🍃 مشاعر_صامتة 🍃| ( مكتملة )

🌛بارت 31 🌜

🌺مشاعر صامتة🌺
                   بقلمي✏️: خولة غزالي🌹
       
وقفات ألاء تمشات ناحية ديالو من جيهة لاخرى تا وقفات حداه شافت فيه بخوف و نطقات: كيفصبحتي بيخير
ناصر شاف فيها بغموض باين من نظراتو نطق بهدوء: اه
وقف أناس حداها و بدا كيفحص ليه جرح و كيتحدت: جرحة داويناها ليك لبارح الحمد الله ماكانتش غارقة
نطق ناصر و عينيه فألاء: بغيت نمشي
وساع بؤبؤ عينيها بصدمة و نطقات بنفي: مايمكنش راه خاصك تمشي لكنينيك تاتعالج ليك جرحة مزيان
أناس بهدوء: او على اقل دي معاك ممرضة هي لي تقابلها ليك حيت مخاصكش حركة بزااف
ناصر كان كيشوف فألاء بنظرة مامفهوماش طريقة باش حركات راسها بنفي و شعرها حريري تحرك معاها و ملامحها طفولية بريئة ،خلاتو بغا يبقا غير يشوف فيها تا تحرجات من نظراتو رجعات شعرها من مورى ودنيها بأنامل ديالها و كتحاول ماتشوفش فيه حيت حساتو غادي ياكلها بنظراتو و هادشي لاحظو تا أناس لي كمش حواجبو من غرابة لموقف و لاحظ ألاء لي متوترة مافكرش جوج و لاح ليدو على كتافها معنقها بجنب جارها ليه و نطق و هو كيشوف فيها و كيرتب ليها شعرها : سيري وجدي راسك و جمعي حوايجك باش نمشيو ياك دوينا لبارح
ألاء شافت بيه ببراءة و نطقات: حوايجي نصهم باقين عندك فدار بلا ماندي لحوايج انهز غير لوراق مهمين
بتاسم ليها أناس و نطق: واخا سيري و عنداك تجععكي هاد شعر عوتاني
ياله اتنطق ألاء تا قفزهم صوت شخص لي كانو غافلين على نظرات غضب و شرارة لي خارجين من عينو بغا يقتلو و ماغيرتاحش علاش قادر يقيسها و يعنقها و يتحسس شعرها ناعم و هو لا مابغاتش تسرط ليه ماخاصهاش تكون قريبة ليه بهاد شكل و علاش قالت ليه حوايجي عندك فدار واش بيناتهم شي حاجة؟؟ افكار دازو فدماغو و مخلينو مجنن بلا مايحس نطق بصوت باين فيه لغضب واخا ملامح ديالو رجعو لبرود: واخا نعرف ادكتورة واش تمكنتي انك تشوفي وجه لمجرم
ألاء عضات شفايفها بحزن و نطقات: لا
زير على ليديه بغضب لبارح كان بين يديه و مافكرش يحيد ليه لكمامة من وجهو واش لهاد درجة كان خايف عليها باش مايحسش بهاد غلط لكبير رجع شاف فيها و نطق ببرود: هادشي لي كنت كنعني بيه ملي قلت ليك حياتك فخطر
ألاء حدرات راسها بخوف و ياله اينطق أناس قاطعو هو بهدوء: ولكن عندي ليك حل ادكتورة
عضات شفايفها شحال كيعجبها ملي كيقول ليها ديك دكتورة كتحس بيه كيتفنن فنطق ديالها ماشي بحال اشخاص لخرين غير كينطقوها هو لا كينطقها و بحال الى منشوي معاها طلعات راسها و نطقات ببراءة: لي هو
شاف فيها بجدية و نطق: نتي حياتك فخطر و خاص لي يحميك و ضروري يكون معاك جوج رجال من بوليس على أقل و كيما كتشوفي انا خاصني ممرضة فعلاش متكونيش نتي ديك ممرضة و تا أمن اتلقايه حيت داري محاصرها رجال لي حامينها و غتكوني مأمنة و محمية كتر اش بان ليك ادكتورة
أناس كمش حواجبو بإنزعاج علاش هاد لمخلوق ملي كيكون مضروب و خاصو لعلاج ضروري ما يدي معاه غير ألاء هادشي جاه غريب و لكن لاجا يفكر بالمنطق فراه عندو لحق هو قادر يحميها كتر منو حيت اناس كيبقى غير دكتور ماشي بحال هو عميد حماية اتكون عندو متشددة ،شاف فألاء لي تاهيا غارقة فتفكيرها علاش فيما بغات تهرب منو كتلقا راسها قريبة ليه كتر من لول هادشي ماشي فصالح ديالها هي راه باغا تنساه ماشي طيح فحبو كتر و كتر و لكن شكون عرف هاد مرة تقدر دير شي حاجة لي يخليه يبغيها و يتعلق بيها يمكن ربي عطاها فرصة تانية لقلبها باش يرتاح من عداب هاد حب، هادو كلهم أفكار دازو فبالها طلعات عويناتها فيه شافتو كيشوف فيها ببرود و هادشي لي خلاها تأكد انه ممكن عمرو يبغيها هو شخص لي مشاعر ديالو باردة كتر من لزوم واش تقدر تخليه يبغيها حسات براسها بحال الى داخلة لشي عملية و هي عارفة و واعية بخطورة امر و احتمال كبير عدم نجاح عملية و اتخسر لمريض
تنهدات عاد تلفتات شافت فأناس و حركات راسها ليه
نطق اناس بابتسامة: اش بان ليك
ألاء ردات شعرها من ورى ودنيها و نطقات: معرفتش اش بان ليك نت

يتبع...✏️

ناصر دار معاهم مزيان ملي مشيرش عليهم بالقرعة 🤣اندير معاكم المزيان و نحيد ليكم ناصر و نقول ليكم ماشي هو 🙄