🍃 مشاعر_صامتة 🍃| ( مكتملة )

🌛بارت 49 🌜

🌺مشاعر صامتة🌺
                   بقلمي✏️: خولة غزالي🌹
       

سرطات ريقها راه خاصها تبت راسها مايمكنش ضيع حب قلبها و تبقا حياتها كلها تندب كتافات تحرك راسها بايجاب و حناكها حمرين و مانقولش ليكم فرحة ديال إلياس و اخيرا بعد طول عداب ديال حب وافقات انها تكون حلال ماكرهش يشدها يعنقها يبوسها ماعرفش اش يدير ليها مهم يعبر على فرحتو و حاجة لي دار تقدم و حط شفايفو على جبهتها باسها و نطق بفرحة: ماتخيليش فرحتي شحال
تلفتو لعند فاطمة لي نطقات: و الى اولدي مادرتي لبنتي عرس دايزو لكلام ماتعولش تديها
نطق الياس و فرحة بغات تخرج ليه من عينيه : تانكون ماسميتيش الياس و مانديرش ليها لعرس
وقف ياسر متقدم لعندو و حال دراعو: و اخيرا انتهنى من شكاويك مبروك عليك
عنقو فرحان لصاحبو حيت كان شايف مقدار حبو ليها كل هاد الأعوام فالمقابل تا الياس زير عليه و نطق: الله ابارك فيك عقوبة ليك
بعد منو ياسر هاد اخير لي تلفت لعند اسماء و ق بابتسامة: مبروك عليك اختي
نطقات اسماء بخجل: الله ابارك فيك
وقفات لحاجة تاهيا و باركات ليهم فرحانة لفرحتهم من ديما كانت معتابرة الياس ولدها خصوصا ملي عرفاتو يتيم اما اسماء خلاص كانت ماكتفرق بينها و بين سماح بوالو و بعد المرات كانت كدور فسماح على قبل اسماء حيت كانت بنت ناس و متخسرش لخاطر
نخليو هادو فرحانين و نمشيو لعند لاخرين لي ملي لمحها تقدم لعندها وقف موراها بعيد عليها بخطوات كتيرة شوية و لكن قادر يسمع هضرتها و اش كتنطق و عرف معامن ملي نطقات اسمو هادشي لي يخليه كيسمع بلا مايتحرك
ألاء لي خرجات و هي شادة تيلي غير وقفات جاوباتو: الو
نطق أناس بهدوء: الاء صافا
ألاء بحنان من ديما نبرة صوتها كتغيرها مع اناس: صافا و نت بيخير
أناس : الحمد الله و نتي مزيان بيخير تماك ما كاين لي قلقك لا كنتي ماباغاش تبقاي نجي ليك ،دبا تلقايني عندك
ضحكات بصوت هادئ و نطقات بحنان: هادي هي مرة عشرين باش كتسولني نفس سؤال اأناس
تنهد أناس و نطق: خايف عليك األاء ماعارفاش باش انحس لا تقاست منك شعرة
بتاسمات بإطمأنان بحال الى كيشوف فيها و نطقات بحب أخوي: حبيبي عارفة بالك مشغول معايا و لكن كون هاني انا بيخير و لاقيا راحتي هنا راه غير شي يامات بيما تشفى موسيو ناصر و اتلقاني حداك داكشي لاش كون مطمأن من جيهتي
أناس نطق بحنان: اوكي انا بغيت غير راحتك نهار تبغي شي حاجة صوني ليا ديك ساعة نحضرها
ألاء: صافي كون هاني
أناس : ياله باي المشعككة
بتاسمات ألاء و نطقات : كنبغيك ياله باي
أناس بتاسم و نطق: لا انا اختي مكنبغيكش راني بولادي زعما
ضحكات و نطقات: كتكدب و فوجهي من فوق
اناس : ههه اضاحك معاك تانا كنبغيك ،ياله باي
ألاء : بسلامة
قطعات معاه و هي مبتاسمة شعور بالأمان و حنان لي كتحس بيه مع أناس ما كيتوصفش ،و لكن مطولاتش ملامح لبسمة فوجهها ملي شافتو واقف قدامها خاشي ليديه فجيوبو و عينيه سوداااء (كتبتها قداش سيرو قولو عوتاتي خضرين هه )مركزة فعينيها لخضرين لي باين فيهم لمعة حب و فرح هادشي لي خلا كمية مشاعر مخربقة فلداخل ديالو شعور قادر يخليه يشعل عافية فيها شعور اقل ما يقال عنه انه عذاب و العذاب العظيم هو انه ماباغيش يعتارف بمشاعيرو اي انه كاين وسط زوبعة ما حيلتو لمشاعر لي قربات تخرج من صمتها و تهضر و لا حيلتو يبقا يقمع فيهم و هو ماعارفش سمية أخرى لهاد مشاعر من غير اسم مناسب ليها و لي ماباغيش يتعرف بيه"الغيرة"
كان ملاحظ نبرة صوتها و هي كدوي معاه و لكن متكونش بحال كلمة حبيبي و كنبغيك هاد كلمات بدات كون ماكانش شخص واعي و كيتحكم فتصرفات كون اقل حاجة يديرها انه يدوز فيها كإعصار و لكن لي مخليه ساكت و مامبين ولو لمحة فلملامح ديالو انه مامعتارفش ولكن هادشي مايخليهش اتحكم فراسو كتر ملي شاف ملامح ديالها و هي مرتاحة معاه فالهضرة علاش ملي كتكون داوية معاه هو كتكون ماشي براحتها و متوترة و عينيها اخر حاجة اقدر يتوقعها منها انها تطول شوفة فعينيه

يتبع...✏️

واش غار ولا غير جاب ليا الله 🤔