارف كون ولا اعمى كان ايفقد جوج نعم نعمة البصر حيت ايولي اعمى و نعمة المشي حيت مستحيل كأعمى يقدر يتمشى فالأيام لولة ، عض على شفايفو بعصبية و نطق بجدية و حزم
ناصر: ما ناوياش

تسمع لباب الأمامي تحل حطات رجليها فالأرض و خرجات و هي ضامة ساكها صغير لصدرها و عينيها كيضورو فالمكان ،شعرها لكيرلي مليوح على ظهرها ، شافها معاد نزلات و مشا لكوفر هز ليها ساكها لي كان كبير شوية تماشا ناحية لكوخ حلو و دخل حط فيه ساك و تم خارج و هو كيشوف فيها ساهية حول نظر ديالو لناصر و نطق بأدب
معاد: سي ناصر اندخلك لداخل باش ترتاح
اومأ ليه ناصر بدون ما يتكلم ،معاد شافو و تماشا ناحية ديالو تم كيدفع فيه حيت احسن من انو يمشي بحدو على اقل هنا برى فيه لحجر و أرض ما متساوياش و قبل ما يتحرك كان معاد شاف فألاء بمعنى تبعينا و داكشي لي كان دخل و تمشا بناصر تال لمراح لي كانو فيه فوطوي و وقف نطق بنفس طريقة 
معاد: انستأدن منك دبا خاصني نمشي واش تبغيني نديك لسريرك
نطق ناصر ببرود قاتل: لا ممكن ليك تمشي شكرا
اومأ ليه معاد استأدن من ألاء و خرج مغادر الكوخ مخلي كل واحد ساهي فقنت ناصر لي كيفكر فمو و ألاء لي ساهية فلكوخ كتشوفو متكون من طبقين طبقة لفوق كانت عبارة على غرفة نوم فقط لي باينة من لتحت حيت كانت محلولة فيها غير سرير و مكتب على عكس طبقة لتحت كتشوف خمسة أبواب مسدودين من غير كوزينة لي محلولة على لمراح مكدباتش ملي قالت راقية ،تصميمها كان راقي ،قفزات ملي سمعاتو نطق ببرود كيف متعودة عليه هاد يوماين
ناصر: أتبقاي واقفة
ألاء بأنامل ديالها رجعات شعرها من مورة ودنيها شافت فيه ببراءة و توتر غالب عليها نطقات بصوت هادئ: احم واخا نعرف اموسيو فين كاين الحمام
ناصر بعد بؤبؤ عينيه عليها ببرود تام و نعت ليها احدى أبواب و تحرك بلا حتى كلمة و هاد حركات ديالو الباردة برود الجليد كتستفزها بالنسبة ليها اكتر ناس ما كتحملش هي ناس باردة المشاعر مي هي اش عندها اش دخلها اصلا فيه مي فكرة انها هي و رجل غريب فبلاصة بوحدهم هاد فكرة بحد داتها كتخليها توتر و ماشي اي غريب لا هداك لي نظرة منو كتخلي زوبعة ديال مشاعر ديالها فحالة إعصار
حركات راسها بنفي كتحاول تطرد افكار لي جاو فبالها هاد ساعة ،توجهات لحمام بخطواتها لي كتبين شخصيتها لهادئة غير سدات لباب تنهدات و مشات غسلات وجهها هزات راسها كتشوف فلمراية و كتفكر لحوار لي داز بينها و بين أناس

✨فلاش باك✨
خرجو بجوج و وقفات قدامو كتعض فشفايفها بعصبية نطقات بغضب واضح: واش من نيتو انخلي مستشفى و نمشي معاه
أناس شد ليها فليديها و هضر بجدية: ألاء حنا عارفين ان فهاد سيمانة ما عندك تا موعد مهم اذن مافيها والو تعتني بصحة ديالو
نطقات ألاء و هي حالة فمها: أناس تانت راه
قاطعها بجدية: فكري مزيان راه من بعد اتولي تانتي غتخرجي من مستشفى و يعيطو ليك تمشي عندهم لدار اللهم تاخدي هاد لفرصة و حسبي راسك فإجازة
ألاء شافت فيه بهدوء و نطقات بعد ما هزات كتافها: اوكي موافقة
أناس شاف فيها بنظرات حنان: تيليفونك حداك نصوني جاوبي باش ما يبقاش بالي مشطون معاك
ألاء بتاسمات ليه بحب أخوي: كون هاني
ختم كلامو بقبلة على جبينها و بعد

✨اند باك ✨

تنهدات خرجات من حمام بان ليها ماكاينش و اول حاجة دارتها هي مشات خدات تيلي ديالها جلسات فوق فوطوي و دخلات كتبحت على شي حوايج دغيا بانت إبتسامة ديالها ملي لقات داكشي لي بغات بدات كتقرى بصوت خافت
ألاء: ناصر البناني البالغ من عمر 39 سنة و هو عميد الشرطة وأيضا الواصي على أعمال و شركة البناني لي ورتهم من الأب ديالو المتوفي 5سنوات هادي،عايش مع الأم ديالو و ختو لي صغر منو ب8 سنوات و قل ما يقال على علاقتو بين عائلتو انها قوية و صامدة
نطقات بعد ما حطات تيلي جنبها : من غير هادشي ماكينش لي عارف شي حاجة خرى على حياتو لخاصة امم ادن صدقتي عميد عليها عندك فورمة ديال بغل
كملات كلامها و بدات كضحك بصوت خافت خوفا من انه يحصلها حسات براسها دارت إنجاز حيت لقات عليه معلومات

يتبع...✏️

اوى يالبنات لبنت صافي تصطات خاصها خاصها فقيه 🙂فين هما دوك الناس لي قالو على العميد ديالنا راه شمكار بانو بانو نشوفكم 🙂 يالاه بنات فيقو بانو عندي فتعاليق قولو ليااا باش عجباتكوم قصة نكمل ولا نحبس