🍃 مشاعر_صامتة 🍃| ( مكتملة )

🌛بارت 26 🌜

🌺مشاعر صامتة🌺
                   بقلمي✏️: خولة غزالي🌹
        

كمشات حواجبها بتأكيد: مستحيل ،عينيه طبيعية متأكدة
خدا ستيلو فليديه و بدا كيلعب فيه و عينيه غير عليها نطق بجدية: عاودي اش وقع من لول
سرطات ريقها و عينيها دغيا حمارو بقوة دموع لي حبسات شافت فيه و نطقات بصوت خافت: واخا
بدات كتعاود ليه كيفاش وقع و اش شافت و نسات اهم حاجة و لي هي لوشام
كان متبع معاها و بضبط مع ملامح ديالها كفاش كيتغيرو مع كل كلمة او حدت نطقات بيه غير سلات بقا ساكت مدة كيضور هضرتها مع دماغو نطق ببرود كيف عادتو: كنظن الى عرفك مجرم انك شفتيه فغادي تولي نتي ضحية ديالو لقادمة
شافت فيه لسانها تبلع نسات هادشي نسات راها شاهدة على جريمة و مجرم ديالها مطلوب فيقها من أفكارها ملي نطق ببرود: مجرم لي شفتي نتي ماشي اول جريمة ليه بالعكس ديك ضحية رقم 5
شداتها تبوريشة قلبها بدا كيضرب بعنف ليديها عراقو و بداو كيترعدو نطقات بصدمة: ك ك كفاش
بقا كيشوف فيها و كيفكر تنهد و نطق بجدية: حياتك تقدر تكون فخطر داكشي لاش غادي نخليو شي رجال من مركز قدام باب دارك باش مايوقعش شي حاجة ماباغينهاش
وقفات بشوية و هي مزال مصدومة شافت فيه و دمعتها نزلات ديك ساعة مسحاتها نطقات بتوتر: ماكاين ل لاش راه
و مزال مكملات هضرتها تا كان مقاطعها شاد ورقة حطها قدامها و حط ستيلو نطق بصوت حاد و فيه جدية زعما بلا ماتزيدي كلمة: كتبي عنوان ديالك رجال ايكونو فليل قدام دارك
و بلا متحاول هزات ستيلو بين صباعها كيترعدو و بدات كتكتب ليه عنوان لي ستغرقات 5 دقايق غير باش تعقل عليه بقوة توتر و خوف نسات عليه بمرة
هز كارط فيزيت ديالو وقف و خشاها ليها فجيب ديال تجاكيط و قال بهدوء: نمرة عندك وقع شي حاجة صوني بلمركز
هزات راسها بإيجاب و تمات غادة رجليها كيلعبو بيها كتقول دبا نطيح لا شوية و نطيح خوف متملك منها خرجات من مكتب ديالو سدات لباب و تكات عليه كتقفقف حلات ساكها كترعد و تنفس مجهد جبدات قرعة لما شربات منها شوية و رجعاتها ،حاطة راسها على لباب و كتحاول تنفس بقات مدة دقيقة هكاك تا حسات براسها مزيان عاد تمات خارجة من لمركز غير خرجات طلعات راسها لسما و بدات كتنفس بجهد تنهدات و تمات هابطة مع وحد دريجات عجبها لجو كانت شمس بدات تغرب و ريح قوية شوية ،قررات بلا متشد طاكسي تكمل على رجليها و داكشي لي كان تمات غادة فطريق و هي غافلة على واحد عينين خضرين متبعينها بغموض

اما عندو هو لداخل غير خرجات بقا كيشوف فلباب بلا مايحس خرج لسانو لحس شفايفو ضربو ضو ديك ساعة بدا كيمص فشفايفو طعم ريق ديالها و طعم توت مزال عالقة فشفايفو بغا اتسطى غزز سنانو مزيان و رجع راسو حطو على لكورسي غمض عينيه و نطق بصوت خافت: توت
بقا ساكت مدة لابأس بيها و هز ليديه كيخبط فراسو خبطات صغار و خفاف نطق بصوت جدي و هو باقي على حالو: ضبر راسها أناصر ضبر راسها
فكرة ديال انها فخطر عششاتو ليه فراسو محملش لبلان انها تكون هي شهيدة ماباغيش اكون عندها شي مشكيل و هو عارف على اقل الى كانت باغا لمشاكيل تبعهم و هي بعيدة عليه مايسيقش ليها لخبار باش متعشش ليه فدماغو و يحس بلمسؤولية و لكن دبا لا فكرة ديال ان مجرم اقدر اكمل بيها ضحية سادسة فلقائمة بغات تجننو محملش لبلان بمرة

عند ألاء لي كتمشى بشوية عليها قلبها ضرب بجهد معرفاتش مالها ستغفرات الله و هي مكملة خطواتها تال واحد لحظة خرجات فيها واحد لبنت تا طاح ليها ساك تلفتات لعندها لبنت شافتها وهي تحنى بدات تجمع ليها ساكها ونطقات بأسف
بنت: عافا ختي لما سمحي ليا مشفتكش
ألاء خدات من عندها ساك لي مداتو ليها و نطقات: هانية اختي
بتاسمو لبعضياتهم و لبنت مشات ألاء طلعات راسها قلبها ضرب و ديك ساعة تلفتات كتحاول متبينش خوفها و توترها و ميحسش بيها شافتو ،لمحاتو لابس كولشي كحل و داير كاسكيط و كمامة عينيه لي كيبانو مشعشعين من تحت لكاسكيط كان مخبي مون مورى واحد مجموعة ديال دراري و بنات معرفات مدير راسها ضرها و قلبها بغا يسكت واخا جو بارد شوية الى لعرق هابط ليها مع جبينها سرطات ريقها و حاجة وحدة جات فبالها هي خاصها تبقا فبلاصة عامة تاتقدر تلفو تحركات غادة مخلطة مع ناس حيت ميقدرش يزعم عليها قدامهم كتحاول تمشا بشوية و عادي كيف كبيلة ماباغاش تهور بانت ليها واحد جردة عامرة بناس و دراري صغار حمدات الله تمشات ليها و هي تجلس حدا واحد جوج عيالات كبار سرطات ريقها و جبدات تيلي ديالها من ساك ماباغاش تشوف فيه خدمات كاميرا ديال تيلي كتبان بحال الى غير كتخربق فيه بان ليها جالس فلكورسي مقابل معاها و عينيه عليها عضات شفايفها و عينيها تغرغرو بدموع خوف متملكها دخلات دغيا لجيهة ليزابيل مابان ليها غير أناس دوزات لخط و بدات كتسنى كتسمع غير راه خط خارج تغطية كتشدها علبة صوتية صافي حقدات بلبيان ما بان ليها غير تكتب ليه ميساج مفاده انه ملي يحل تيلي اتاصل بيها ضروري

يتبع...✏️

قال ليكم توت البنات🥺
ترحمو عليها بوحدة بوحدة🙂